又係concert：All About Shirley On Stage

之前有優先預購關淑怡演唱會飛，問勻身邊同事朋友家人個個都話唔得閒，卒之無入場睇；本著在乎天長地久多過曾經擁有的本人趁出了碟當然買返屋企欣賞，可以永遠擁有嘛。

百變梅艷芳告別演唱會

放假無聊，行經vcd店想起關淑怡的演唱會剛出了影碟，聽聞口碑不俗就買隻欣賞欣賞。誰不知入到店內發現了梅姐的告別演唱會出了碟。好事成雙，都買下了。

梅姐告別舞台時我還是小學生，沒機會在紅館現場看這個live；後來梅姐復出後的幾個live有幸入場看過02年的《極夢幻演唱會》。現在有這個告別live推出，如獲至寶，二話不說的看了。

世界盃手記之五

6月26日：十六強 意大利對澳洲 1：0
時：十一點
地：自家
人：本人，小弟

掂啦掂啦﹗﹗﹗王子復仇記成功﹗﹗﹗真係心血少啲都嚇死…

作為一個意粉隊粉絲，成場波好似坐過山車咁嚇一大餐。

上半場澳洲玩守唔攻，造就悶波一場。唔通真係打加時？又射十二碼？又要衰係黃金入球度？又衰係希丁克手上？流出了冷汗。守得都又無所謂，最衰下半場十分鐘就有個Materazzi食牌，打少個，澳洲開始穩守之餘再突擊吓，仲越整越多，嚇死人指數不停上升。

一心以為等入加時又無啦啦博到個十二碼，發達，射入，鬆晒。今晚可以好好瞓了。雖然有點…搏大霧的說…又一世界盃疑案。anyway，四年前的仇報到了，仲理咁多﹗嘻嘻，雖然過咗一日，呢份禮真係一流…嘻嘻

我都未嗌完就完咗場…

下次出邊個呢？﹗

而家入咗八強，意粉隊十二年入一次決賽的說法中咗一半了。而家係睇跟住的瑞士和烏克蘭邊個晉級了。

希丁克完咗世界盃就教俄羅斯，且看呢位神奇教練會唔會神奇到俄羅斯身上。
----------------------------------------------------------------------------------
王子復仇記：http://hk.news.yahoo.com/060626/12/1p716.html
----------------------------------------------------------------------------------
世界盃手記：世界盃手記之四
世界盃手記：世界盃手記之六

世界盃手記之四

6月22日：E組 意大利對捷克 2：0
時：十點
地：自家
人：本人，小弟

有驚有險地出線，下場意粉對袋鼠…

是仗man of the match 係首先建功的馬達利斯。我就俾利維特，捷克一開始勢頭唔錯，馬達利斯入波後捷克又打少一個，頂吓頂吓頂完個上半場。下半場就慘囉，意大利唔急住攻，慢慢 搓，有機會先打個突擊，一大boom閘係度捷克想埋門都埋唔到。捷克的攻勢十個有九個都來自滿場飛的利維特，當中大部份都係佢一手包辦搶傳射；球隊處劣 風都繼續努力搏到最後一分鐘，勁﹗只係後意大利後防太熟佢路，睇佢射門保方撲好似睇祖記練波咁，蝕底。

完場利維特仲攬攬祖記隊友恭喜佢地出線，佢第一次和最後一次世界盃之旅就係咁完結，令人心酸的體育精神啊。

弟弟估托迪首名入球，我話派路。點知我地兩個都估錯，真係估佢唔到；再估唔到係第二粒係恩沙基﹗阿王生(本人對佢既稱呼--死雞王&越位王)終於開齋啦﹗好嘢﹗埋門時仲一路望住隔離隊友作勢交呃晒斯治先射，呃晒，哈。

…講波佬係咁嗌基哥做「新羅斯」…阿基哥好話唔好聽都第三次亮相世界盃啦喎…而家先整個朵比人？

另一邊的加納，下場對終於上返多少電的巴西，唔知會唔會有驚喜呢？期待。
------------------------------------------------------------------------------
世界盃手記：世界盃手記之三
世界盃手記：世界盃手記之五

五十步笑百步

很討厭某些傳媒平時將新聞炒作得天花龍鳳，當行家被評時就變身衛道之士踩多幾腳；近來太多例子了，且按下不說。想說的，好些新聞大佬在批評時用上 「五十步笑百步」，卻將五十和一百前後掉轉。不知是想增加戲劇效果還是趕不及查出處，求其有五十和一百兩個數字就算。如斯求其，打人咀把不成反而自打咀巴，可笑。

變態ization

非禮事件言猶在耳，今天再來一個十四歲美少女濕身封面贈興；傳媒的玩意真越來越新鮮，好驚之後還會有甚麼新驚喜。政府那麼落本宣傳香港為「動感之都」，倒不如食住現在的勢整個新slogan：「性」咁之都﹗

