就說酒井順子除了佢既《敗犬的遠吠》會睇到我會心微笑外，睇佢講鐵道都好有趣的說，真係唔係講笑，一日搭十幾個鐘的東京怒坐之旅，或到東海道的轉車五十三次之旅，讓小的這個只求條條線都搭吓(儲印花﹗哈哈)的外行人完全噢咀了﹗
更噢咀的是，我以為自己之前買的是另一本《女子與鐵道》，就好安心的買了呢本《女流阿房列車》的中文版(剛剛出版的說)，一返屋企望吓…呀﹗是同一本…我大囧了…
算把啦…當係練習埋讀解啦…
書中的鐵道之旅遠超我想像的勁，而且不能在車上睡著，死啦…我一上地車就想瞓架喎﹗
地下鐵之女：16小時22分搭遍東京都下鐵全線
46個站12條線，玩足一日咁濟，由於要追班次於是不怎樣能食野睇野咁，囧﹗如果我係當地人或者會試吓既…但去旅行時專登搵一日去搭車又唔多捨得喎…
各停列車之女：24小時耐久車程，1343.9公里
呢個更好玩，主旨是確認在不搭特快車的情況下看看廿四小時可以幾遠，說之前鐵道界有人試過可以從橫濱到八代(呀…八代在那裡？)。讀完這章…呃…最後一程車是鹿兒島幹線…吓…即是走到中部了…嘩﹗而，從東京搭希望號去京都都係兩個鐘多啲咋﹗還真是可以體驗古人山長水遠辛苦度的旅程啊﹗(我會頂得順嘛？)
頭兩個啲地點我都算係知的，其他的深入四國、九州或北上的已超出我的地理認知了，而行程也從開初的一天到三天兩夜，好爆炸﹗但又好好玩，追車食便當或遇上天氣不好而遲開車，邊睇邊緊張一行幾人追唔追到架車…於是…這本書我竟然是一天之內看完…勁呢﹗
話說回來，喺香港好似好難咁玩呀呵？要不就搭車搭到上祖國先掂了…
**********************************************************
邊看這本書，小的邊想玩吓，但小的在香港是打死也不搭地車的嘛，於是就轉了個巴士之旅。
就好似書入面咁先來個規矩(咦，玩的只有我做乜都要Set規矩呢？)…any肥，玩法就是去個有一架或以上的巴士站等車，有乜就搭乜(除了機場車外都會上，總之無得選地點)，總站去總站，搭夠五轉就返屋企﹗除了屋企出去老銅的第一程車，其餘的都聽天由命…然後過程中唔查app睇吓佢會去邊﹗好刺激呀﹗
1. 681-->馬鞍山 (啊﹗係我和didi相遇的地方啊﹗)
2. 85k-->紅磡碼頭(啊﹗竟然又係去啲我識既地方既車﹗)
3. 15-->平田(好野﹗終於都係架終點係我唔知喺邊既車了﹗)
4. 16-->廣田邨(原來平田喺藍田﹗opps﹗我仲幻想我會去咗新界唔知邊忽山卡啦地方架嘛﹗就在我想搵架車返歸時上天送我一架16號，見到佢經觀塘心諗正啦…點知我搭了去廣田邨的方向…小的果然是路癡，唔記得睇架車去邊個方向添…囧)
5. 16-->旺角(就說呢個遊戲的主旨是聽天由命，估唔到上天真係送一程咁方便我返屋企的車俾我﹗但我來回九龍城四次了！)
連埋從屋企出來和返屋企的巴士…今天我總共搭車七程車﹗囧﹗不過就好似酒井順子書中所講，就算搭車時幾辛苦，完成後還是會忍不住在想下一程可以點玩的說﹗哈哈哈哈﹗
沒有留言:
張貼留言
要講幾句嗎？﹗XD