得到也是無謂 莫強求@《花灑》

花灑 古巨基 (@我生, 2006)
作曲：王菀之 填詞：林夕 監製/編曲：雷頌德

為了要博世界讚美便苦惱　害怕永遠也做不到

忘掉了偶爾懶理　世界或會更好
期望有這個與那個長匹布　被踐碎飛舞 盲目了兩眼　也但求要拾到
何必要做奴隸　無須要為失去了的執迷

人流量或會像四季　做人做過世　漫長年月有路軌
人總想擁有東西　要是代價高　愈令心中牽繫 

擔憂要是無謂　拿花灑洗禮 lalalalala...
為了要與某某愛上便希冀　為了挫折過便緊記 

全為貢獻過要有報答　便有對比
全為看中過發覺看錯便生氣　甚麼叫天理 

忘掉奮鬥過　要隨緣　信命理 lalalalala...
梳化自在自載齊齊坐　拿去他都總可去站去跑　

無謂靠甚麼 何不將一切拋低　志願大過天　亦像世上螻蟻
星星永未流逝　如只可感歎它美麗 得到也是無謂　負擔高過　天際
-----------------------------------------------------------------
近期至愛新歌，清爽的調子下歌詞有點沈重，追求越多同時可能犧牲越多；雖然歌仔都有得唱"命裡有時終需有，命裡無時莫強求"，不過做得到得人又有幾多？起碼我唔係。

想起《春田花花幼稚園》一幕，話說梁洛施畢業後一腔熱誠到燒味店搵工就一take ok，諗住可以將first hon學到的"butt飯"學以致用，點知一山還有一山高，老細杜可風已請了一個哈佛first hon"butt飯"生林一峰做，老細就叫佢去做一樣佢係u度無修過嘅野--切雞﹗係呀，感受好深，曾幾何時都滿腔熱血，以為自己讀咗幾年書仔，唔做番degree本行點得架﹗一腔熱血換來焦頭爛額。世事嘅野真係唔可以強求，正如第一集所講，無魚蛋河就係無魚蛋河，叫魚蛋麵魚片河都無用架，都係無﹗

BTW，這首歌很有以前巨基的清新風格﹗我不喜歡《愛與誠》、《天才與白痴》這些大熱主打歌，感覺很衝著k場要大熱要hit要拎獎的。這次很舒服，很順耳；尤其是歌詞終於唔係我好慘我好慘同埋我好慘﹗唔知歌者是否如詞中所說"得到也是無謂 負擔高過天際"，只求繼續唱佢好鐘意的歌呢﹗另一首近期至愛係千fa嘅《有過去的女人》(居然做了劇集的主題曲)，又係輕快的調子。在這春去夏來的日子邊聽邊吹海風感覺真係一流。不得不提呢兩首歌作曲嘅都係上年創作新人，《花灑》係王菀之作曲，《有過去的女人》就係側田嘅手筆，I'm loving it﹗