不知何解，娛樂記者大佬總要語不驚人誓不休，相片用字無不引人入勝(性)，各大小男女星盡成名勝(性)風景。真的很討厭，直頭變態。幾時先可以有啲正常啲既雜誌睇呀？

1970和2005的香港地

以前上歷史課時老師曾說：一個活在17世紀的歐洲人如果回到十六世紀的時空生活絕對不成問題，但要是到十八甚至十弗世紀…哼哼，那巨大的改變一定迫得他發瘋。

昨天收到個貓，70年和05年的香港照片，角度還要差不多一樣，感覺好奇怪。忽發奇想，如果我被送到1970年的香港，又會如何呢…

 比山更高的IFC…

世界盃手記之三

6月18日：E 組 意大利 對 美國 1 : 1
時：夜半三更
地：自家
人：周公，本人

原來E組先係死亡之組喎…

九點睇完葡萄牙對伊朗已有點眼瞓，雖然第二日唔使返工，實在頂唔到去三點開波，惟有錄起親愛意粉隊，起身再睇。誰不知一瞓醒就聽到和波惡耗，好在加納無啦啦贏咗捷克，唔係比捷克兩連勝真係大鑊。

即刻起身睇帶，誰不知…誰不知我錄咗無記…阿叔、伍晃榮、李克人…我暈啦…一個飛身轉去有記等重播，點知63同64台都播葡萄牙，喂，使唔使呀﹗

朋友仔send來一個巴治奧的廣告，拍得極好睇，總算安撫吓我失落嘅心靈…

意粉隊Keep Walking啊，下場對捷克…
------------------------------------------------------------------------
世界盃手記：世界盃手記之二
世界盃手記：世界盃手記之四

改編小說的刪或增

最近《達文西密碼》風吹得熱，身邊很多友儕看完書再欣賞畢電影了。娘爆的本人在舊同事的大力推介下一直都想看看，拖拖拉拉至上月才從同事手上借來小說乙本。貫徹本人作風，先看小說才看電影；以現在的進度看來，刨完小說相信戲已落畫了。 本人對改編小說的戲劇是否忠於原著有個小小的執著；友儕看完電影就不停被我追問這點，同時他們亦反問為何一定要跟足原著？多點改動才有新鮮感嘛﹗

舊時啲雜誌2~港姐篇

承上文《舊時啲雜誌》， 今日再來一篇﹗話說講開香港電視提過每年都會送本特刊，此書乃本人必儲之物；不知何解本人自小就極愛看香港小姐(不過極有自知之名的本人卻從無幻想參加 過~)，著迷程度比勁歌總選還更甚，更著同學仔一齊投票(還未有匯應lone/sms的年代)支持本人心水。不過，俱往矣。

世界盃手記之二

6月12日：F 組 澳洲對日本 3 : 1
時：夜晚九點開催
地：自家
人：弟弟乙件，本人

純粹發洩…一腳天堂三腳地獄

今屆無國足，亞洲的足球小將出場，點都要支持吓。賽前好些報導對澳洲都看高一線(吳偉明的知日部屋 ：日本隊凍過水一文)，最多都只係五五波，三個字：「攞三分，有難度﹗」

Anyway，開賽後面對澳洲隊不斷高空強攻和地波攻擊都守得住，真叫人喜出望外；更喜出望外是日本竟如前幾天英格蘭、昨天荷蘭一樣早段開紀錄，領先1比0。

すごいね！！！！！！！！！

只係嗌咗一句就坐返低，驚班足球小將頂唔住，誰不知又頂到下半埸半埸，鏡頭耐不耐影一影澳洲球迷瞓著的樣，講波佬仲送咗句悶爆三人組。係呢個位再笑咗一野，之後都笑唔出。

以為頂得住，可惜日本無英格蘭無好命，被追和後有一分輸少當贏啦，可恨佢地又係一貫的輸波即自亂陣腳，被對方係尾段十分鐘換人入完一粒又一粒，袋中分數由三分變一分，一分變嘔突三分。咁就被澳洲拎走三分袋入自己個袋鼠袋度。

嘘だろう！！！！！！！！！

最慘係日本唔係無機會，佢地有好幾次埋門時對方守衛都未回防得切，可恨自己把握得唔好未能拉開紀錄。

残念です！！！！！！！！！

川口能活仲救完一個又一個險球，本來佢做硬英雄，誰不知後來反失三球。弟弟無啦啦爆句：龍門可以係英雄，又可以係狗雄…只能講句無陰公。

跟著的巴西和克羅地亞比澳洲更加唔係人咁品，希望薛高諗諗計，呢緊兩場踢得好好睇睇，有頭有面咁回國啦起碼。

轉頭三點到意粉隊…係慢熱兼遇弱越弱的意粉隊，好驚…
--------------------------------------------------------------------
世界盃手記：世界盃手記之一
世界盃手記：世界盃手記之三

振振基...

