其實我個人喜歡看散文多點，小說通常都是因為電影/劇集或喜歡的作家才看…這一回一口氣看了好幾本…完全唔關影視作品事的說﹗
再來我最鐘意的排名分先後次序。
《流》東山彰良
話說前陣子看了本講日治和之後日語在台灣情況的書，內裡提到經歷日治時代教育的人在戰後一下子不能說日文的狀況，也提到一些戰後成長(無經歷日治教育)但又因為各種情況而中日語並用的作者，最記得的名字是溫又柔(真的是如水一般啊~~~)，趁旅行買了她的《台湾生まれ 日本語育ち》。然後在amazon碌吓碌吓時又發現這本《流》，作者是台灣人但小時在日本受教育，於是能雙語並用。用自己父親戰後成長的經歷寫下《流》，仲拎咗直木賞…(書腰仲話幾廿萬個作家感動推介)…咁…我就睇啦﹗
呢本書除了係主角高中後的青春成長物語，仲穿插爺爺在戰時國共互片回憶，then因為爺爺意外被殺又有一條追兇情節，又有愛情友情親情片段，結局真兇不算出人意表(都慢慢估到架啦)，但…巧簡棟呀~~~
我最鐘意睇的，是6、70年代的台灣風情囉~(我懷古嘛)
因為行開誠品而買咗中文版，雖然好厚但因為好想知結局而一口氣兩天睇完(我覺得我好勁)。據說台灣會將之拍成戲/劇(唔sure)，70年代風情又有黑幫打打殺殺，件事好《艋舺》﹗會唔會搵番呢套戲的主角來演呢？
而原來，作者作品一大堆的了﹗
呀~~~會唔會有一天我都可以用日文寫本書呢…呀~~~~
《火花》又吉直樹
我唔知又吉直樹是誰，也沒有睇開Peace或漫才(我淨係識《虎與龍》架之嘛)。在書店成日見到《火花》同又吉出現在不同書腰上…但一直沒有動力去看…直到某一天睇到篇文說原來又吉直樹是太宰治書迷…咦…咦咦咦咦…
故事講兩個漫才師相遇成師徒互相扶持，因為佢兩個都唔係紅所以啲人情冷暖係幾令我想起《粉與灰》的…。據說，又吉一路都好廣為人知佢係文學迷，而出呢本書之前佢都有連載和結集出書，出原創小說應該無加藤成亮咁shock掛？
本來我係睇日文版，但唔知點解我完全睇唔出書評說的精妙之處，於是又走去看中文版，噢，好像感受到神谷和德永的情誼了…但完了…就是完，沒有甚麼感動和餘韻。反而呢，看又吉新出的讀書筆記《夜を乗り越える》就津津有味得多，佢除了太宰仲煲好多名家著作，為了寫攪笑故仔又再煲多啲…um，我respect咗佢添…XDDDD…不過漫才速度快，無字幕我真係唔知佢講乜又get唔切個gag…um…攪笑的部份我跟唔切啦，我跟佢文學那部份吧﹗哈哈。
呢套，會出電視劇的說。同埋，我要將當年睇完《人間失格》而買的太宰治小說都搵番出嚟睇先得。
《怒》吉田修一
這本，是搭單買的。見個plot幾懸疑咁我又睇完《殘穢》就順手煲埋啦。
看來我是忘記了當年《惡人》的伏。然後友人借了本一樣係厚到癲的小說給我我至今都仲未睇…哈哈﹗
well，個故仔係一單殺人案開始，咁個兇手殺完人後唔見咗，同時在三個地方出現三個好似係逃犯的人，故仔一路講呢三個人同周圍既人的互動，同埋警察追查的過程，警察搵到新線索就會announce嘛，咁身處三地的人都發現身邊那個新來的陌生人好似係個疑犯…then又有啲不幸事情發現…係咪有關係呢咁…睇得我忍不住狂飛想快啲知道真相…
但…95%以上劇情係講那三條線…最後草草地講邊個係真兇，另外那兩個疑似的就突然消失…囧。完咗啦…吓？
電影版已經出緊宣傳…我覺得伏味很濃，很危險。呢本書，睇得我好憤怒。囧…
以上。
沒有留言:
張貼留言
要講幾句嗎？﹗XD