繼《柏拉圖式》之後中山姨姨又來了，復出後的作品總是大膽破格(破=佢以往的清秀形象)，然後總是要埋身肉搏，um，是因為大家對《情書》那些太入腦了？囧《癡人的愛》和《賢者的愛》都是係睇新井一二三、湯禎兆的書睇過介紹，是有興趣的但看了點《細雪》就停咗無繼續發掘谷崎潤一郎的書，山田詠美，我仲停留緊喺《風味絕佳》(因為電影版是英龍華姐嘛…雖然套戲我無睇過…哈)…今次呢套劇就成了契機去睇番呢兩本成日見名的名作。
原來《賢者的愛》是山田出道30年作品，才出版沒幾年…我仲以為有一段日子了…反倒是谷崎的《癡人的愛》就差不多90年了。《賢》只掃到中文版，一口氣兩日看完。《癡》(我真係痴啦今次)只掃到日文版…哈哈哈﹗我睇唔睇得掂呢…
um，是咁的，《癡》是成年男人將少女收養並塑造成自己理想的女性(頗有光源氏收養紫之上之風)，但少女慢慢變成妖婦，男人已不能自拔終於變成妖婦的奴隸。《賢》一脈相承但身份掉轉，女主真由子跟百合初中開始認識，鄰居關係玩在一起，但慢慢百合一步一步搶走真由子的東東，由飾物到玩具到男人…um，從真由子的爸爸到初戀情人諒一。二人生下的男嬰真由子改名做真巳，日語發音跟《癡》的少女Naomi一樣，從此花了20年將真巳收為己用，啟動報仇機制。最後真巳離不開真由子，真由子suppose唔犯《癡》中讓治沉迷於少女終於不能自拔的錯，本來鬆緊有度但取後都係愛上了自己一手調教的真巳…then就…自己睇…
電視劇短短四集(大結局睇了一半)，還原度頗高，最高應該係百合成為真由子鄰居後的那個家，暴發戶風一屋都係歐洲風格池塘裝飾呀咁，但朝倉家唔多打理導致荒廢晒，起晒青苔少女真由子個噢咀樣是一絕。然後百合小弟失足跌進池塘死咗…影住佢隻鞋時個荒涼…又是囧咗…
我誤焦點添，想話初中百合頗有少女Hiro(Speed那個)風，其實我幾like佢…哈。少女真由都幾可愛，但高中真由就有啲加凌角田中麗奈feel…既唔似初中真由又唔似中山姨姨…是怎樣了呀…
套劇爆點之一當然係真巳和真由的傾情愛情動作演出。不過四大主角我覺得最搶係高岡早紀演既百合，真係乞人憎到呢…明明係自己搶諒一…仲可以一臉可憐的跟真由說「俾我啦俾我啦俾我啦~」(呢句同「求求你x3」係出現率好高…跟《軍師官兵衛》的「你明白嗎？」一樣位居名場面)…雖然劇情係有講番點解百合鐘意搶人野，佢屋企既構造係令佢好羨慕真由一家出身好家教好家人之間關係又好…不過…佢一講「俾我啦x3」時就好想打佢一身…證明高岡姨姨演得好成功…
中山姨姨嘛…我硬覺得佢好似勒住勒住，細個時就話因為係獨女唔識同其他人相處(但你無同學嗎？)，所以唔識推百合的要求，但去到少女(不知為甚麼明明係80,90年代經濟泡沫期但整了個寶珠芳芳郁)時見諒一被搶走唔出聲，中年被百合看穿唔賣屋和攪真巳又唔反擊，真係睇到人好火…
好啦…高岡姨姨做得太搶，諒一返反倒無乜發揮空間…然後接住搶戲的是傾情演出的小鮮肉龍星涼…
然後，龍星dd跟菅田dd同年，93年生的一代真係人才輩出…
跟大上廿年的媽媽輩女子攪不倫(真由算係姨姨…所以都算係了？)，好難唔諗起《東京鐵塔》黑木姨姨跟某准、寺島忍和松本潤…um…死啦…點解之後我會諗起「今天不用手」…
傾情真係好傾情，不過書中更多由中學開始的場面，真由子一路開工(做編輯的工作)一路指導真巳和另一少女技巧(um…我講得含蓄…)，劇都有呢幕不過就含蓄咗好多…um…劇反而係低調咗好多…um…
即係呢，當睇完兒童版
唔知點解我一路睇你啲um....一路喺度笑 XDDD
回覆刪除我要用特別的寫作手法去形容特別的劇情~~~
刪除