2017/03/10

[日劇]《突然ですが、明日結婚します》(不好意思,明天要結婚)


不好意思,我真心覺得呢套唔好睇。不過大家熱烈討論的波波龍…真的很藤木直人叔,然後我又好like直人叔…睇吓睇吓我竟然追到跟播的速度。

首先,男女角我都唔識,同埋呢張官網圖點解可以拍到男女角都唔同晒樣?仲要係醜咗…

btw,下季真係有直人叔真尊啦~~~~

是咁的,波波龍山村隆太或flumpool我都係唔識,非J家或本命歌手我都無幾個會留意了…勾晒啦我…而我不知道主角這團和女主西內瑪利亞都有唱歌出碟…哈哈哈…然後,原來西內跟安室是同一家經紀人公司,前陣子安室自組公司獨立的時候,舊東家是想捧西內做接班人…呃,但我覺得佢個路線似hitomi多啲囉…都係…我唔會like的歌手類型…哈哈。雖然套劇的片尾曲我覺得ok。

男主也是無聽過,就因為睇樣佢有直人叔感覺…um…我就追下去了…(不好意思,佢原來結咗婚…噢)then呢,除了佢係(band界)令仔,um…演出是生硬的…咁漫畫改編嘛,主張不結婚的男角走性格怪異道明寺的路線其實又safe既,但劇情又無啦啦去咗談情說愛,突然後好老土地引發事業危機,起承轉合突然晒殺埋嚟…sorry,令仔但生硬的話…呃,um…

(謎之聲:人家男優debut…主職又係唱歌,我原諒佢…雖然大部份都是因為…佢令仔…哈哈)

btw,我鐘意波波龍放工個四眼私服look。

至於女主,撇除佢係我唔太like的hitomi式外型(我承認我是不喜歡聽hitomi的),佢既演出是ok既(撇除有啲角度顯得佢激似j家男扮女裝…),雖然個角色係好煩既成日高呼「我想結婚」、「我想做專業主婦」,但又未至於日劇一向的熱血式女主(即《校閱女王》/《朝5晚9》或那種,sorry石原,我鐘意睇你架﹗不過你啲角色煩之嘛)…

um,講起《朝5晚9》,係啦,兩套劇的路線係激似的,都係兩個人生觀完全不一樣的人突然
  • 走在一起-->突然喜歡-->危機-->一定化險為夷
  • 兩人身邊一定有溫柔男角(aka花澤類)和搶男主的女配
  • 女主和男主身邊的男女配又總會走在一起
個套路實在太熟口面,then啲喜歡粉紅一陣就變危機,起承轉合…唔多覺…um。好突然…波波龍就事業危機…櫻木夕子(高岡早紀姨姨)一副《賢者之愛》既女二mode,波波龍(sorry…真係好生硬呢,不過我重申:是令仔的﹗)即刻黯然失色…

佢一行出嚟,阿壽都估到佢一定搶番男主…仲使睇既

演波波龍好人前輩三上響的沢村一樹好高…高波波龍一整個頭…then阿頭杉本哲太…《直虎》度係溫柔又有啲懦弱的爸爸,呢套就變咗cool爆阿頭…黑衫我諗緊佢有無換過…哈哈

男二神谷山崎育三郎老婆是安倍夏美﹗﹗﹗﹗﹗﹗﹗﹗﹗﹗﹗呃,即係呢,漫畫套路就係無論男二點樣溫柔體貼,點樣對女主好,點樣適合女主,男主永遠點樣傷害女主,女主都似終係心向男主,男二只能是女主受傷是的避風況…好老土呀﹗

then女主的朋友,左邊那個好熟口面,一search原來係岸井ゆきの,《粉與灰》後尾的那個…噢﹗

想營造浪漫,集集都播的那隻英文歌,就好似《絆》喺《我Miss係大佬2》度既效果咁樣,每集一定播一播…播到煩…唔係睇人腳…都好難搵到理由仲要睇…有斗真細佬同flumpool隊友做副聲道都係咁話啦…

雖然…我仲睇緊。囧﹗ ((謎之聲2:據說為了挽回月9劣勢,富士電視台下季搵相葉雅紀坐陣,不過成團阿啦池…對我嚟講最唔吸引…sorry,就係佢…哈哈。反而下下季《Code Blue》有山p、結衣bb和戶田,諗得過…都係要靠番職業劇…um))(((《有喜歡的人》我好like的…呢套就真係…感受唔到浪漫又感受唔到對結婚的思考…我係咪要求太高?都係睇令仔算啦)))

《四重奏》和《直虎》真係好睇好多,我再一次表白小秘書(菅田dd幾時先出場呀…好想快啲delete咗演dd阿爸的三浦春馬)。

6 則留言:

  1. 呢套真係完全唔好睇 XDDDD 四重奏係真係神 XDDDD 直虎其實我覺得好睇既部分完全係小秘書,成個井伊家都好低能,真田丸好睇好多 XDDDD

    回覆刪除
    回覆
    1. 我唔明一個咁簡單既愛情故事點解可以拍得咁難睇…
      四重奏越來越緊張…話實,淨係首片尾曲已經係神作…
      直虎可唔可以跳去菅田dd大個做德川四天王…受唔住直親係咁傻的嗎不停坑小秘書…

      刪除
  2. 李小球17/3/17 12:37

    好好笑.....睇你寫的感想反而比較有趣~
    基本上呢齣野主要係聽波波龍把聲(佢把聲真係勁溫柔~),雖然佢都真係一個靚仔~

    然後其實我覺得三上同冰室的真愛係波波龍~ 而我其實比較鍾意三上!同埋西哥個靚女朋友~

    回覆刪除
    回覆
    1. 有三上和冰室兩大前輩,波波龍真係巧幸福呀~睇佢兩個上波波龍屋企見到間屋大到爆兩眼發光一場超好笑…
      um…波波龍真係令仔同把聲好聽…之後…佢都係適台演唔使太賣力做內心戲的角色…
      算啦,我唔踩啦…橫掂都得番一集…哈

      刪除
  3. 頭幾集真係okay,之後就。。。
    睇呢套劇最大收穫係識到波波龍(真係好靚仔)再聽埋flumpool D歌發現真係唔錯喎,幾band仔,聽得多J家d商業化歌覺得flumpool幾清泉。

    回覆刪除
  4. BTW我係n年前成日係到留言o既戚周劇迷,而家已完全放棄港劇

    回覆刪除

要講幾句嗎?﹗XD