假如我是冗員

發明星夢是假，這才是我的理想職業，賺錢買花戴的最高境界，人生如此真是夫復何求。

1. 我希望廿五歲前能找到這種post。
2. 尊重老細尊重自己，我每天必定扮到鬼火咁靚返工。
3. 為了「鬼火咁靚」起碼會著四吋高踭鞋，咁樣行得慢在所難免，十點前返埋位是很合理的。
4. 為了「鬼火咁靚」每朝起碼要花一個鐘頭配襯造型，十點前返埋位是很合理的。
5. 為了「鬼火咁靚」每晚不停做各款mask，又要做treatment、spa和整頭髮，十點前返埋位是很合理的。
6. 為了「鬼火咁靚」，足夠的休息是很重要的，所以十點前返埋位真的很合理的。
7. 為了「鬼火咁靚」，聲音保養同樣重要，有靚樣怎能沒靚聲？所以不要打太多電話給我，email吧。
8. 為了「鬼火咁靚」我當然會落足心機做手足水晶甲，但打得太多keyboard會令指甲有危險，所以有閒先check email。
9. 開email視乎老闆幾時行埋我個位，咪開個outlook出來望吓。
10. 正經事要緊，梗係要check住開飯、面卜、你管有乜大事。
11. 如果我每日打字係有quota的話，那大部份得留來msn。
12. 打「劈劈拍拍」的打字聲，邊個敢話我無做野？講，邊個？
13. 影印機無炭粉？人來啊﹗無紙？人來啊﹗jam紙？人來啊…
14. 呢個係我直線，唔係阿邊個架喎。佢個dir line？你自己搵啦，我都唔知喎。唔該晒，bye bye。開番個你管繼續先…
15. 時間觀念是很重要的，特別是lunch time和放工。
16. 健康是很重要的，街外食物太多味精，唔好。帶飯好，lunch hr開始前十五分鐘叮定就差唔多。
17. 出街食時食丁丁就飽，但下午有很多空間狼吞一個下午茶。
18. 數口只會在夾錢時精，平時求其啦…
19. 都話我對高踭鞋高囉，出街食lunch遲半個鐘返呢你唔係嘈我呀嘩？
20. 辦公室冷氣凍，椅背上起碼攤著三條以上各式名牌披肩。
21. 為配襯衫裙，各式手袋也是少不免的。
22. 枱底暗藏一對爽健涼鞋…都說，健康是很重要的嘛﹗
23. 對絲襪穿了，又要落樓下轉角三個街口的檔口入貨了…
24. 情人節男友唔送花上office？我那天在辦公室怎過﹗
25. 枱面放滿各式卡通人物裝置，電話、keyboard、mouse等生財工具先放在一旁吧，咪隔住我欣賞melody、kuromi和hello mimi既美態﹗
26. 枱面的月曆mark著各個重要日子，包括美容booking、家人朋友生日和各式紀念日，嘩，好忙呀﹗
27. 順日要mark埋唔同飯局時地人。
28. 櫃桶有各式hand cream、skincare和化妝品以備不時之需。
29. 香水、香精和香薰都是少不了的。哎呀，隔離位個佬一出完site返來就一陣汗味，我噴﹗我噴﹗我噴噴噴﹗
30. 你的issue urgent嗎？排隊丫唔該。等本小姐有心情自會為你處理一下。
31. 很urgent嗎？我忙呀…此話一出自不然會有些自以為盡責的心急人自己做咗佢。oh，慳番。
32. 留了voice mail嗎？哎呀，無喎。又留了email？哎呀，個server好像出了點問題，點解我收唔到你email既？
33. 等我問吓有關同事先，因為唔係我負責架，我覆番你丫﹗
34. 這個回覆至少要等一個星期，這是VIP級數的招待的了。
35. 老闆的order完成後會即時匯報，老闆以外的？我份review又唔係佢做，啋佢都傻啦。
36. 份野錯了？咪阿邊個囉，佢係咁講架喎。呀，但係佢上星期last day咗啦。
37. 有啲咁既事咩？等我check吓先呀。
38. 打錯字？你識字架嘛，幫我改番咪得囉。
39. 櫃桶必定有大量零食。然而見到人家拿著啱心水的雜吃還是會搶。
40. 嚴重脫水，要不停出入洗手間和茶水間方得救。
41. 人際關係是工作重要的一環，和同事多溝通是少不免的，地點不限，只要有共同話題就行。
42. 光是交換湊仔經、食肆行情和旅行心得已忙得要命。
43. 做人要不停自我增值才行，看到合適的資料當然要print出來回家慢慢閱讀。
44. 為了增加我對公司的歸屬感，我覺得喺屋企都要用公司訂的廁紙才行，全天候培養嘛﹗
45. 少不免，去超市mark價錢簿和筆都要用公司訂的啦。
46. 阿妹如果用公司個keyboard墊可能做paper會更得心應手喎…
47. 唔爭整多幾個茶包俾阿媽，佢鐘意呢隻味…umum…
48. 茶杯沖茶後當然不會自己洗，阿姐唔使做呀？我好忙架。
49. 如非必要不會催會計部同事出票，佢地都好慘架咁大工作壓力。除了我啲expenses囉…喂…快啲啦…
50. 拍計數機十分之快，特別是計自己budget時。
51. 望資料、弄excel非常用心，特別是計自己budget時。
52. 周1回公司第一件事是upload周末吃喝的相，嘩，公司部機快好多。
53. 各式火牛藏枱底，隨時隨地可以叉電。嗱，我都係等公司既資源更有效運用咋。
54. 員工優惠、公司旅行第一時間報名享用，都話我係一個好有歸屬感既員工呢架啦。
55. 證件、文件當然用公司影印機，啲色靚啲呀。
56. 身為冗員當然會寫博，劇評相信每星期寫到1個，以每天煲7集台劇計，然後食評起碼4個，還有兩星期1個遊記。
57. 以我的update密度相高要登上人氣榜冠軍並不難。
58. 攪不好寫到有名氣，成為人氣OL blogger…哎呀…公司知道唔好架…唔好影我呀…
59. 但我的博當然會見到我的靚靚身影，和我的靚靚衫影，還有靚靚指甲…
60. 哎呀，太揚不好…

唔好影…唔好影呀…

另一篇：大冗者勛章