或許我(一如以往)誤焦點了，小的怎麼會覺得笑點處處…
um，劇情是正經八八的，一開始有人打了個機密文件1998，存於floppy中(咦﹗《回答吧1994》﹗)，然後就是韓泰京(朴有天)阿爸於公路上被車撞死，之後就是警衛官們保護總統出席一個落區活動，有個大叔受人所託向總統撒粉，攪了一輪原來係麵粉虛驚一場，呢個時候泰京知道自己阿爸死咗傷感之餘又覺得有啲詭異，連隨返屋企發現俾人亂搜過，之後楊大校又死咗，再睇埋活動場地阿伯受到的紙仔發現有人要暗殺總統…云云。
睇了成集泰京…呀…我一路都想著唱歌的那個泰京…哈哈。
最後總統去了青水台(是避避風頭？)…有人用EMP彈令全場電力中斷，手提、電腦、車等等都失靈，之後有三聲槍聲，喺釣魚場的總統失蹤，在旁的兩個警衛官當場死掉，um…
在控制室的人亂作一團…呃…總統未搵到，有班人在諗應對的時候…會想到正恩BB了﹗囧…
然後是聯絡我們偉大祖國了？﹗
唔知呢，總統身邊得兩個近身警衛官係唔係正常practice？跟住沿路無人守衛的嗎？怎麼可以成班人都坐喺office度既？跟住去現場衝極都未到咁既？
可能我要睇吓《ATF反恐》(aka《叛逃》)增進吓反恐的知識先…
出席完阿爸喪事(咁快arrange到既？﹗)，發現好多殺人事件和秘密的泰京極速衝了入青水台，跟住係咪啲人都衝了去搵總統下落？泰京單人匹馬都可以衝到入控制室？﹗﹗﹗﹗﹗那戒備也未免太高了吧﹗難怪那兩個講英文的大叔可以如入無人之境咁set EMP彈啦…
係囉…點解佢會入到嚟呢？(謎之聲說：因為佢係主角囉﹗一野俾人拉了去仲邊有戲做啫﹗)
呃，淨係搵湖面真係會搵到總統嗎？好似都係青瓦台圍內自己攪，唔使搵吓其他人幫拖的嗎嗎嗎嗎嗎嗎？
楊大校之死很詭異地唔係警察查喎，交代劇情的係總統秘書室那邊的李車英姐姐交代…我想問呢，做乜泡菜國周圍都裝了cctv，但重要關頭硬係俾人整壞了，或者確認唔到真相既呢？
而成班人有去追查進展和分析誰是誰非的好像只有呢位李姐姐…囧﹗
很攪笑地，當所有證據都指向韓泰京的時候，又無人捉住佢架喎，由得韓周圍走周圍睇(得李車英姐姐跟住佢咁囉)((呃﹗都話主角入獄無戲做囉﹗))，any肥，總之很詭異地既然總統唔見咗此等大事出了，警衛戒備好似無提升到，繼續自出自入的…囧﹗
Opps﹗阿室長好快就認係自己有份了…
<--於是你就殺了他嗎？﹗嘩﹗好恐怖啊﹗
本來呢個時候好緊湊的，一心想知道室長背後係咪有更多陰謀，而泰京又會唔會被殺害再揹上更多黑鑊…呃…但阿室長個人比較短小精幹，呃，佢伸盡隻手拎槍指住泰京，個身少少向前傾…突然我諗起揸住煲茶啲跳舞pose…我忍不住笑咗…囧
仲有那個傳說中的機密文件98信封在那裡呢？？？？？不過謎未解得開阿室長要殺人，泰京已經閃走了…
死啦…明明正經既戲我都不停在搵笑點？﹗﹗﹗﹗哈哈哈，我不專心了…
雖然如此，好似比讓我看得呵欠連連的《回答吧1994》有多一點動力等新一集…囧
沒有留言:
張貼留言
要講幾句嗎？﹗XD