any肥，睇順子姐呢本書後我好似好熟呢本其實我一期都沒有看過的雜誌，整個青春年代有一本伴住自己成長的雜誌都幾幸福呀﹗雖然最後停咗，但一個年代總有終結既…
然後我在想…咁我既話…係邊本呢…yes？一本便利…定東touch呀﹗囧﹗可能係香港電視、金電視…哈哈哈﹗
(我借故貼某准的封面…XD)…唔講唔知，原來olive的姐妹(其實係家姐)雜誌係anan，然後anan的原身原來係ELLE﹗初初雜誌社同法國一方合作時出的anan係有"ELLE Japon"連住的，70年代出的時候target未結婚(但就結)的少女，遊走喺婚前婚後fashion、生活之間的，到80年代出olive(原身係popeye((男人雜誌))的女性附刊)時，因為大部份工作人員來自anan，咁就一脈相承咗獨立少女路線，從最初的美國路線變成法國路線，target也從女大學生變成女高中生…而順子姐姐初初睇的時候就係高一生啦，打到正的target group呀﹗中晒﹗
ok，其實olive不是偶像雜誌，反而係風潮製造者，幾乎期期封面都在「オリーブ少女OOOO」，好似你唔做就唔係呢個group的，然後又推了個「リセエンヌ」既term，意即法國高中生，不停的おしゃれおしゃれおしゃれおしゃれおしゃれ咁，睇多幾期真係會中毒。最毒的一招係創出街頭snapshot風潮，日本高中有啲唔使著校服，著私風關係就可以玩好多fashion，而訪問的多數都係有名的附屬高中(成城學園？)，呀﹗好毒呀﹗我記得當年睇yes時見到書入面啲人又Levi's、polo袋、Dr. Martins(呢篇應該有講一點啦)覺得好型，但那時年紀小無得扮埋一份…嗚…當然有啲牌子而家已經fade out，有啲…我是默默地買了回家潮拜的…哈哈﹗
而家睇番80年代啲造型真係幾驚，長度遮住隻腳咁濟的裙，夏天流流都幾層的上衣，gel到雀巢咁既髮型，順子姐姐書中說當年與著dc服(Designers' brand)，高中生省了錢就去原宿等地買衫，那時興去打工賺零用未呢？所以呢，雜誌就成日quote附屬學院的女高中生啦，佢地因為係讀大學附屬學園所以基本上係直升大學，唔使煩讀書有閒情置裝，而讀得那些學校的多數屋企都有錢既…咁…就有零用去打扮啦…所以好多都好おしゃれ…
oh，當年係泡沫經濟既80年代嘛，大家都係消費主義…
原來olive另一前瞻性行為就係喺仲bubble緊既80年代尾大推自然風，洋模身上的服裝突然變成簡約風潮，而那時無印良品那些都未興的，真係走得好前喎﹗不過大家都仲過度打扮的時候一時間應該未接受到啦，然而而家睇番，90年代中後又真係興番簡約打扮…
好啦，如果係我寫一本陪我長大的雜誌…我諗真係無一本係咁完整cover晒成個成長年代…我睇住佢誕生既…一本便利囉﹗我記得佢原本係一仔的book b，本來係指南嚟架咋嘛，當中仲會有電視表、漫畫和歌詞添﹗不過後來走情色路線我就轉咗睇東touch，但佢2000年代中後變咗買物誌我就無睇了。電視書香港電視2000年上下獨立咗啲劇集介紹又無咁好睇…金電視算係我仲會期期買既，但2000年中都摺咗了…咁…我要湊合幾本先可以喎﹗
well，順子姐仲有本《ユーミンの罪》，雖然我都係無乜聽過松任谷由實既歌，但無睇過olive我都可以讀得津津有味，歌呢家野我應該都ok既﹗睇完呢兩本80年代文化的書應該有助我睇《海女》添喎﹗哈哈哈﹗
沒有留言:
張貼留言
要講幾句嗎？﹗XD