中化威水史

這個注定是我講一世都唔厭的題目，原來我中文程度比英文還要差…orz…

話說某天飯聚時提起高/會考時的成績，發現不只我一個，很多人也得到離奇得可以的評分，究竟是甚麼回事呢？﹗其實我中化的「偉績」在小博也提過很多次…哈哈…

話說當年我收到張cert時第一時由頭到尾掃一次，一見到"UNCL"和"F"即時雙手發抖…唔係嘛？肥佬…，再望，啊，原來係細科，想嚇死我咩﹗

根據我的分析，oral肥佬其實係自己攞呢衰--因為記錯考試時間，臨出門口前才驚覺「我記錯了﹗﹗﹗」，唯有急急腳的落街飛的，到試場時早已嚇到魂飛魄散。因為遲到心情緊張，於是講野亂咁來，收到一個明明送分的題目都執唔到分，仲要肥埋，真撞鬼。(詳情見呢度)

Listening就真係懸案，究竟我中文程度係咪真係咁差？明明平時校內做past paper都無事，就係正式考時出事…奇又奇在，UE listening我pass，日文能力試 listening我又pass，就係中化 uncle…我諗，我其實係鬼婆，唔識聽唔聽講只係識讀識寫中文的說。

其實本人英文oral比中文oral高分都係一個懸案，話實中學年代本人的英文係讀寫聽都ok，講就水皮到不堪，商大年代的英文course speaking部份仲頹到要retake，真係唔明…多得無限次present魔鬼式訓練水平提升了，大三考IELTS時oral又好手氣撞正個好題目--叫我講最近看過的一個電視節目，咁啱之前我就在明珠台看了MJ的特輯，於是當然係得咗囉…卡卡…

話實放榜後真有諗過check卷…不過見出來的總分合格就無咗件事囉…肥咗的話，睇吓我同唔同份卷死過…但其實，我到而家都好想知點解，乜我中文真係咁差？

同場加映：仁兄~小時了了，暨我的中文成績

17/3/16後按：上年再考一次IELTS，手氣極好的我Oral又撞正好題目之…又係講電視﹗哈哈﹗不過今次無講MJ啦，反倒是講大河劇《官兵衛》，我覺得我讚美這是一個深入淺出方法介紹歷史人物和事件的劇集做得好出色…但…最後…好在…無事。分數跟第一次考的一樣…咁我英文係進步咗定差咗？囧