包包傾…老趙越南餐廳

雖然最近飲食文門庭冷清，反正相是拍下了，不寫白不寫吧？(這個濕紙巾的設計又幾古色古香的…)

 (手機拍的照片…光暗度不一…哈哈)

話說那是一個寒風刺骨的晚上，人多又大家又到達時間不一，帶路的飯腳就提議先叫一個招牌三文治吃，招牌？﹗咦，係唔錯喎，烘暖了的法包夾住酸菜、紅椒、燻蹄(應該仲有其他香料)，吃下去酸酸地幾醒胃…。(睇番開飯先知原來老趙有幾個分號，我去既係佐敦白加士道分號，原來係三文治專門店，其他分店無的說﹗)

然而世事總係無常的，開了個好的頭…之後就出事…。又係肚餓而叫的小吃--蟹肉焗蛋金磚…有蟹肉、蛋、粉絲等蒸埋一舊…但食落去好似蒸到老晒的蒸蛋咁…同埋好重胡椒粉味…是有一點不明所以…這是名物嗎？？？？

甚麼札肉甚麼粉絲甚麼牛柳粒。左邊那pat野很難一次過搬入口…然後那pat疑似粉絲相當淡口而且和頂的肉碎甚麼和底的甚麼札肉相當唔配的，反倒是隔離的牛柳粒炒得好入味，據說成份野係跟生菜乙塊嚟食的…夾埋左右兩邊加生菜應該是ok的…只是單吃時就…囧

甚麼越式拼盤，個春卷無食到，個甚麼豬肉加蝦片就有…塊蝦片好似兜住一殼油咁…令人相當不安…

成個菜令本人最好奇係那舊插在瓜上的樹…幾得意…









蝦車快(out fo咗…囧)…應該是沙津，當然是我skip的…只吃了幾片蝦…











左邊是相當神奇的菠蘿炒飯，只見碟邊有幾片菠蘿…但飯入面係無架喎﹗(囧﹗)不過炒飯味道是正常的既囉。右邊是右粉絲…感覺有點油，敬謝不敏。




左邊的咖哩羊(定雞定牛呢？唔記得)煲，附蒜蓉包一碟點汁吃一流。汁是很香濃椰汁味的，終於有一個菜讓我覺得是正常和可以encore的了。隔離那個肥仔炸蝦(這個名是我改的…應該係跟唔知邊碟菜上的…)…很肥美吧個外表…但炸漿是8成，只有兩成空間是隻蝦自己，而且被炸漿同化了…不太能吃得出蝦的味道…囧﹗


最後送的甜品，是繼開首的招牌三文治後另一樣我覺得是很好吃的…左邊是綠豆木薯，右邊是粟米，清清甜甜的，就算已經吃到勁飽(難吃都要食架﹗)，還是忍不住把這個甜品一吃而下﹗~

well，個三文治是值得encore的…其他就…我諗叫番生熟牛肉河出事機會會比較低…(點頭)(點頭)

老趙@開飯

(後按：怎麼啲相咁難擺位，放兩張一樣的都唔可以嘛？淨係啲位都唔知玩咗幾耐了﹗)