前陣子看博友介紹原來有特價午餐，就趁假期於非繁忙時間去試，雖然都是要等上一陣子，不過還好，轉個頭就有位。
我真的娘了，事前我不知板前板長是一家…哈哈哈哈…
板長要落order紙的，價錢稍貴；板前有迴轉，不過款式不多，終歸都係要用order紙叫。在等食的無聊期間就搵野影囉…
兩家的共通點是：漏單，我兩次的order都漏單了…
板前那一次沒拍照，板長那一次等食太無聊，連師傅都影一餐。他們除了會講一般日食店都會說的「eat啦site媽腥」，還會在完成壽司傳給侍應時會用日文講「お願い」和枱號…又(扮得)幾專業喎…
壽司款式兩家都是差不多的(所以本人才發現是一家人囉…orz…)，於是兩次點的都差不多(懶得去想)，分別是板長可以一件一件的叫，板前就是一碟碟的上(通常是兩件)，那末板長就稍貴囉。
吃下去頗鮮味，賣相亦精美，上述食物總計87蚊(中間的鵝肝壽司其實我只叫了一件，只是為它撥開雲霧見青天後又影多張相…哈哈…)，比那些元x元x貴也是值得既。當然是在不用多排隊情況之下啦，要排上個幾兩個鐘才有得食，瘋的嗎？我去買「隨你鐘意」外賣回家吃唔好。
有人說這個價錢吃不出日本鮮味唔抵，我又會咁諗，日本風味還是去日本吃吧，尤如在日本中華街吃中餐你不會要求和茶樓吃的一樣吧？在外地，始終會有點調整和本地化的。於我而言，有當地風味當然好，說到底，覺得好味才是最緊要。
我想，下次放假還是會挑挑的，那個套餐啊…
板前@開飯
咦？價錢方面又唔算貴喎（須知道我家三口好大食的，三個人去一去迴轉閒閒地廿幾碟出門口的說），如果一件件上的話適合一丁友放工後去吃了~
回覆刪除當然，要排隊都係免了，我情願食第樣算數喇
17th Mar 2008 12:36 PM
唔架都，十幾蚊到三十幾蚊一碟(板前價)，咁板長大約除二加幾蚊，咁佢賣相又確係靚，食落又幾新鮮美味咁，都抵既…
刪除最抵打係漏單囉，兩次去食都有…埋單時一定要睇清楚order紙上有乜點咗但無嚟過…
都係架，所以我都而家都無食過峰壽司…都唔明條龍點解咁長仲有人肯去排…
17th Mar 2008 14:39 PM
我覺得板前的質素比起「發大黎搞」之前下降了。
回覆刪除17th Mar 2008 21:30 PM
好像一發大來攪的小店都會…umum…
刪除18th Mar 2008 09:46 AM
說對了,在香港吃日本菜是會有香港的味道,硬要跟日本比的話是不公平嘛
回覆刪除在日本的壽司師傅好像不會說お願い而只說枱號,他們是最大的,不會這樣有禮貌
17th Mar 2008 21:44 PM
不就來嘛﹗哈哈。我想店家在外地發展一定會就當地飲食文化、習慣等調適一下，地道不地道也很難說吧…
刪除香港的壽司師傅應該不是最大囉，不過見佢地會用日文叫埋枱號又引起我好奇去偷聽吓…
18th Mar 2008 09:53 AM
有排都唔使食嘍……閒日，更加唔使諗。
回覆刪除17th Mar 2008 22:24 PM
對啊，有隊既地方就無我…
刪除其實我好鐘意食和民，但就係排隊條龍長好耐無食了…
18th Mar 2008 09:56 AM
回覆刪除死lor，我食個唯一一次既板前已經係岩岩大學畢業量緊地個陣，而家見到人龍已經怕怕。
香港已經算係一個食日本野會有日本風既地方黎，只不過要揀食店lor~~
17th Mar 2008 22:49 PM
間店開咗咁耐架啦咩？(完全唔知的說…)
刪除同你一樣，有人龍的地方就無我，等一兩個字都話，太多我就寧願食第二啲野…
我諗選上樓小店會更有風味，大集團造出來的風味總係有點hea的…
18th Mar 2008 09:58 AM
峰我係唔駛排隊時去過，旺角果間一般je...老銅應該好d
回覆刪除板前其實適當時間去都唔駛點排，其實真係唔錯同唔太貴，算係咁啦
要排幾百張檯當然無謂...
