由於臥病，於是不停攤喺度，咁攤喺度唔係睇書就係睇片要不就係瞓覺啦…天口太熱…雖然都有出吓街…但都係在家千日好呢﹗
就由呢套睇到我笑到停唔到口的第二春…呀…《Second Love》開始吧…
Second Love (至…好似是第6？)
其實呢，個女老師雖然有段不倫戀，但跟男主角男未婚女未嫁，身份…咁老師跟舞者又不至於太差啫，最多都係話個男既掛住追夢唔實際(女主角設定係過30了)…咁其實個落差唔算太大，但唔知點解攪到佢兩個好似偷偷摸摸的小情人咁…旁邊的女主阿媽(佢堅係攪笑…個女成晚未返搵女係正常既…會打去工作的學校都正常…點解會打去校長屋企…巧京京囉﹗)、攪不倫的大叔阿Sir(生瀨叔﹗剛剛先睇完佢喺《對不起青春》的演出…哈)攪吓風攪吓雨咁令男女主角更堅定…囧﹗其實睇番《唯愛》我會舒服啲…
其實係咪真係扮《晝顏》啲愛得太遲既苦戀呀？
苦戀都算啦，啲人既對白真係好好笑，男主知女主有另一人想同佢分手時…係叫佢歡好多次(囧﹗)…then女主決定跟男主一齊同大叔阿sir攤牌…阿sir叫佢帶自己見個男仔…女主又真係同佢去喎…囧﹗都唔講個男主身邊萬能跟蹤王女二…個人覺得最好笑都係上圖的今天不用手…女主的反應是「多無聊」…大囧﹗其實KT團首《Kiss Kiss Kiss》和Misia《白い季節》都係好聽既…
無間雙龍(至…第8定9…無啦啦跳了去大結局)
嘩嘩嘩嘩﹗是《魔王》呀﹗
其實我跟播跟跟吓又甩咗，之後喺日本旅行時睇咗大結局，是有一點時差(例如…點解郁夫會無啦啦搵番阿爸…不過都不礙事…大概估到…而我又諗住順住追番就求其望吓電視就算咁…
睇到尾見到呢幕(只差一對蝴蝶﹗)…真係《魔王》到不行呀﹗即刻見到有微博友貼圖啦﹗睇番幾年前斗真同學還真是一臉稚氣的說…
等我遲吓睇番中間啲轉折位…我想問…點解龍哉突然唔玩每星期一路線﹗我巧失望架嘛﹗
天才偵探御手洗難解事件檔案之折傘的女人
呃…其實個推理…都幾《33分探偵》…即係主角先諗到…個推理可說是有佢講無你講…有無咁啱得咁橋x100000…
看點…就是光一的cosplay啦…見佢呢個造型即刻有人講番爆笑度似足三宅健喺n年前的《V6爆笑病棟》度扮鹿…
<--《對不起青春》的Don't mind老師…大家最初都不確定(大家…是指彈幕…)…睇睇吓先肯定係佢…然後大家都囧咗…咁八婆既﹗﹗﹗﹗
呢隻我分開睇了幾千次先睇得完…見到結呢有to be continue(d呢﹗be後面係continued才對吧)真係巧京京…寫文的時候已傳出有電影版消息…囧
海女(至第15集)
因為睇《アイドル国富論》有提到呢套劇，咁又見係宮藤的劇作就睇吓啦…話晒我對偶像野都有興趣的嘛…then而家睇了十多集，其實都仲係講緊小秋做海女的經過…未有講太多春子到東京做偶像的事…
跟住我發現，睇了十集我先發現…我成日以為年青版春子都係演女兒秋的能年玲奈做…其實係有村架純…呢兩個女仔個名呢一年成日聽但我對佢地個樣係無印象…。同埋因為睇了《寄生獸》電影版…於是硬覺得年輕版大吉(東出昌大)會變怪獸食咗年輕版春子(有村架純)…
呀無…cap小池係純粹好耐無見過佢啫。只覺得朝早有晨間劇之後再睇井之原爸爸主持的《あさイチ》好幸福~(旅行的時候我都係好早起架所以~)
另，個op音樂好元氣好開心，跟《軍師官兵衛》一樣…無飛架﹗百幾集…努力啦我﹗
看見味道的少女(至第2集)
其實我仲會睇韓劇的，也見大家的風評好似唔錯話幾好笑咪睇吓…我心諗…乜又係細個時市害…又失憶…囧﹗不過今次時間推遲了變成4年前，個事件都有啲曲折…美少女金所炫係演有天的妹妹而唔係女主的童年(或者惡女二的童年了)…算係…新鮮？
然後男主有無痛症，女主有看到味道的能力…又嚟突異功能？怎麼套套都要有啲奇異功能…囧…咁so far睇完兩集都ok既…只是…申世京個名好熟，我睇完兩集都諗唔起邊度睇過佢…卒之要search一吓先諗到…呀《R2B：回到基地》(我竟然有為這套戲賦過文﹗)呀…因為鍾碩喺套戲度中間左右就無戲…之後的劇情我都無望個芒的…哈哈哈
軍師官兵衛(至第26集)
因為第一次追的時候22-26集有啲睇唔到，當時一心追進度就尤得佢…而家追番…還是覺得黑田一家很感人，然後半兵衛料事如神很勁，秀吉一家對黑田一家很有愛(雖然後來做了天下人就令我很心酸…)…
其實重點不在劇情…我想話啲彈幕真係笑死人…半兵衛死的時候在有岡城土牢中的官兵衛好似感應到，就出現上面兩人一齊騎馬奔跑的場面…啲彈幕友係打「你是風兒我是沙」呀…笑死我啦…
然後再看《戀愛偏差值》都會很出戲…硬覺得是跟《官兵衛》前世今生…囧
基於戰國史我唔熟，其實再睇都有很多叔叔唔認得，看來呢個領域仲有排發掘呢﹗
悠長假期(第1集) & 情書
純粹係click click吓見到又懷舊吓…其實上面啲野已經睇唔晒…所以《長假》只係睇咗一集咋…
沒有留言:
張貼留言
要講幾句嗎？﹗XD