是咁的，追呢套呢，原因有三：
1. 友人說這套有真田幸村出現，而且引起熱潮說要為幸村獨立開一部劇
2. 妻夫木聰、阿部寬和北村一輝都是我喜歡的演員啊
3. 從前很喜歡小松江里子寫的劇，特別係KinKi主演的《若葉年代》、《青之年代》和萬年至愛之一《To Heart》，覺得佢寫年輕人情誼和愛情都很到位，咁變成歷史劇會點…
(暗黑理由：這部、《風林火山》和《江~戰國的公主們》號稱近十年的負皮三寶，我咁鐘意掃雷梗係要追一追，的確，很雷，雷到一個點)
我相信N台很有心想改革大河劇，從人腳上睇，唔計成熟一點的阿部叔、北村叔和常盤貴子，男既有妻夫木聰、小栗旬、城田優、玉山鐵二、松田龍平(佢既傲嬌伊達政宗真係可愛到炸)、小泉孝太郎，女既有深田恭子、長澤雅美、比嘉愛未、相武季紗、杏(我應唔應該count埋東山嫂木村佳乃？)，只能說一句年輕又高顏值(咁多年前大家都未有眼紋，哈哈﹗)，加埋小松的劇本本身我係相當期待，但越睇越雷…好囧。
兄弟、君臣的情誼變成粉紅場面，真係…笑片咗囉。
(又是因為要做功課…我有一份係研究上杉謙信的說)
咁呢，之前我只係睇咗《信長》劇同《官兵兵》，少講到謙信。就上網search吓佢既事跡，then我發現阿部叔呢個version同2007年《風林火山》的Gackt版真係南轅北轍到一個點，於是…我決定追埋《風》…那又是一個災難…哈哈
然後，我當然係無睇過《天地人》的原著小說，我以為「天地人」係對上杉氏或直江兼續(妻夫木聰)的美名，但原來係指「天時、地利、人和」噢…
um，阿部叔的上杉謙信一日到黑講大義，喺佢薰陶下成為下任當家既景勝(北村叔)當然繼續大義啦，身為景勝重臣的直江唔止大義，直頭大愛…噢…
umum，啫係呢，又無話戰國片就一定要雄斗斗既爆肌扮勁既，不過呢套劇啲對白真係粉紅到一個點，越睇越懷疑我睇緊BL戲…然後最雄壯，或者感受到主人公「波瀾壯闊的一生」(開頭一定係咁講)既，係片頭OP的音樂…
清史郎dd真係可愛到炸(故事講兼續5歲就成為景勝近待)，佢畫既媽媽…巧可愛~~~(諗起《新選組》近藤的骨頭，或《真田田》佐助的阿桐畫像…)
真係咪話雅人叔扮少年難受(其實我覺得ok…哈哈)，北村叔扮失戀少年仲正﹗哈哈哈…佢係經常一副生不欲死的樣子，嚴重沉默，於是總係由兼續同佢出頭做發言人，然後兼續呢，是愛哭鬼…呢兩個人…一副cp的樣子…(大河公式…主角成長後一定會歡樂一吓先嚟危機…)
危機就係謙信死咗的御館之亂…打生打死一輪，唔知呢，呢套野話直江嫂妙椿尼同仙桃院夾計昆大家說景勝是謙信死前指定繼承人，但佢地只係吹水…引發御館之亂後另一疑似繼承人景虎(玉山鐵二)只能慘慘豬地打生打死…過程嚴重洗白景勝(據說景虎個仔送往春日山城做人質中途被殺，係景勝做既…咁套劇當然話唔係佢啦…)…咁…個過程我又唔覺得兼續好有智謀…好似佢阿爸樋口惣右衛門(高嶋政伸)仲有…then景虎本身係北条家送來上杉氏度做人質既，高嶋先生喺《真田田》做北条氏政，同景虎份屬兄弟輩…媽…我好亂呀…
《真田田》做疑似側室阿桐的長澤，喺《天地人》度係謎之人物，一開始以為佢係信長的人，點知原來係幸村家姐，係昌幸(係奸既﹗)派佢去各個巨頭身邊收集情報…好詭異…btw，呢套的信長(吉村晃司)好妖邪的…
係，幸村去上杉氏做人質，好詭異地代表係佢家姐…初音小姐…極詭異…
而原來…佢係一個女忍者…好鬼…
話說，幸村做咗人質無耐就俾佢阿爸，即係奸既昌幸指示去秀吉示好，自行獻身做人質…又是一個詭異到不行…在這裡，幸村成為一個野人，行為大刺刺，佢似大過兼續多過兼續大過佢…極奇怪。
呢套野經常出現意義不明的情節…包括…有個大叔想輕薄千利休之女お涼(木村佳乃)，佢一野fing咗個男人出花園…then…是為甚麼呢？
真係好有愛
然後呢，我極度想問…落晒大雪點解啲人咁壯健衫都唔著多件…戴頂草帽算位蓑衣就行得？
真心…笑咗。然後上洛時兼續呢個愛字既造型係瘋魔萬千京城少女架…原來。
小粟得罪造型師系列之個頭想點…
um…參勤交代雖然未確立，不過秀吉確係要大名久不久就去上吓洛以控制佢地，咁景勝二人就經常來回越後和京城/大坂咁…密到好似坐地車一閃即到…
同埋千姬被救後鬧爆阿爺家康，好大膽啊﹗
初頭我係有好正經地睇，但因為實在太多不明所以的劇情，同埋上杉氏雖然係五大老之一，不過智謀…差啲，兵力…俾人狂cut領地又cut石…um，大義嘛，是守得住既，不過就苦了人家又苦了自己…呃，可能我睇得唔認真，又當咗係笑片咁睇了…囧…。
都係《官兵兵》和《真田田》高分啲。以上
沒有留言:
張貼留言
要講幾句嗎？﹗XD