[港劇]《潛行狙擊》…

本來唔諗住睇呢套的，但唔覺意lap到少少MC Jin…喂…佢好好笑喎﹗死啦，我想睇添…(但可唔可以skip又又又又又見到佢的除紙山呀？)

• 真撞鬼，我竟然有睇晒《學警狙擊》、《lAUGHING gOR之變節》，跟住有同事狠批小的迷完《真相》肯定會喪追laughing哥，well，我要重申…我係支持柏翹架吓﹗
• 我一度以為呢套《潛行》(跟《inception》有關係嗎？)和《學警狙擊》會有關係…高登都有人講過呢套係疑似《學警4》…不過完全無提過《學警狙擊》的人物(除了laughing哥囉…)，咁睇，真正既《學警4》係《洪武三十二》喎﹗
• 我諗個時序係《變節》===《學警狙擊》===《潛行狙擊》，話時話丫…，我有問題…香港啲黑幫都俾laughing哥做勻臥底啦嘩？無人發現佢有古惑既咩？
• 今年tbb真係好正，勁玩重口味對白，粗口、食煙鏡頭(主角食喎﹗前晚阿娘仲話乜巴士高食煙…)…跟住laughing哥勁講有味對白(雖然係mention跟住兩隻寵物…好衰格…但又好好笑…睇陳法拉聽到面容扭曲個樣好好笑…
• 《真相》有pk，《潛行》有lantan…嘩﹗真係十幾年無聽過無記劇講啦…(點解我好似發現新大陸咁﹗)尤記得當年《人在邊緣》黎天王和柴九哥講既粗話係好爆笑的…有無人記得？﹗﹗﹗哈﹗哈﹗哈﹗
• 睇劇情呢，阿laughing哥入警隊後做一輪阿sir自己又會落番場做臥底…嘩…悶唔悶呀…
• 跟住巴士高做落泊古惑仔，係咪trend嚟架，《學警3》就唔唱k做臥底扮古惑仔，今次到巴士高…下次會唔會到林lone？林lone好似無乜做過啲邪邪地既角色喎？
• 跛CO會係跛豪啲FRIEND嗎？
• (同一時間我又在睇緊《讀心神探》…同埋之前睇《隔離七日情》…一堆警察的角色之後嚟一個古惑仔…都OK有新鮮感喎﹗…)
• 睇劇情呢，阿巴士高出監後好落泊，俾人踩到地底泥咁，跟住做laughing哥線人鏟除異已，跟住仲上埋位添，之後laughing哥為了對付佢就深入敵陣做臥底同佢決一生死…喂，乜咁似《學警3》阿孝哥的上位史，佢都係靠俾料阿文(唔唱k)先借機鏟除天哥(林利)喎﹗
• 更似既係兩人又係智慧型罪犯，話會將社團企業化喎…巴士高會係年輕版孝哥嗎？
• 唔知呢，法拉好似唔多次madam…
• 除紙山(又又又又又見到佢)又做大律師？點呀，連續三套劇見到有人做律師…
• 除紙山係咪走肉女路線…做乜佢又要有連場床戲？(可能係《洪武》佢做千三娘太出色了…)
• 見到mc jin呢，我們都不禁有個疑問…乜差人可以紋身既咩？佢成日笑笑口寸貢貢好好笑…佢個角色仲吃重過啲焦急巨星喎﹗(睇《CIB情報科》呢，一開始喜爺做完臥底係要去激光整走臥底時整既紋身架喎？)
• 點解呢個CIB要匿喺工廠區？但睇喜爺的《CIB情報科》佢地可以番灣仔警署既？
• 迪2達做松哥個仔…呢套劇好多歌星吓喎﹗至爆佢嚟一場街頭跳舞後，去醫院探阿媽都要似舞步嚟拎野俾阿爸…我笑咗…
• 據說laughing哥用小提琴拉《小明上廣州》…我要聽我要聽我要聽﹗

暫時要努力追《殭屍》，呢部可能係行開行埋先會LAP一LAP，睇吓遲吓口碑如何啦…

@tbb/大典,
下一篇： [港劇]RIP CO哥﹗@《潛行狙擊》
****************************************************

《人在邊緣》中鬧人的助語詞是…孟加拉…我笑咗好多年…卡卡…