新春馬交一日遊 14'

每年的指定動作-->過大海。指定動作嘛，就指定的搵吓野影啦。一出碼頭，呢個工程圍板好有型喎﹗simple but artistic之選呀﹗






就說是指定動作，小的又去(每年一度﹗哈哈)上年去過的小店吃牛脷飯，但今年是weekdays去，於是可以以$36(凍飲加三蚊)的相宜價錢吃到呢個傳說中的「行政午餐」了…哈哈哈﹗


而我作為一個病態網民，在病態阿娘指導之下幫襯街邊阿姐買了張$50的上網卡，盡享上網whatsapp的樂趣，卒之唔使去到邊都好似風水佬咁screen wifi了~~~~~哈哈哈﹗

而那個阿姐冷冷的問我用邊個手機，而我熱情地回答之後，佢拎了張regular size的電話卡出嚟放入佢個n年前nokia機度，打上台攪一輪又收吓sms咁確認張卡，我仲以為佢係咪聽錯時…佢冷靜而巧手地將張卡放入個疑似釘書機度"park"一聲，變細了﹗那是個剪卡用的疑似釘書機呀﹗(<--驚為天人﹗但可能呢個已經存在已久的，是我old news is so exciting...)…之後佢再用指甲銼修一修邊就放入我個sim卡槽度…一陣…detect到﹗上到網啦﹗一路周圍去一路可以打卡上網睇whatsapp…真係好一流﹗哈

我阿娘個別腹簡直係去到新既境界，呢頭食完飯嗰頭可以去食豆腐花﹗(我忘了店名)本來我以為呢家只係普通老式小店，坐低見到只有載著糖水的壺，仲疑惑我心愛的黃糖在那裡的時候…冷不防店家係加花奶的﹗um，雖然花奶我也喜歡，但其流質的質感和淡淡的味和豆腐花其實激不起甚麼火花…也就是說，其實加了糖水之後我不太食得出花奶味…雖然豆腐是滑的，但我懷念黃糖的「索索聲」呀﹗

之後我們意圖或企圖周圍行吓，但到處都是人﹗太恐怖了﹗而新馬路實施的單向方向行走路線也太恐怖了…澳門無天橋架(呀﹗碼頭度有一條﹗時日如飛，而家當然修好了，仲要有埋窗疑似冷氣開放﹗)，要行十萬九千里先有個路口可以過馬路，實在將人想周圍走的意圖減到最低。於是又想搵地方坐了，跟住阿娘話之前喺Cafe E. Kimo(類似的名啦吓…)度飲過野ok，於是我地就唔入Pokka又唔入*$入了這家…一打開個餐牌我就後悔了﹗$36的厚切午餐肉﹗這是多麼有創意的食物呀﹗咁我唔好周街食吓公仔麵飲吓奶茶算﹗做乜要食你呢﹗

跟住我地都無食慾了…求其點了一個涼拌青瓜…啲瓜切得勁核突，涼拌變成極度辛辣拌，碗底有十萬滴辣油…囧﹗同時我仲要揭緊雜誌有勁多美味菜譜…好灰…囧﹗

離開這個甚麼AIA Tower之前去一去死手間…首先正面別notice，回頭見到個馬桶的狀況…嘩﹗真係有人大大力踏在廁上…仲要整爛埋個沖水掣，好強大﹗

就說一街都係香蕉奶，而小的確係有一舖試飲癮，喺新八百伴個超市見到這個…睇錯了是四蚊盒好開心地去俾錢…典知係十一蚊…囧﹗any肥，真係好柔滑而且好味，好味在佢既香蕉味係淡淡然，唔會好假味(其實都係假味既)和極甜。只係佢好利尿，飲完又要去廁所…囧

太無聊了﹗來回新百八伴和英皇賭場了幾轉，中途見到呢座樓，太神奇了…馬交也太多港式奇奇怪怪疑似豪宅了吧…囧

好啦…無聊的貼相文到此為止了，因為我在馬交的所見所聞都係好無聊…哈哈哈﹗

以上。