細個唔操將來怎辦？

睇報讀到這一篇，忽然很慶幸我娘一向俾我自由發展，又很慶幸我是上(上上上上)x代出生的，那個年代小朋友不用十八般武藝，只管乖乖上學做功課食飯瞓覺就得，bonus係睇電視。(呵﹗)

印象中暑假我只有學吓畫畫，去市政局(不好﹗也是年紀之暴露﹗不過平嘛，娘很喜歡報的)參加游泳班，要不就到救世軍學整手作仔，其餘時間就係食和瞓 (XDDDDD)，…好似係升中一那年先有補個英文和數學先修班。當年的我拍埋而家啲小朋友度，十成九係一舊蕃薯，因為我絕對不會識各式恐龍的英文串法 (恐龍怕且我都串唔出…)…拼音好似係小一二時學過，一早就還番晒俾老師了。更莫說甚麼遊學團、珠心算甚麼的，當年的我只有一種武藝…就係睇電視﹗卡

這樣玩住大hea住讀的我總算無穿無爛讀到上大學，搵到份養得起自己既工，總算過得去吧。其實我很想知道在十八般武藝催谷下長大的小孩子會有幾勁？﹗聽過有 些家長甚至上午下午各上一家幼稚園，每天上學後都要上各式興趣班，三歲人兒學英文、國語之餘仲學埋外語如西粉等(!!!!!!)，咁起跑線已經在喪谷，係 咪又真係谷得起？小孩子長大後係咪又真係勁啲呢？

好了，我知我唔係家長…只憑自己陳年童年回憶來說人家三道人家四不合時宜了…um…只是在想，幼稚園時代應該係成個讀書過程最relax的年代嘛(我童年係滿載無聊既又…)，幾難得可以無考試壓力邊玩邊學，如果幼稚園時唔玩，小學又話要考升中試，中學又話要考文憑試，入u又話要爆gpa4…人生又何來樂趣呢…

小朋友從小就被潛移默化要嬴在起跑線，但大學學位多又越來越不值錢，然後前幾代5,6,7,80後既人都未有耐退休仲排緊隊上位，除非父母有 connection可以舖到條黃金大道俾仔女，要不都一樣如千千萬萬個新鮮人一樣由散仔做起，從小被育成精英的小朋友會不會覺得被騙呢…(老實說，父母 從小都說讀完大學可以點點點勁…到長大了…車…咪又係要捱…)

好了好了，我知子非魚安知魚之樂，我沒有仔女嘛，梗係唔明做父母既苦心啦，咁當我無講野啦。

越看得多現下小孩子的「超級」育成計劃，越慶幸我是x年前出生的。

說父母讓我自由發展，其實係佢地已經身不由己去管。爹和娘學歷都只有小學，五、六年班時的功課已經睇唔掂，要交俾補習老師了(不過我覺得佢地樂意俾錢囉…因 為個miss好惡…嚇到佢個衰女會乖乖溫書…記得有次成版worksheet都串錯同一隻字…miss罰錯一隻打一吓手板啊﹗)，到中一除中文外全部都係 英文，更加要自己攪掂。諗番，某程度係由細已經train自己為自己負責。娘常說，書係讀嚟為自己…唔係為佢既…

娘係為我 舖路舖到去選中學，中三選科佢已經由得我來，大學選科也是任我胡來的。我常諗可能父母屬baby boomer，生於戰後又未去到起飛個年代，即係粵過殘片那些要細細個出嚟做野幫手養細佬妹那種，所以佢地好易滿足，總之讀到書入到u畢到業佢地已經開心 到飛起。呢套思維而家係咪已經完全不行架啦？

風和日麗完。以上

另一篇：
Me世代
嬴在起跑線之馬路版

***********************************************

又是睇google reader讀到這一篇睇到有點感概，圖中女孩細個俾阿娘逼學琴，學到想大學讀音樂時卻被娘ban了，卒之讀了不喜歡的BBA，做了份不喜歡的工，過著不喜歡的人生…

咁呢…小的都係讀BBA既，不同既係呢科係我自己選，同埋回想一吓娘好像從來都沒逼過我學啲乜，學過既都係小的真係有興趣既…um…又係一千個慶幸喎﹗