話說，有啲字詞我係永遠會調轉次序，「風林火山」這四個字我大概只記得風係第一粒，之後的我成日調轉…係風火山林…風林山火…定風山林火…(笑)…本身睇完《天地人》諗住收工，但就因為我要做一份關於上杉謙信的功課嘛，咁睇完你管的上杉cut之後好好奇，點解Gackt咁美形的謙信會勁有人氣，有到會上埋紅白呢？
同埋，其實信玄和謙信的事績係Pre-官兵兵年代我唔係好熟，但睇完《民王》對「風林火山」四隻字有印象(泰山成日講的嘛)，就看一看是甚麼吧。(《民王》的狩屋孝司（カリヤン）和小秘書都有份演這套啊﹗哈哈哈)
再提多句，這套是近十年的負皮三寶其中之一(另外是《天地人》和《江》，我係咪應該睇埋《江》？﹗哈哈哈哈)
((睇舊劇認人係一個好好玩的遊戲))
據說，謙信公本身都對音樂有一定詣藝，然後長尾景虎喺第24集正式登場之前只係係咁易出現一吓，每次佢都係擺行pose咁玩吓樂器行行企企咁，好詭異。同埋，點解佢既造型永遠係披頭散髮？又一身京城公家人的造型…但佢唔係公家出身架喎？﹗最爆係行軍時佢係著皮boot…
sorry我係為咗睇謙信公的…哈哈哈，佢既傲嬌指數真係爆晒燈…哈哈哈。呢個選角偏向anime和電玩中謙信中性(甚至女型)image，確係好破格，佢同阿部寬的style真係各走極端，不過都感受到佢軍神既氣概、知人善用同埋…好啦，大義啦(其實好煩)，相比之下景勝就廢啲囉。(sorry遠藤aka泰山叔和北村大叔…)((補：遠藤大叔係《真田丸》中既上杉景勝，我撈咗幾套嚟睇係咪好勁呢﹗哈哈哈)
基本上睇《風》之前我對信玄公的認知就係《真田丸》入面真田爸昌幸提起佢既威水史，但《真》一開始就係信玄個仔勝賴被滅，then有份滅武田家的人係家康…then演家康的內野聖陽就係《風》的主角山本勘助，係咪好精神分裂呢﹗(佢有啲角度好似郭城城的說…哈哈)
一反大河主角係童年開始，一開始勘助已經係三十代大叔，有少少交代番佢往事，不過都係少少(然後演佢養父的大叔係《天地人》既秀吉，《新選組》的大夫，又係幾咁令人精神分裂)，好快就話佢甲斐國遇到美津等人(和羅曼史)((仲有不死平藏，佢既毒人能力比真田爸更勁，簡直係去邊度死邊個))
睇番資料，山本應該係虛構人物，真軍師應該係信玄重臣板垣信方、飯富虎昌、甘利虎泰等…um，咁大家又suppose大河係base on史實的嘛，咁原來當年都引起一堆爭議…
then晴信出家成為信玄後，好似技安…sorry…
再睇，原來佢同香川照之大叔係堂兄弟，即刻link咗去《半澤直樹》…又一個sorry
認人大賽之小秘書和小日向叔叔…
認人大賽round 2，新L池松壯亮﹗一貫大河特色：子役先演主角童年再演佢仔女既童年…咁L就先演小晴信，再演小勝賴…。then係真田爺佐佐木大叔…但又話昌幸(aka真田爸)7歲就跟信玄公做近侍，唔見佢既？
um，本來劇情我覺得有板有眼，而且幾熱血，何來負皮呢？美津被武田家射殺大小不保仲好傷感添﹗之後山本為了出人頭地加入殺妻(疑似)敵人武田家更係可歌可泣啦。好啦，煩爆位一係好煩的由布姬，佢本身係諏訪頼重(小日向文世)之女，跟住諏訪家被信玄滅咗，山本(作為家事特派專員)又要救佢又要盛，跟住由布姬又要死又要盛，山本就要救佢又要盛，之後信玄又要納佢為側室又要盛，then由布唔肯又要盛，最後又要入門又要盛，生咗倨仔又話繼承諏訪又要盛，攪一輪，啊，呢個仔就係勝賴，最後大仔太郎被阿爸藉詞謀反推倒咗，勝賴就繼承咗…
即係呢，阿由布姬又話佢愛上了不該愛的信玄，但又同山本…um，好詭異，山本就成日有啲奇形怪狀既幻想，一日都黑himesama~的大叫…想點…(好似有奸情﹗)
煩爆位二係成日打打打…睇睇吓我無心機不停打機…哈哈。
最記得都係重臣板垣信方以身犯險，以死相諫，死得好壯烈(啲人被砍幾廿刀都仲行得走得的說)，不過信玄之後都係繼續打打殺殺，無人安寧的說。
同埋，千葉真一(都係覺得佢係雄霸…哈哈)喺板垣死咗那集播出之後就宣佈佢引退，噢﹗原來都差唔多十年了。
唔知點解，我覺得呢套劇係用正經的方式演攪笑既劇情(其實據說的名場面第五次川中島之戰，謙信單騎殺入去武田本陣三劍砍向信玄度都莫名好笑…信玄真係好似技安呢…)，所以我又要說：《官兵兵》和《真田田》四平八穩的敘事方式真的很不錯。到底，大河的牌頭之下，大家都不會期望有啲大離譜的老作吧。以上。
(真不枉係負皮三寶之一﹗)
沒有留言:
張貼留言
要講幾句嗎？﹗XD