歡樂滿《大和》(《宇宙戦艦ヤマト》)

電影宣傳著重木村大神和大和號本身…我決定反一個高潮…貼番動畫版啲相…哈哈哈﹗

電影的poster係咁既…係咪好詭異呢？木村大神好似鬼咁…

咁既，本身我無睇過動畫(唔係套戲上都唔知有套咁既動畫那種…)，某日聽收音機梁榮忠講完呢套片，話係高科技做番70年代既retro風出嚟，睇到好有feel咁話，再睇鄰居影大人的這一篇，熱愛掃雷的我又怎能不看呢﹗

首先未睇過呢套動畫的朋友要注意：

• 動畫係70年代產物，電影係刻意造番當年幻想既未來世界，啲武器設備而家睇真係得啖笑…但梁生說佢細個個年代睇覺得好勁…oh，又係喎﹗
• 隻戰艦橫睇掂睇都似隻船，戲中人都開口埋口叫大和這做「fure」(日文=船)，再睇番…原來呢隻大和號係base on二戰時日本戰船「大和」做的…oh…一啲都無太空feel喎隻船…真係好似一隻船囉…
• 如果閣下頂唔順日式熱血(即係不停問「為了甚麼而生？」「為了愛﹗為了地球」)啲野(片入面係太空咋，唔係我驚又有爆發緊既富士山和海浪﹗)，不要入場好了…因為會不停重覆…

咁我隔離位姐姐明顯係無去迪迪尼做足準備，悶到呵欠連連的。

(劇透呀﹗)

而小的，做了點點準備，也誠心期待鄰居所講的笑點…雖然個故事拉到兩個幾鐘是有點難受，同埋個故仔真係好公式…但我還是睇得好開心：

• 救命呀﹗個黑色keyboard想點呀？同我而家desktop用緊既一樣既﹗咦，之前咪話過唔好challenge70年代的未來觀既？但我睇番啲動畫片段大和號入面得推桿咋喎﹗邊有keyboard架﹗
• 同埋我睇1966年肥版《batman》人家啲電腦已經係LCD(疑似燈箱)代替keyboard入command啦喎﹗唔好話我無野reference呀﹗同埋點解仲要用walkie和mic嚟通訊呢…好oldschool呀﹗卡卡
• 至反高潮後最後黑木美沙喺地球一幕…佢個郁明明係而家啲啡唇囉﹗出完太陽系怎麼會70年代著了21世紀啲衫？﹗(我隔離個女士大叫「都話木村攪佢架啦」…呃…知你勁啦…)
• 講起黑木…點解木村搵佢講對唔住…對對吓會kiss…之後仲…哈哈哈﹗咁突然既？﹗(佢去到伊xxxxx星俾當地人上身變藍眼時無啦啦爆衫好好笑…)
• 想話動畫入面個控制室都仲太空feel啲，見到電影入面木村幾個人個位…同我公司個位一樣…成堆電線喺機器後面…囧…好唔太空囉…
• 我唔明點解次次班人擊退敵人開心笑之後硬係有敵人再來襲？﹗點解次次佢地都話自己無發現有敵人接近？點解咁易俾人封咗船前個出炮位？(留嚟成就個悲壯結局掛？)點解次次都要充電先可以發射炮彈？(阿西田敏行大叔就報幾多%)咁佢後反瓜咗邊個充能量？點解又可以木村一個人做晒…咁點解一開始要咁多人做？﹗增加就業嘛？
• 唔通係地球受襲攪到無物資？點解仲要用手槍和疑似機關槍飛虎咁既郁去打敵人？有無啲star war啲既武器呀？﹗最唔明…點解會用貨車？點解呀？﹗﹗但地球又做得出大和號咁大隻戰艦喎﹗
• 啲攻擊呀宇宙穿梭呀次次都要倒數，跟住open乜乜射物物都要讀一次啲儀器名，好old school…哈哈哈…
• 點解大和號無論喺上下左右邊個位被射中，控制室都會有啲如燒焊既火花彈出嚟既？跟住又會搖晃架喎﹗好鬼《Titanic》…講開又講，山崎努個艦長造型好有原著風格﹗仲好似《Titanic》個船長添﹗係咪船長都係既樣既呢？
• 我想話發炮時戴黑超呢吓真係好爆…點解咁娘架…《龍珠》都有先進眼罩可以show data用啦﹗(講故唔好駁故呀衰女…)
• 真係想問，係咪地球又(係又﹗)死剩日本呀？好正，日本動畫一定係日本人保護地球，如果美國片集(power ranger呀﹗)就由美國人保護地球﹗wohhh
• 啲人腳好鬼電視劇呀…不過又幾有親切感既…

其實我睇得好開心架﹗卡卡卡…回家後再上網搵一吓資料，發現以下呢條片，睇完即刻明晒點解電影的場景、服裝、故仔咁懷舊啦﹗如果我細細個開始睇，怕且呢套咁(意圖或企圖)跟足原著的電影我會睇到想喊呢…


另，點解最後要整首英文歌呢？雖然我覺得幾好聽…


以上。