新鞋

打從看《悠長假期》到2001年我覺得唔好睇但又好記得光王著過的《Rookie》及都係光王主演不過係內田有紀著的《沒有天使的街角》，從此，呢對鞋久不久就喺我腦中出現，已經十幾廿年了，多年來，小的久不久行過專門店都會入去摸吓然後又放低咁。

卒之，今年年三十作了一個了斷，我抱咗佢回家…哈。

小的對《沒有天使的街角》的迷戀已經到了癡狂境界，從Puma tracksuit、光王手提上的民族風電話繩到紅翼，無一放過，哈哈。

拖咁耐，首先因為貴既，學生年代千幾二千蚊好貴架﹗(相比之下咁多年都仲係千幾二千蚊好似無乜通賬過咁…)，另外小的腳大，再著腳大的鞋就係超大…

於是中間出現好多愛的替身，例如高筒converse，又或者馬丁博士…不過都唔夠一矢中的嘛…


(圖取自豆瓣)

睇《Rookie》好記得愛田誠第一日轉便衣前輩就送佢一對紅翼，說追賊護腳好緊要，但我著上腳…係好重…同埋好硬…哈哈…點跑呀…好在經過馬丁博士的訓練和著咗對超厚的襪，好似都ok…

另一幫兇估你唔到是古眼神先生，話說99年佢隻碟《天氣會變》無啦啦送了條紅翼電話繩，完全是買唔到對鞋既愛的替身。then因為琴日喺面書見到古生有首驚世新歌推出，一野被嚇到，就返屋企拎返最愛舊碟之一出嚟回味…原來…夾喺封面上的車飛…係…可以…拎嚟…換手帶…大囧﹗當年我係唔捨得拎張飛走去換…定係完全無睇所以無換？﹗好可怕…我…唔記得了。

襯而家天氣涼啲可以著厚襪要快啲著熟對鞋先~~~

一圓宿願感覺真的很良好。齋望都醉了。

以上。