家陣美體瘦身風吹得熱，好幾間公司推出各種「美體腰帶」、「騎馬機」，盛惠幾千蚊到萬幾蚊都有，身邊好幾位同事有試過甚至買咗返屋企美體美體，有人話得有人話唔得。本人未試過，亦無意圖了解它們的美體原理，只乖乖的聽投資了此等美體工具的同事發表偉論。

世界盃手記之一

前言：延續02世界盃到處流浪睇波經歷(那時家中還未有有條線電視台)，今屆第1場又走出去睇(但其實而家我可以安坐家中看的)。不知今次會否像上屆一樣去多處無厘頭地方睇波，anyway，今年就整個小小手記將之記下﹗~

6月9日：開幕戰 德國 vs 哥斯達黎加 4：2
時：凌晨12點呀﹗
地：旺角忙著會
人：舊同事一堆，弟弟乙件，本人

1,2：見到咩就影咩，到處都是世界盃呢﹗

3：到埗﹗獨立房一間(世上無free lunch，我們是死lur間房出來的，本來要和人share的…)正﹗二話不說，打牌﹗

4：六點半從公司出發，九點前到達已book位的忙著會…大雨中的過海巴士

5.：等班大帝出現時在旺角遊遊蕩蕩，竟然被我遇到深愛的意大利飄拿電話繩，當然二話不說比錢﹗

6：開波前就係不停打牌、食野、打牌、食野…第一次幫襯忙著會，感覺不俗。

7：除下了黑色暴雨的夜晚，雨仍是很暴…行經人來人往的旺角街頭後…濕到上膝頭﹗

8：開波﹗德國贏得好險，後防發緊夢，裝親越位都衰，唔裝好過啦﹗而家分組賽對住弱隊(supposed to be，厄瓜多爾可不是善男信女…)都打得咁辛苦，出咗線點算…個電視大細都OK

9：睇完第一場，散水。轉頭仲要返工呀。六個人飲飲食食都係五百幾蚊，抵到爛(相比唱K)﹗個package其實可以打到第二日十一點，不過唔好玩啦，我要返工架…

在途中。回家一看，厄瓜多爾贏1比0呀﹗都話唔係善男信女架啦﹗想係播緊世盃主題曲MV....

返家，仲有個多兩個鐘又出門口，決定唔瞓；但過多兩個鐘之後的而家我又好眼瞓…
---------------------------------------------------------------------------
前言：我的世界盃
世盃手記：世界盃手記之二

舊時啲雜誌

在未有互聯網(我到千禧年才接通網上世界，失禮晒)的年代，我等八掛精要睇八娛樂野一是看報紙、二是看電視(如《K-100》、《勁歌金曲》、《週末任你點》等)，三是看雜誌；而雜誌在三者當中最為重要，充裕的篇幅和時間容許記者編輯搜索更多資料、圖片、專訪。

明星狂想曲

現在做明星，比起以往任何一代的藝人都難，同樣的暗裡辛酸，卻沒有前人的風光、私穩甚至尊重。萬幸本人從來無發夢做明星。不過，偶然都會幻想吓嘅…

十大車廂惡頂族人

時：6月6日晚
地：港島東行線某新巴
人：回家中疲憊的本人、PDA哥哥、綠色眼影姐姐、大聲嬸嬸乙件

夠啦唔該

呢兩日上鮮奶主頁，Claire同焦點推介隔離格廣告位竟然見到步步高先生。邊位步步高先生？咪係巴士阿叔、刺母小童、九鐵泥田大鬥法之前雄霸幾天 頭版的新聞人物。廣告title說「細數步步高疑團」…仲有無人想知呢？其實仲有無人記得佢係邊個？現在全城熱話都係巴士阿叔身世、巴士阿叔 crossover阿叔…

TEE恤年華

我家置身於屋邨叢中，風和日麗的日子就可見到萬衫飄揚的壯觀景象-人人都要晾衫麻。八掛的我總愛望望人家晾的是甚麼衫，甚麼校服，或是甚麼制服；嘻﹗某 日…我見到王菲個頭…正確地說應該是一件印著王菲頭像的tee﹗此等熨畫tee已絕跡江湖多年，2006年的今日原來還有捧場客… 又懷吓舊先~  

飛短留長樣衰頭

嘩…一把彎刀喺個額頭度…一個傻仔咁嘅樣…點解剪到我個頭咁呀…

我想修一修啲頭髮之嘛…

立此為記…記住記住記住…一定一定一定…唔好剪啲咁短的留海

另一篇：留海的煩惱

My Perfect Match

無啦啦係屋企見到隻林夕x伍樂城的《Perfect Match》大碟，話說碟中首首都係合唱歌，歌手配搭還是很破天荒的。現在只聽了前幾首，還未體會到個match如何perfect。不過就令我諗番起好多以前好鐘意的合唱歌，姑且記下我自己的perfect match song list。~