【小熊人擂台賽】3：小遊戲

其實有無指明小遊戲是指啥？那沒就憑我直覺去寫吧。寫…小時候的無聊小玩意吧？﹗我有貨呀﹗哈哈…

(謎之聲：係咪都要貼首歌，而且是硬tag來的﹗卡卡)

小時的無聊遊戲我有一大堆，在零用錢不多又未有電視/gameboy控制權之前，就是玩這些隨手拿來就可以開壇玩的遊戲囉，話實很多都是承存自爹娘兒時玩意，幾環保…又夠創意的~

1. 小明/黑白

小明，首先我唔知點解一定要講小明，明輝唔得既？(如果看倌們小學係用AET呢本英文課本既話一定知明輝除了係蝦片外仲係書中常任主角之一…而SIU MING唔知點解係女仔…)WELL，呢個遊戲要兩個人一齊拍手，一齊講口號「小明小明小小明，上上下下左左右右前前後後…火車捐山窿…(猜包剪 DUP)」…如果閣下係暴力派既話仲可以加埋「磨利刀」既砍手環節…

黑白手部動作係和小明前面一樣，分別係左手拍左手和右手拍右手和雙手拍雙手為一下，每次單手互拍加一次，再加一下雙手拍為一個循環，邊個失手為之輸，小的可以和友人們玩到五十幾吓的…話實，個動作幾似古裝片雙手拍住練功啲POSE的說…

2. 跳繩/橡膠繩/手繩

跳繩即係跳繩啦，一個人玩唔好玩(總不能自己不停跳跳跳跳足一個小息咁自閉吧？)，於是小學雞年代總係有條橡膠繩喺書包，可以框成四方型(兩邊既人各自拉住 條繩)，咁搵個人單腳挑吓挑吓咁跳(以前係有STEP的…我唔記得了…)，又或者如籌款節目咁，兩個人各企一方向上FING圈，之後就不停搵人跳入去跳跳 跳…不過呢個玩法少啲，因為跳入去時失敗居多，仲要FING到自己痛到暈…

手繩就易啲，求其搵條繩兩隻手勾勾勾咁整個BASIC SET出嚟(大家明我講乜嘛？)，另一個人就雙手勾勾勾咁轉晒成條繩去自己隻手度，邊個轉手失敗就輸，當年有好多招式的…現在我自記得有一招龍蝦…而且成品係一啲都唔似龍蝦的…

3. 猜樓梯/猜皇帝

這個不用多說吧… 總之去飲茶時門口係有樓梯的話一班食飽無事幹的細路就會跑出去玩…有啲奀皮既仲會玩埋跳樓梯添…囧﹗

4. 打井/369/天下太平

呢個係上堂時無聊和隔離位常玩的，求其拎張紙就玩得嘛，369係打井加強版，畫個9981的陣出嚟一吓圓圈一吓交叉咁玩，之後就數雙方的3分、6分、9分總和，係小的喺考試做完份卷後無聊自己和自己常玩的(我果然很無聊…)…

天下太平都係拎張紙，兩邊畫個田字，之後就猜FING嬴了既一方就寫一次天字，下一次嬴咗就寫下字，如此類推，寫晒四個字就可以起炮射對方，又可以畫保護罩保護自己…不過…通常都係畫到亂晒籠…啲炮係乜樣可以相當天馬行空…於是…通常無分輸嬴…但求笑吓就算的﹗

5. 牙簽整星星

個係飲茶時必玩，兩個玩法，一係用5枝完整的牙簽(不能用尖頭那種)攝住攝成一粒五角星，不過攝完就無野玩(總不能當飛鏢玩吧？)，通常都係俾阿媽鬧浪費 之後就俾大人拎去「撩」牙。另一玩法係折斷為兩半成V形，將5個V形拼埋一個圈，用筷子沾一點茶之後滴落個牙簽陣度…神奇既事就會發生…啲牙簽會自己彈開 成一個靚既星形架﹗(跟住都係俾大人鬧浪費囉…哈哈)

6. 棋類(波子棋、飛行棋、鬥獸棋…)

這個不用多說啦…喺無酒店大亨、大富翁、安子麻雀甚至奇樂膠之前，屋企最多既小玩具就係上面3款棋囉…

7. 劍仔/竹簽

喺有層層疊之前就係玩呢個原始版，講究既會去文具舖買一包劍仔，散落在枱上之後喺亂劍中大家要喺唔整郁其他劍仔的前提下拎起一支劍，拎得多既就嬴。如果無劍仔…就拎阿媽打邊爐篤蝦的長竹簽…(跟住都係會俾阿媽鬧又拎佢啲野嚟玩…XDDD)

8. 東南西北

呢個係兒童版非洲話事啤來的，用張紙摺摺摺出一個4格的東東，可以開合的，套了手指打開後入面的4格可以寫啲東東喺上面，唔知點UP啲口號咁開到邊面就要對方做那件事…(好似係咁玩掛？﹗)…我咁CREATIVE…梗係唔衰唔寫啦…

9. 踩腳

唔知點解小學時好鐘意一堆人咁玩，喺一個空地一堆人散開(當然唔係太散啦…幾步咁啦)，之後就順次序一人跳一步，跳起後落地如果踩得中其他人隻腳，那位人兄 就要OUT，最後的生還者為之嬴…，其實係一個人肉版劍仔…。小學雞玩得好開心…不過娘親們就唔高興…會踩黑晒啲白飯魚架﹗又要返屋企油鞋油囉…

10. 用門當半場打乒乓波

其實小時候的我係好鐘意打波架(不可思議呢﹗)，仲會自備波板返學校搵人打乒乓球添﹗(係咪好神奇呢﹗)…咁喺屋企要練波嘛，吾弟又細…(佢當年既功能係主 打俾我恰)，練波就靠關上房門，蹲在地上對住隻門打…。但隻門成日打凹啲波(於是經常要娘開爐幫我熱番個波…亦試過好多次大火得得濟水太滾於是煮溶咗個波…)…又成日唔CHECK清楚就關門…於是LOCK住了…要等爹娘返嚟拎鎖匙開門先有房入…囧﹗

*********************************************************
一個人無聊果然係三歲定八十…哈哈哈﹗