2017/02/05

20年自high系列~《超級無敵掌門人》

嚴格來說,是21年。

話說到朋友家拜年,去到的時候做緊《三個小生去旅行》,大家都是邊食飯邊望吓咁。突然發現跟住的節目是呢個,極囧﹗再望一望啲嘉賓,劉華﹗陶大宇﹗梁榮忠﹗以劉華的造型,陶、梁未過檔(《刑事》又是一個很懷念),仲要有陳小春做主持,唔使講一定係第一輯原始版啦﹗

巧京京呀﹗

那年頭應該得郭城城仲同無記拍緊劇,真係無印象原來劉華仲會上遊戲節目啦…跟住呢,佢地啲皮褸(裙…蓋鳴輝姐姐個郁真係好爆),攝衫入牛仔褲再扣belt,劉華全程掛副太陽鏡喺頭頂,牛記襯黑皮鞋既郁…不禁跟朋友對望,然後標住冷汗地說:我地當年無呢啲郁呀呵…

1996年有啲咩呢,《緝私群英》、《悠長假期》啦(1997年尾先認識安室…1996時唔知佢係乜水),白面《神鵰》播完《圓月彎刀》又未播,呀,是《天地男兒》耶﹗


最最最原始版的《掌門人》已經係食吓wasabi壽司(未使猜拳唱「辣辣壽司邊個食,你唔食呀我唔食」咁)、超級無敵兵乓波、超級無敵馬拉松呀咁,low tech得嚟又幾好笑…

個人最鐘意睇大電視,完全low tech但又超好笑,即係呢,最初代未去到要性感少女、鹹濕遊戲同浪費食物的年代,其實我有追《掌門人》的…哈哈。雖然,我鐘意睇《運財智叻星》多啲(雖然我唔鐘意睇荷蘭先生),白面古上去那集我錄了睇咗一千萬次耶…哈哈

超級無敵偷喇偷喇偷喇<--竟然係林曉峰喺陶大宇瞓攪時ware開佢件外套,剪開佢跟白tee然後成件偷咗…哈哈哈哈﹗完全唔記得有個咁既環節

跟住當年驚為天人的Acer電腦組合(是_86電腦呢﹗﹗﹗好懷古呀~~~)要成二萬蚊架…但當年經老父朋友個仔幫我去深水埗砌機只需一半唔使…救命,好耐無見過咁大套白色的電腦啦~

then呢,廿幾格獎品每格貼咗一個明星樣,王菲那格應該係前幾年佢仲唱緊《容易受傷的女人》時的斯文長髮,唔記得邊個揀佢那格時仲講王靖雯…懷古到呢。

講起獎品,每次選了個號碼讀變品時會有個哥哥仔笠住發泡膠公仔扮那樣獎品…如…電話…好好笑。同埋最low tech是,每次藝人選獎品,林曉峰係要mark的…

陳小春的年代真係遠古到一個點。我記得佢做咗一陣就無做變咗錢嘉樂(那水拍《古惑仔》都夠唔得閒了)…好懷古…好懷古真係好懷古。

懷古完一輪,20年前後都仲係睇緊呢個節目,呢個節目又仲係玩緊呢啲遊戲…都唔知係好定壞。但見到跟住播的是《Sunday扮野王》,…呃…我又寧願睇番《掌門人》了…囧

2 則留言:

  1. 李小球17/3/17 12:40

    之前有一集仲要有歌神張勁驚!!!

    回覆刪除
    回覆
    1. 一開波時啲遊戲老少咸宜,同埋俾面eric囉…

      刪除

要講幾句嗎?﹗XD