打風天的宅爆生活

這是一篇很無聊的日誌，就說中秋的三天假期有兩天都係咁過的，太奇妙了。 
12:00 - 2:00pm

• 眼是睜開了，但人沒有離開張床
• 煲了兩集劇
• 打了一輪candy crush，過了一關cake住成兩個月的，但之後的一關過關失敗
• 不停Whatsapp/FB/plurk

2:00pm

• 瞓到腰痛同肚餓所以終於肯起身
• 方包搽榛子醬多士做早餐，話說小學時很熱愛古古力+花生醬，搽麵包時"了"晒啲古古力醬出嚟就次次都俾阿娘鬧…XD。齋榛子醬阿娘又覺太甜，於是當年係唔俾食的說…而家…UM，某日喺超市見到齋榛子醬有特價，忍不住買了可以盡情吃了
• 沖咖啡。實在是太悠閒的項目了，話說在無印買了一包原來要用filter隔的咖啡，在公司沖不方便於是只能留在放假天沖。隔嚟隔去的心理作用覺得好似香啲…XD。UM，下一步我有興趣玩吓咖啡壺的說…
• 切了個月餅但只吃了八份一…XD
• 邊食邊繼續煲劇

4:00pm

• 看書，挑完《村上春日堂反擊》。村上的小說一直提不起興趣，反而佢啲散文合心意啲，佢啲鐘意交通大亂(無惡意，純粹係鐘意那種日常routine中有一點少不同的驚喜感)、發現啲書不停增加、音樂的喜好等出奇的有同感…我決定先睇佢啲散文集，遲啲先開小說
• 睇書…是再攤番在床上睇的。邊看是邊聽容天后的《小日子》和J.Arie的《Soliloquy》。

• 容天后新碟的side tract很不錯，雖然還未記得清名字…有兩首用了brass(記得09年佢10周年個show時佢說特登加了brass為舊歌作新編曲…)，少少輕jazz的感覺很舒服…是想配番《小日子》那種輕鬆舒爽的感覺了？

• J.Arie兩首主打《第一志願》和《我就是主角》plug上台時已經很喜歡，碟內的歌大部份都係呢啲正能量講意向的，特別喜歡《大個》…um，回帶：比起傷春悲秋的小的更喜歡聽啲正面既歌啦。另外《學習戀愛》和《Make it last》都很不錯。

• 呢兩隻碟都好啱放假聽的說…(係咪要再聽熟啲賦文讚美吓？)

• 上吓網打吓機咁

6:00pm

• 繼續煲劇(所以進度十分良好)

7:30pm

• 娘煮飯完成，食飯
• 睇了一輪TBB節目…真係有啲乏…

9:00pm

• 做吓功課練吓琴

11:00pm

• 沖個full個mask

12:00am

• 唔知做乜就十二點，攤上床繼續上網和煲劇…

宅爆的一天就完了。無出街但十分充實(我自覺)，哈哈哈﹗重點是無亂洗錢(而家洗錢唔一定要出街先洗得嘛﹗)，無買到書而清了手頭上一本書，感覺太良好了，完。