【小熊人擂台賽】5：暑期工

講起暑假我都係諗起吃喝玩樂，小的可以等到中七等放榜才(捨得)去做暑期工賺零用錢的說。


多年來睇睇埋啲日劇，小的最「占」既暑期工/兼職係到圖書館/書店做，邊做工之餘邊看書，多好啊~(我很文藝架其實…呵)；又或者，到咖啡店為客人沖出香濃的咖啡…讓他們舒適的享受一個悠閒下午…

不過，我是天生的「誤中副車」命，我做過的工都不是我想做的，然後我想做的我又做不到。

數數手指，小的試過喺時裝店做sales，然後發現其實我不適合做sales；試過喺學校做教學助理和私人補習，發現我很怕一堆小朋友和沒啥耐性幹教學的東東；試過做data entry，發現其實我很討厭routine的工種；試過派傳單做宣傳大使，發現…企一天真係好鬼辛苦架﹗﹗﹗﹗

無緣當上圖書館的癩病人，當年我最占既工係到office做文員(咁data entry都算沾上一點邊既…)，都說我是誤中副車，試過兩次in成了小文員時，又因為某些原因而做不成﹗那兩家都是大機構，我懷疑之後搵正職時連in都無得in吓係咪關我推過offer事囉…

well，言歸正傳，其實我覺得做暑期工除了賺錢使之外，更重要既係讓自己了解自己的能力、與趣和志向，更更重要的是早一點了解吓職場世界。就算大學提供幾多個實習 幾多個講座，一踏出校園做野就係另一回事，與其畢業後先嚟碰釘，不如襯在學時早點學多啲，起碼發現能力和志向原來配不來都有時間轉方向；另外職場一大學問 人事關係，可以喺真office度取吓經，好過聽人講幾十萬倍的說。

可恨我黑仔，搵親關本科事的工都沒offer，中埋既都係唔關事的(其實我好想試吓做廣告公司架﹗嗚…)，咁初初畢業頭幾年仲會寫暑期工經驗落resume時只能求其吹…總要寫得勁啲讓人覺得大學幾年的暑假 沒白過架嘛﹗咁呢，不是去見吓暑期工的interview，都不信見工和去迪迪尼一樣要做足準備，同埋自己份resume係幾咁hea﹗襯仲可以搵大學tutor指導幫手執吓resume的時候就要襯早執啦，等grad了之後先執就遲了…

啊…怎麼我都在說暑期工對第日搵正職的好處呀？﹗囧﹗太功利了…哈哈。又說，如果而家我在現任大學生，我諗我會去pcc或*$度做店員…因為…我一年進貢咁多錢俾佢地兩家店來換地方舒服地hea﹗我想賺番佢地錢啊﹗哈哈﹗