18th Mar 2008 09:25 AM
峰我都而家都無食過…勁呢﹗﹗﹗
刪除板前我專喺三點幾四點去，唔多使排隊的，人腳又一個起兩個止，好快就有位…
實在佢啲食物和價錢都ok，可以一試囉
18th Mar 2008 10:00 AM
仍然有旅日後遺症，仍不多想在香港吃壽司，主要不是味道而是排隊的問題，真的值得嗎？香港還有很多美食選擇...
回覆刪除與其排隊去連鎖店，在下寧願選人少少有人情味的小店...
峰壽司反而有去過，10點鐘放學去，10:15到銅鑼灣店，不用等，即入。
18th Mar 2008 10:06 AM
time cost既野因人而異啦，有人覺得值，有人覺得唔值，睇大家opportunity cost囉(不停在講econ添…卡卡)
刪除咁唔係人人都可以成日去日本，咁鐘意食日本菜總不能等到去日本先食既，尤如喜歡食burger唔同要等去美國先食咩，喜歡又覺得價錢、味道相宜咪幫襯囉~
峰我又真係未食過喎…唉…
18th Mar 2008 10:18 AM
板長係咪板前的高級版呀? 小聲. 可能我唔多鍾意好腥個d 魚. 鍾意食cheap cheap 三文魚, 我又唔覺日本同香港差好多喎. 拉麵我就真係係香港食唔到好味0既.
回覆刪除我想再請多一些假去挑一挑板長. 話時話~
18th Mar 2008 17:54 PM
係，可以咁講的說，除了價錢和叫菜的方法，壽司款式幾乎是一樣的…
刪除三文魚我都鐘意，其實我啲口味都好cheap：蟹子、玉子、三文魚﹗卡卡，我俾上次你話既鵝肝吸引咗，再叫吓軟殼蟹手卷和炸蠔，都無位食其他野了…做出一個食費野的假像…哈哈…
拉麵呢，之前老銅有拉麵街，有幾家都十分地道的感覺，不過佢而家死掉了…
(我都心思思呢緊放假又挑吓啲壽司店…如禮頓道那邊的兩家呢…)
19th Mar 2008 10:02 AM
回覆刪除講開又講, 我睇過梁文道有篇文, 就係講正宗呢家野, 其實無定律.
有些香港人鄙視香港人食壽司用鼓油撈wasabi黎點, 佢話佢有個日本朋友都係咁食, 仲話咁樣其實都幾有趣.
有時人就過份追求"正宗", 忘記左d野好唔好食, 除左正宗唔正宗, 口味都好緊要.
18th Mar 2008 21:18 PM
我係睇重好唔好食架，正宗但唔好食，和好食但唔正宗，就一定選好食啦，無理由貼錢買難受難為自己個胃嘛﹗
刪除食得開心咪算囉，我唔會太執著正宗不正宗
19th Mar 2008 10:04 AM
淨係去過板長, 又唔覺有咩特別, 同元氣差唔多.
回覆刪除最好食都係以前間壽司停.
18th Mar 2008 22:56 PM
壽司亭屋企附近有，但那間呢…唔知點解好似特別核突…即係呢…啲壽司散散修修的…
刪除板長啲presentation靚過元氣好多，話實元氣都唔係差，有更難受的元x墊底…
19th Mar 2008 10:07 AM