阿邊個親戚即係邊個？

MP3 loop到陳醫生既《呀邊個邊個》，咪話，真係超有共鳴…因為我就係成日唔認得啲親戚邊個打邊個，於是我阿媽就會話我大話咪錯…

作曲： Sune Thorbjornsen
作詞： 余紹祺
編曲： 劉志遠 長氣的媽媽每天鬧我  成日將七姑四姨舅母記錯
還記得稱呼舅公十次　有八次　叫錯  幾多親戚　點去認喎
咪忘記　呀邊個　咪舊陣娶咗邊個   要叫聲呢個　嗰個　唔記得咗咯
咪忘記　呀邊個　咪就係家姐邊個   要記得呢個　嗰個　你大個咪錯
隨我的身高每天漸變   媽媽的叮囑始終未厭
人際的餐單每天在變　而我要　應變   披荊斬棘　彷似大戰
咪忘記　呀邊個　咪舊陣踩親邊個   佢最冧呢個　嗰個　唔唱得邊個
咪忘記　嗌邊個　咪就係公司邊個   要記得呢個　應該　我就冇乜錯
咪忘記　呀邊個　日日在偏幫邊個   要小心呢個　嗰個　唔記得咗咯
咪忘記　冇邊個　著實係益咗邊個   我呀媽講過　講過　我大個咪錯
我不怕被人罵　你給我廿年吧   人一生中總有日化
我忘記　呀邊個　舊陣係公司邊個   佢最憎呢個　嗰個　唔笑得邊個
我忘記　呀邊個　實在係家陣邊鬼個   要記得呢個　嗰個　我就冇乜錯
我忘記　呀邊個   要小心呢個　嗰個　唔記得咗啦
我忘記　呀邊個   我呀媽講過　講過　我大個咪錯

(咦…我仲以為係y文填既添…)

((好耐無做過既貼歌詞﹗因為這首歌真的很抵死…哈))

拜年我最驚就係叫錯親戚個名(同時我又常被人叫錯做阿某某個女…)，娘親外家親戚多嘛，而我地又一年都見唔到一次，互相對對方來說都只係傳說中既人物，真面目大概係幾年先見到一次，娘唔俾hints我真係唔知佢係乜水囉…

(但我記是非八掛野又唔見咁失魂架喎？﹗)

物以類聚是真的，當其中一個如我咁經常性失憶，親戚大概都會有類似的病，前陣子和阿姨舅舅同枱食飯，佢地講起我的年紀居然記不起來…仲估細我幾年添…我…該說多謝嗎？﹗然而，跟我年紀差不多既表親(即係佢地既姨甥)係談緊婚論緊嫁囉…

唔記得仲好，別催我，讓我繼續玩多陣吧，人一生中總有日化呀﹗~