東京濕熱遊~3~第三天(上)日光江戶村

第三天是這樣的：日光江戶村-->東武世界廣場-->淺草-->東京站(死都要濕平)

會去這裡其實是偶然，首先小的target東京近郊地方嘛(也就是想用盡JR pass啦)，咁就係咁搵近郊有乜地方好去，search search吓睇到日光、鬼怒川一帶日光東照宮好似幾多野睇，再click click吓發現日光江戶村和東武世界廣場(世界之窗一類的東東)好似幾有趣，再發現江戶村就是《仁醫》和《虎與龍》拍攝地(大部份的文都只提《仁醫》…但看倌都應該知小的幾迷《虎與龍》吧~)((我懷疑n年前光一有首solo…《月夜ノ物語》？係喺呢度拍的…))…any肥，見東武pass可以去日光一帶連埋兩個主題樂園，唔鐘意主題樂園的我就一野挑晒兩個囉~

這就是我說一點都不快速的快速列車，pass所限只能搭這個兩小時先能由淺草去鬼怒川的快速列車，過程我是煲完一本《官兵衛》特刊，瞓完打機打完機再瞓…都未到…囧

話說個pass係兩日期限的，我問佢係咪兩日都可以搭去佢仲話係喎(因為是遊客專用個姐姐係同我講國語的)，跟住好在我發神經一日去晒兩個，原來來回淺草和鬼怒川的列車只能搭一次，但公園就可以喺兩日的任何一天入場…嘩﹗差啲俾個阿姐呃咗…

一片田原…實在係太一望無際了…囧﹗到鬼怒川後有免費接駁巴士可到呢兩個主題公園的，先到江戶村吧…。

 發揮了我的早起小宇宙，去到公園時十點幾咋仲，所以遊客不多，同巴士有兩個洋人叔叔…

就說太早，園內好多小店都未開…只有個殼…囧。火乃(定之？﹗)要慎﹗江戶時代果然很怕火災﹗落巴士去box office拎飛一刻已好江戶…因為姐姐已經著咗江戶的衫(和恤了個髮…despite那個假髮很假…)…好好玩﹗啲建築物、路上的景物都好古代feel…好得意呀﹗(之前我仲諗嚟這個定越川的小江戶的嘛…)

 空無一人…我諗係有啲野玩既…不過未開始…

<--事前其實我好想玩扮町人(對唔住我睇《虎與龍》太投入…但因為店未開，而園內又無乜人…無得玩…

睇日劇成日覺得江戶時代啲轎好逼…呢個直頭係唔穩陣…

 刻啲貢既野有啲乏味喎﹗

 職人體驗小孩限定無得玩…(也未開)

 果然是到處都有神社…呢條河我認得﹗《虎與龍》有架﹗

200yen餵馬(？定驢？)…唔知係咪無人緣故所以好快就收咗檔。行過條橋時那隻吉祥物唔知係咪有"eld"我埋去影相呢？但我想行相反方向睇其他野喎﹗

我懷疑相中的船都係《虎與龍》有架﹗(完全無視《仁醫》)…any肥，係可以俾錢坐，不過無客…

一堆齋睇外面無得入的地方…(應該係表演場地呢既…但場次一係過咗一係嚟緊…
門口的水道…有魚架﹗

<--終於有一個我可以入去睇了﹗但入到去係好驚﹗

這是歷史展覽館來的說…

咁入面九曲十三彎啦，你轉角先睇到每個場景，仲要黑媽媽有燈光閃來閃去再加配樂喎…啲公仔又鬼咁真(我堅驚佢會郁…)((好在是不會郁的))…堅係驚囉…實在係大變精巧啦﹗

係咪勁血先﹗轉彎第一眼見到舊血爆既野，行多幾步先睇到係乜事件…但我已被嚇親了…囧

終於有啲唔血的了…

好多都唔太熟…我識繪島生島事件呀﹗因為《大奧》仲間由紀惠那套(我忘了是戲還是SP)係講這個的﹗我記得喺箱度爬出來的係北村一輝叔叔﹗哈哈哈﹗(但這是很重要的歷史事件嗎？)

好痛呀﹗楊過呀﹗無咗隻手呀﹗

 《白虎隊》我有睇喎﹗(但劇情已唔記得晒了…)

 跟住係刑務所…

舊石…其實有一刻我想試吓放上腳的…

阿仁醫生真係有一集瞓喺呢度的…我記得…

又嚟啲真得嚟好恐怖的展品啦﹗

就說甚麼也將之江戶化…於是回收箱都係…但一打開…入面好多虫…囧

 打獵…的？右邊係睇舞蹈定甚麼的？

左邊這個無記錯係茶道的東東既。而小橋流水係有個精美喺度…

我鐘意育嬰室個logo…囧。雖說我是快閃…但最後我係睇了兩個表演…一係忍者屋…但唔俾影相…坐低後熄燈伸手不見五指…跟住啲忍者演員堅係打…打到bang bang聲極精彩的說…而佢地喺淺窄既環境度飛身碌來碌去的…坐在觀眾席的我們不時想閃身…驚佢地碌落嚟呀﹗劇場旁邊仲有個展館係忍者主題的…好似…

表演場地…當天天氣太好了…坐一陣都成身汗…囧

走走看看走到肚餓想食野時啲食店卻坐滿了﹗囧﹗唯有食這個好飽的一串燒肉…雖然啲煙霧勁到好似著火咁…

<--呢個公園好玩的地方係無啦啦會有著晒戲服的工作人員無啦啦同遊人搭訕，好好笑…

喺呢度，我遇到入園時見到的兩個洋人叔叔都在食串燒…跟住之後走既時候又搭埋同一班巴士…囧…

繼續走走看，這是消防…局？的展館…

 咦…這是睇忍術的館？為何我無入去呢？囧

睇書說江戶時代識字率很高，行過這個墊教埋啲中學Maths呀生物呀咁…好深呀﹗(佢真係好似《天地明察》咁掛晒啲數學((當年我好鐘意計的三角幾何圓周那些東東﹗))既問題出嚟，下面個牌就有晒現代方程式點計番個答案出嚟…呃…我除了畢氏定理和圓面積點計…都還番晒俾miss了…

廁所也好玩…啲notice都在仿江戶時代…哈哈哈。而北村叔叔那套戲…是在這裡拍的？不停見到套戲的poster﹗

回程路上繼續影…

閃了﹗這個園其實幾好玩，啲場景做得很細緻，遊園之餘又有得玩埋一份，如果一班friend入去扮鬼扮馬之餘睇睇食食應該會好開心。呀，同埋下午臨收工時會有吉原花魁巡遊的說…umum…

以上~

日光江戶村官網