係囉，成張poster最耀眼咪就係黃藥師，就好似漆黑中既螢火虫一樣貢閃耀貢chut眾(完全進入花癡mode)話說，琴日碌飛卜時見到篇文講祖國呢個新版本，當中，苗uncle(扮熟mode on)演黃藥師，再加上劇中用咗83版的音樂…嘩﹗二話不說返屋企click嚟睇，一野煲咗三集…
一路睇緊的《魔女之條件》即刻放低…
記得有人講過，年青人會鐘意睇《神鵰》，年長一點會喜歡《射鵰》，再年長一點就會選《天龍八部》。um，小的可是從小就狂迷《神鵰》(你懂的)，看《魔女》的師生戀不禁有點睇緊過兒姑姑的感覺(不過，黑澤君和廣瀨老師好像比過兒姑姑更天真更可愛，更世外高人喎﹗)，有一吓想搵番金庸劇出嚟回味吓的時候…天呀﹗就出現一套跟83版交纏在一起的新版《射鵰》…這是甚麼了…
我想話，《平清盛》中松ken的造型，比洪七公更似丐幫幫主…囉。
(圖片刧自百度)
我咁鐘意比比比，新版的人腳除了苗uncle和呂良偉外一概都唔識…咁，睇樣啦。
郭靖極有蘇有朋《絕代雙驕》的風味，不過好像有點太可愛(我mixed up了花無缺和小漁兒了？)，印象中郭靖是濃眉大眼傻小子，俊美都係留番俾楊康的嘛…不過我未睇到佢出場…或者演技搭夠啦。then黃蓉呢張相有啲楊冪feel…然後楊冪在2006版《神鵰》演過郭襄，所以女兒像娘親是無問題的了﹗跟住彈幕說她老爺劉丹可是演出一千次洪七公啊﹗(媽咪我好亂﹗)
then，男女主都係廿零歲…好年青﹗(對照無記的人腳…)
話說睇83版最令我記得同狂笑的一段是：
然而成套劇最令本人難忘的是靖哥哥使出「降龍十八掌」前的一套馬步，他發功就好似美少女變身咁有咋動作要打，劇中就整了個黑色景，back住靖哥哥打打打之後就有個龍頭飛出嚟，轟轟轟的就打到敵方一仆一碌；基本上唔係問題，不過靖哥哥耐不耐就轉第二套戲服，然而發功片中的打仍是上幾轉穿的戲服，極不連戲，係個笑位。原文直貼先，無錯，就係靖哥哥出「降龍十八掌」的一幕，low tech得嚟好好笑(有片﹗)。then唔覺意俾我見到呢個好有香港舊式酒樓龍鳳大禮堂金龍既圖…呃，真係好打機feel喎﹗好期待睇到呢一集…順手貼番幅蓉兒，支打狗棒水喉通咁粗好唔慣添，睇番咗無記啲竹枝…
過兒媽的妝仲濃過83版楊昐昐，隻眼又超大…大到好像不合比例(這輯相似online game的宣傳照…ps到一個點，睇宣傳片過兒媽的五官比例是正常很多的…)﹗then過兒爸，都是令仔既…但頂峰令仔級的83版楊康喺度…um…um…um…
其實平時我唔會理邊個演一燈大師…但見係呂良偉就貼一貼。點講都好，我的看點都係苗uncle…曾江叔叔和駱應鈞叔叔，我要貪新忘舊了(對唔治我真係好膚淺…講嚟講去都係巧．令．仔﹗)哈哈哈。型係型，我好期待會喺黃藥師既邪同狂上面點處理，好記得83版有一幕係蓉兒喺房度發脾氣掉野落地，黃藥師行入去唔係叫停個女，係同佢掉埋一份，掉得仲high過個女，直到一個點蓉兒唔嬲豬對住老豆笑，呀…呢個阿爸教育方法真係與別不同…好正﹗
睇評論說呢套劇除了用上經典港版演員和音樂，個故仔都幾跟足原著，然後去祖國不同地方取景，點睇…都會好過無記的郊野公園跟沙灘和廠景，唔講人腳先，外景和花在特技上的心機港劇已經…望nano莫及了。看，我講嚟講去都係83版和94版…之後無記的武俠劇我講唔出了…(《少年四大名捕》算唔算？)
友人直飛咗睇第16集睇苗uncle出場…我係咪應該跟隊…我睇到郭靖剛剛救咗哲別咋﹗大囧﹗有排先到黃藥師出場喎﹗
以上。
沒有留言:
張貼留言
要講幾句嗎？﹗XD