閒話app常之愛瘋apps飛佛

 

 實在《閒話app常》真係可以做專欄名喎﹗卡卡卡…

這一個是我今期no.1飛佛呀~ 

舊版本coin dozer已經讓我玩到瘋，kill time一流，推金幣之餘再推special coins和儲treats，儲夠就有特別effect咁。某日見到有呢個曲奇版，其實玩法完全一樣換湯不換藥，但金幣變成曲奇係可愛了一萬倍 ﹗special coins變了古古力餅，treats變成冬甩、cupcake、古古力等…越玩越肚餓﹗本來我是乖乖地等新曲奇/金幣既，同事告訴我原來改日期會令個 app自動俾多40個我…嘩﹗嘩﹗嘩﹗已經儲咗兩個special effects啦﹗我要繼續努力﹗

同時，我忽然好想吃chips ahoy，呢個game係咪chips ahoy crossover既呢？﹗

小的最愛玩呢啲無乜故事性但求玩玩玩既game，也是一個等車一流既game，就係每個圈度推推推，推埋4粒以上同色既就會消失，推走該關require 既粒數就過關，長玩長有，我最耐玩到去7x關，真係好想知爆機係幾多關囉…但upgrade ios4之後此game crash了…囧﹗好失望啊﹗快诃整好可以嗎？我等你啊~~~~~~

ibooks我覺得絕對係ios4既一個驚喜。之前都有dl過kindle，不過佢既書大部份都要俾錢，俾錢既話我都係prefer買本實實在在既 書揭…之段就一路無開過個app。upgrade完ios4見到ibooks就dl嚟睇吓…哈哈哈﹗見有很多免費既書…貪小便宜如我即刻雙眼發光啦﹗下載了一大堆書來看，最奇既係英文書以外竟然有一大堆我國名著…我…講咗x年…終於都開始睇《紅樓夢》啦﹗哈哈

不過呢，揭書時個靈敏度都始終係kindle勝一籌，暫時而言。

唉瘋既神奇之處係可以裝app，而啲app既神奇之處係無限可能，部機可以用嚟玩遊戲，又可以做正經野…如查字典，中外乜國語言免費付費既都有，上圖這個 kotota係我最常用既，有時個袋太重就懶得拎字典機，都夠頂吓的，免費野來說已經出乎期望啦。當然，用法、例句方面係無乜既…要不就拎番部字典機…要不就俾買《大辭林》囉…

基於我係用愛朴，於是plurk、fb、微博、開飯、衝廁(呢個都幾偉大的說﹗)等等都要等有wifi先用得， 於是小的最愛留意有乜app係可以offline用…如上圖這個巴士小巴路線分享app，佢最偉大之處就係可以offline search巴士路線﹗係offline呀﹗對於我這種明明路痴又死要搭巴士既人來說實在太偉大，對住該路線既list數字幾多個站落車就包無落錯車了~~~~~

online有埋地圖，仲好用﹗呀，難道我真係要出部愛瘋嗎？

*******************************************************
這篇文出師不利，先前打了兩次都死掉，希望今次無事啦﹗
(啦啦啦，今次我有save低草稿架啦…嗚…)
 
btw，閒話app常這個題目可以當不定期連載常來呃文呢﹗卡卡卡…

閒話app常~愛瘋影相apps
閒話app常~3：開店デパート日記、ゲーム発展国＋＋