本周食記：1. 大戶屋、達榮

這家店快成為我的食堂了…哈…(想說上圖這堆冷麵係…使唔使咁大盤？)

上圖和冷麵係一個set來的：吉列雞飯配盒子蕎麥麵。那「盤」麵係好大pat…好似夾極都夾唔完的。炸雞望底下仲有飯，成個set好飽肚…。不過飯腳說炸 雞頗油同埋好大塊皮…(謎之聲：店家不是說sell健康的嗎？)((食客之聲：唔知喎，但炸野香口喎﹗))(((再來謎之聲：日本人家常便飯…係成日炸來 炸去的嗎？)))

我就試了這個湯煮芝士漢堡扒，其實都諗咗好耐，因為我已經食咗n次招牌午餐了，想試一吓其他…廣島蠔？吉烈豬扒？炸雞(招牌餐的炸雞很好吃的說﹗)…諗到頭都爆之後終於決定這個了。雖然唔多想食牛，但見佢有芝士…

ok， 上枱…其實芝士…應該只有漢堡扒上面的一點芝士粉吧？﹗件漢堡扒吃下去肉質有少少鞋的(漢堡唔通係嫩嗎？)，但很香胡椒味，索埋個湯汁很香口的說。個湯就 真係整個set的精髓所在，索咗漢堡的牛肉、薯仔、蘿蔔、洋蔥(盤上的吉碗正好讓我發揮揀野神功…哈)、雜菌的味，光端上枱已經很香，用嚟撈飯更係一流﹗ 丫，這個又真係幾家常小菜feel的說，同埋，終於唔駛又炸野了。

這是我一個人食自閉午餐的首選：大戶屋招牌午餐，隻蛋用嚟撈飯又係一個一流(其實隻蛋的用途係…撈飯的嗎？)

這個餐其實幾balance的，有肉又有菜(又係炸﹗)，仲詭異地有幾條通粉。不過我這些揀飲擇食的就當然係剩番晒了…哈。

想說，午餐去食的話有飲品和雪糕送，抵很多。一個餐平均70-90蚊，最平係呢個招牌餐，加埋一77蚊，慰勞自己辛勤工作上佳方法也…哈﹗

前陣子和飯腳食了一次老銅新店，平時自閉午餐多數去吉吉島；感覺老銅店比較逼，枱和枱之間很近(仲要遇著隔離的兩個少女高談闊論…好嘈﹗)，吉吉島光線比較 暗，但位子比較闊落，坐都坐得舒服點。但…吉吉島夜晚食的話等位很煩人啊﹗真係手心又係肉…手背又係肉呢﹗(感受到嗎？我真的中毒很深…忍不住隔陣子就去 食一食呢…)

大戶屋@開飯
飯糰人先生：大戶屋

****************************************************

看《日日有食神》覺得很吸引，適逢有事要去馬交一轉，見開飯風評麻麻但還是忍不住去挑一挑這個很有名的乙水仔魚翅湯麵…呃…這回真係不聽網友言…吃虧在眼前了。

首先是這個價錢38個大洋的魚翅湯麵，啲翅當然係翅邊啦，不過數量ok多的，又幾有咬口，面頭仲有我鐘喜歡的金華火腿…不過個湯…都好淡吓…ok，這是鮮味好了。不過最大件事的是…底下的麵少得可憐…我食完係完全唔夠飽…(看倌們注意係我唔夠飽喎﹗係我﹗)…麵唔值錢掛…

同系的魚翅撈麵，湯還是那碗…麵多點花臣…盛惠53蚊。吃完問娘親有乜意見，佢話…睇吓仲有乜野叫…(aka…唔夠飽…)






以上兩樣都被我倆評為「好流」，唯獨是這個魚翅球幾好，雖然唔知邊度有魚翅，但以魚蛋的史單特來說，很新鮮很彈口魚肉味很香，熱呼呼的很過癮。不過24個大洋食5粒魚蛋…

之後，我們去手信街那邊掃甜品了。這家店…呃…

達榮魚翅湯麵@開飯