看戲之前都怕新不如舊，第一集真係好笑嘛，但效果是ok的，跟住伯伯成日唱住北島三郎的《与作》令我們十分回味…總之戲是不俗的，讓我回想又回想的，反倒是十分旅遊雜誌的草津溫泉畫面…呃
唔知有無人睇完呢套戲真係plan個溫泉trip呢？(經常被戲/劇影響想去現場觀摩一吓的本人反而無喎…太遠了﹗)
戲入面不停讚美扁面族人入浴的文化優良，自我感覺一億個良好，呃…我都明既，咁既時勢，唔自我懷勉一番仲可以點，都俾人追過晒，回頭已是百年身囉…
不停出現的草津，雖然多到我有點懷疑是史邦沙的程度，不過唔知係咪睇得tbb和泡劇多，感覺還是可以接受既。我明，我真係明架，套戲製作費有多啲史邦沙分擔吓梗係好架，而劇中人用的著的食的，因為劇/戲大紅而唔覺意多咗人幫襯咪互惠互利囉，我真係明架﹗
原來無記影住索記手機畫面已經少野啦，泡劇的殖入式更露骨更難受，例如昌利祝架朴勛入職送波鞋，而那對a字頭就是didi代言的啦，跟住大頭影住對鞋都唔止，didi仲要著一隻pan一個齋隻鞋(和didi隻腳)的畫面，跟住和《來自星星的你》一樣女一/二的家滿是line的公仔，最難受的是…打電話就打電話啦，無啦啦又要用line來打…想點呢？我會唔鐘意用line架…
um，我真係明架，互惠互利嘛，但可唔可以殖入得令啲唔好咁突兀呢？下次不如片尾整個line教學啦…
回說《羅馬浴場2》，個殖入都仲可以接受既，咁話晒山卡啦咁遠，會去的自然識去，咁未識去的梗係要promote多幾野等你好好想去追星既，其實呢個用電影來推廣旅遊都係慣用技巧，就如我在江之島會不停見到《向陽處的她》既劇照，等迷子迷妹去到可以朝聖一番，我真係明架…不過做得多同少就難捉個平衡啫…
除了我很在意的product placement，套戲其實都ok既，只係我覺得個故仔有啲奇怪，前段
ルシウス/露西亞斯(阿部寛)((唔係copy & paste都唔知點打番個名出嚟)不停接order咁佢就可停去日本唔同地方取經，將啲野搬去羅馬，係啦，呢個就係不停讚美自己和不停有各式product placement啦…跟住皇帝ハドリアヌス說要起個讓人民休養生息的溫泉，加之於元老院的壞人搵了皇位接班人ケイオニウス(北村一輝)的哥哥扮接班人去挑事端，就無乜故事好講，只係搬嚟搬去啦…好在真係有故事線咋﹗
搬來搬去的過程中阿部叔叔不停穿梭古羅馬和日本，不停露pat pat…真係辛苦了…而且天寒地凍都要打大赤肋…囧﹗唔知係咪不讓佢專美所以北村一輝叔叔都要露一露呢？
any肥，笑得出就ok啦﹗山野中唱北島三郎的《与作》的伯伯實在太好笑啦﹗
跟住每次被水沖走去日本時會出現的男高音竟然都有故事線，仲一時同老婆鬧交最後又同佢和好…笑到噴血了…
最後雖然有啲生離死別傷感了一吓，但真實本漫畫出名了要拍電影拍，電影那個大叔…囧﹗太好笑了…竟然搵番洋人來演了…這套戲最好笑就係搵日本人扮羅馬人喎﹗
呢套應該唔會出第三集的吧？
沒有留言:
張貼留言
要講幾句嗎？﹗XD