[日劇]懷古之…《源氏物語》(1991年版﹗)--上

是咁的，小的好喜歡斗真版既《源氏物語千年之謎》嘛(雖然仍然對啲平安人係咪都擒埋去人地度覺得好奇妙…)…貢呢，當年有份參演的東山叔呢，見到報導講過佢n年前演過光源氏，咁呢水小的係咁睇佢老人家的劇嘛，就一條龍埋呢個版本…(有無人覺得左圖的男子似梁家輝？)

即係呢，despite本人都好懷古，6、70年代的戲/電視劇都睇得一大餐既時候…估唔到呢套野會衝擊到本人…好shock呀﹗~~~~~

(圖有些是邊看邊cap，有些是網上抓來的…)

首先呢個尤如粵語長片般「古典」的片頭已經嚇親…我睇緊黑白片嘛…1991喎﹗《東京愛的故事》都係呢個年代架喎…1891咁既款…巧京京…

故仔(維基頁)一開始就講光源氏同葵之上成親，對白當中交代咗光源氏被老豆降為臣藉，然後又講咁做係因為驚佢被捲入權鬥之中，then有乜事又可以靠葵之上娘家聲望，一舉幾得咁…

咁切入點係故仔既邊個point又無乜問題，奇妙的是…我個人覺得…個廠景…好古怪…其實成套劇係咪諗住都喺廠度拍？sorry，因為自我有印象睇時代劇以來…多數都係實景架喎…雖然我唔係睇得好多…

紫式部嬸嬸三田佳子…佢好奇妙地係好似主持人咁寫寫吓野會望住鏡頭講野…好似《世界奇妙物語》既タモリ咁…講起上嚟，《世》今年25周年…咁同呢套《源》的年代差唔多…係咪那時興呢？

而呢位三田姨姨呢，原來喺斗真既《人間失格》有份(完全沒印象)…然後就係《花癡刑警》女流ミステリー作家九十九千里…阿爸花癡而唔係阿仔花癡那集…咁我又有啲印象喎﹗

唔知係咪太舊所以聲畫都麻麻，東山叔啲對白講到一舊舊咁聽唔清佢講乜…不過佢真係美如畫~

一人分飾藤壺女御同年長的紫之上的大原麗子(這樣分配角色就足以解釋點解光源氏會一心熱愛紫之上了？)我諗我睇既日劇都係90年代中後…對姨姨真係無印象囉…then search一search呢位姨姨的照片…嘩﹗有夠清麗的…片中又黑又濛真係睇唔清個樣而覺得好恐怖…then我發現…大原姨姨大東山叔足足20年﹗(我諗起黑木姨姨和某准的不倫組合…)…嘩﹗東山叔本書話呢套野云集好多大物女優…真係好大物…個個啲bio都水蛇春咁長…﹗睇wiki說大原姨姨演過大河劇《春日局》…我有興趣呀﹗

睇到話大原姨姨2009年時過身成個星期先被發現，呢個新聞又好似有點印象…then紀念姨姨所以呢套《源氏物語》就翻出碟啦…

我是被田中麗奈的六條御息所(原諒我一時寫日文一時寫中文吧﹗)影響了…見到呢位長山藍子姨姨我是被嚇到了…個個都(比起當時的東山叔)姨姨嚟既…

夕顔沢口靖子姐姐，睇wiki佢比東山叔大一歲…但…終於有位後生一點的姐姐啦﹗可惜夕顏轉個頭就被六條御息所的怨靈害死了…嗚…再睇，原來佢今季有套《無敵の法律事務所!弁護の鉄人》主演的說…

<--就係呢度夕顏被怨靈害死了…巧京京呀

<--古代啲食具咁現代既﹗這是玻璃嗎？﹗

<--香川照之叔叔呀﹗好好笑﹗終終…於於…除了東山叔之外有另外一個演員我係識的了…

演葵の上的竹下景子…佢…大東山叔13年﹗巧京京呀﹗然後，又係《花癡刑警》(維基頁)，竹下姨姨又有份客串…宮九係咪照住《源》呢個list嚟請女優客串架﹗

演末摘花的泉ピン子，嘩﹗真係大物女優喎﹗then很爆的是佢出道的一年就係東山叔出世的一年(怎麼會全部都係東山的姐姐？)…實在太爆咋了…剩係睇各女角的wiki已足以令我不能專心看劇…囧

寫住咁多先…而家睇到年幼的紫之上出場…這不是重點，這圖最爆的是…森光子姨姨呀(佢演北山の尼君)﹗真係有我(東山叔)必須有你…隨時隨地配對…

以上(住先)





中篇：[日劇]懷古之…《源氏物語》(1991年版﹗)--中