偶像的重要

題目是偷健吾的這篇，因為看完實在太有感觸（不只共鳴了⋯XD）。雖然小的入V團坑只有一年⋯但我感受到聽到《MUSIC FOR THE PEOPLE》INTRO時的興奮呀﹗到底情懷是會令人忘記EUROBEAT而家聽有多土的了⋯我沒有《MFTP》咁前，第一首讓我覺得好聽既係《FEEL YOUR BREEZE》，2002年的了，但之後沒有落坑（同期KK團的《F ALBUM》是個人覺得最難聽的一隻）⋯直到去年《軍師官兵衛》⋯有幾癲，唔使講啦﹗哈哈

就因為小的去年才落坑，一嚟眾人已經係大叔⋯但跳舞依然賣力，看2013年的演唱會時開首的《FAKE》和《FLASHBACK》已經暈了⋯點解咁勁咁好UN⋯小的對勁歌熱舞無抵抗力架﹗（希望上面貼的LINK不要被斬啦，《FLASHBACK》真係好好聽架﹗）

即係呢，唱可以播帶瞞天過海，但跳舞無得呃架，坂本及長野仲要四十開外，又跑又跳唱全場唔係勁係咩先﹗（同時我會覺得KK團越來越HEA⋯）

叔叔們真的很拼﹗

都明既，長老二人組入社鬼貢耐先得到出道機會，之前看著同／後期入社的人先過自己出道內心一定七上八落，看訪問井之原講了好多次以為V團只係期間限定（因為佢地係為TIE UP排球比賽而緊急出道），最年長的坂爸要湊住堆十幾歲的細路應該都不好受的吧，但有得出道總好過坐喺度等，也許佢地都估唔到個團可以做到廿年。而家馬後炮講（睇J家分析書講），少年隊之前的團都係結成一段時間隨住成員年紀增長而解散，少年隊開始就KEEP住個GROUP改為加重SOLO工作（少年隊其實係無解散的，只係上報出報導時唔會再喺個名後面加上團名），加長藝人的演藝生命⋯做做吓五年十年十五年到二十年，都咪話唔勁，而且係KEEP住出歌開SHOW喎（相對KK團年末先有團活真係差天共地）

睇番2005年十周年的SPECIAL某准說坂爸像爸爸，長野是媽媽我笑翻了，然後井之原是哥哥（剛健和末子是小兒子）⋯好溫馨囉呢個家庭，當年湊住堆唔係壞小孩就係無知兒童的坂本應該好好好好辛苦吧。然後現在壞小孩都變（在各領域有一番成就的）大叔了佢應該很安慰啦～

看來我真係要變心了⋯哈哈（不﹗光王的SOLO碟我在勁煲架﹗而《陰陽師》也在努力的睇﹗佢今年很拼呢﹗拍了兩集單元劇）

成粉之路最緊要係將覺得難聽既野都聽到好聽為止，不單出道曲《MFTP》（＜－好像講粗口）外，連（曾經都覺得必飛的）《MADE IN JAPAN》都煲埋﹗勁⋯

粉絲的傻勁是很可怕的，健吾說《MFTP》是令他接觸日本流行文化的窗口，記得當年聽過《CAN YOU CELEBRATE》後大愛再跑去買安室結婚而出的精選《181920》，一聽狂中招超愛《DON'T WANNA CRY》，可以一粒五十音都唔識憑翻聽又翻聽標拼音再翻看又翻看的死記硬背背到成首識跟住唱⋯好癲⋯去到前年見到真人一齊唱這歌時感動又豈是言語所能形容﹗話說回來當時係無打算學日文的⋯兩年之後不滿足看歌詞紙就跑去學了⋯雖然到而家都未能100%睇得明就是了⋯

睇番舊文（2007年是多麼久遠啊﹗）原來我知井之原和瀨戶朝香結婚﹗（我對佢既認知只限於《銀狼》嘛）隊中識來識去就係三宅健（都係《銀狼》）和森田剛（《同一屋簷下2》和⋯當年的桃色新聞⋯），岡田准一去到看《虎與龍》前都只知佢係堂本剛親友（都應該好耐無提過了⋯）。那時V團喺小的偶像排行榜上係⋯無影的（當年真心覺得剛健的機械人聲好難聽⋯避重就輕多了合唱或主打RAP或以電音／特效襯底就無咁機械聲）⋯哈哈⋯《FEEL YOUR BREEZE》和《ONE》後想再發掘一吓但應該比出道曲的EUROBEAT嚇到了（安室初出道唱的EUROBEAT我係SKIP晒的⋯）⋯可惜當年我沒來得必發現玉置叔叔作曲的《愛なんだ》，仲有之後的《OVER》、《WAになっておどろう》⋯而家聽番真係相逢恨晚⋯怎麼可以咁正能量架（都是很元氣，很有活力的一種）﹗

而好貼心的是（相比唔係次次演唱會都會唱經典歌的KK團），V團唔係唱晒成首總會有個串燒環節，等大家一齊發癲⋯

（唉，找不到個PV添，那個在天台跳跳跳的PV很夏天很活力當年大愛架）

一吓由2002年的金毛團跳到2014年的大叔組，邊睇邊想貢自己呢十二年做過啲咩⋯（呀﹗不要問我了⋯掩面狂哭⋯）⋯回想起當年初聽（睇）到《FEEL YOUR BREEZE》歌詞時的感動⋯

いつか　想像してた未来と
いまが　すこし違っていたって
夢の　ための　涙は
まだ消えずに光り続ける

我唔知自己最後能否成為立派な大人，但會努力讓自己跟歌詞一樣Never stop walking now oh～～～～

YEAH！～
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

雖然我都係如健吾所說迷上日星後就唔喜歡港星了，但《雨中感嘆號》真係巧巧聽架﹗在小時候的我既心目中杜拉格城是特別的存在呀﹗