2013/12/15

あの日の~京都の旅~(2)~町家初體驗

先貼一吓住宿的地方吧~

係啦,第一個住處既名就係圖中呢個,地點異常便利(京都車站)…遠遠的就看到Hostel的頂頂…但過了馬路後…呃…迷路了…兜了個大圈先到…哈哈哈﹗
就說是很有大學宿舍FEEL(雖然我未住過…囧),很新很現代很有史大奧,朝早陽光透進窗時…呀~~~~是多麼美好的一天呀﹗Um,當我地擔心房入面插頭不夠時…床頭也有呀﹗很方便邊叉電邊玩電話﹗房間空間異常大,兩組碌架床各據一方,中間就只有梳化兩大張和裝在牆上的電視(原來我地那邊係Family room…),呃,如果有張小枱俾我放吓野就好啦…唔係吓吓都要放晒啲野喺梳化或床上,想寫野也有點不便…(或者人家係預你到樓下common area邊寫野邊識吓朋友呢﹗囧)

第二朝一起身就落去食個令早餐,有花生粗大過我隻牙的花生醬和其他醬可以弄多士,也有日式的茶漬飯呀味噌湯呀咁,食到飽一飽先出門口都得,有好多茶任沖唔嬲,其他的飲品如果汁咁就要俾錢了。朝早有一萬五千幾(太誇張了)人在弄早餐,好多洋人﹗﹗﹗﹗…排隊洗番啲碟…

咦,原來佢都有private single room,第時一個人出走可以翻兜~

第二個是個Hostel HARUYA,據說是將傳統町家百年老屋改裝的,實際上2012年先開業的說…話實佢躲在商店街裡…地點有啲微妙的…不過都係近車站既…

入到去…單車﹗(難離難捨想抱緊些?)點解會喺房入面呢?﹗

Reception的姐姐超級friendly,為我地解構邊度有得買乜買物咁,又幫我地抽啲大大舊的行李上二樓的客房…我竟然唔記得影那條奪命斜咁斜的樓梯﹗睇圖都睇到有幾斜啦﹗是多麼的危險啊﹗如果要抽上去我驚我一發力就跣腳跌落街的說…

房外的燈好精美,偷睇到隔離房有個N年前的電話…唔知仲打唔打到…囧。房內的風光…就是古色古香,房門很薄,成日覺得會推爛,然後隔聲很…會聽到人家的腳步聲和講野聲,於是夜晚都不好意思講野太大聲,無電視看(害我看不到《新堂本兄弟》了)…於是就努力上網啦…但呢度得一個插頭咋﹗囧﹗
商店街影番入去房內,就是…矛景睇的。呢個商店街好奇妙,遲開又早收…囧
地下是common area,有可上網的電腦,可以飲吓野食吓野,最好玩係有個こたつ,完全係小丸子屋企啲feel,坐入去即刻暖笠笠,家店full house既話都有十幾廿人,但shower room只有一間,於是等死的時候就匿落嚟打吓機食吓野幾爽的…話實…真係幾凍架…一離開咗間房…


Suppose係食完野洗番食具的地方…但因為廁所和洗手盆在室外而外面又好凍…於是我成日用呢度嚟洗面刷牙…哈哈…

第三度L'Hotel du Lac
一去到就覺得係金田一啲殺人事件既案發地方囉﹗

房間兩張床,另外再喺閣樓有一格仔,係咪好鬼似啲密室殺人事件咁,可以放條鋼索運走條屍…

咁多個住處以呢度最貴,當然provide既野花臣最多也最細心,飛甩雞毛個人護理用品(支body cream真係幾潤)之餘仲有一大部咖啡機…教我如何不去沖番幾杯﹗






除了Villa仲有Standard的酒店房,內裡是modern到不能的史大奧,餐廳就在我們的房間旁邊,去食野之前和之後周圍兜了個圈…呀,這裡suppose有dvd和單車租,但dvd太舊…umum…單車我又不會踩…囧

至於食的…另文再貼~

室外景隨手影,令到不能,只是我們太夜check in第二天一早就要走了…沒能好好看一看…
<--我跟西田敏行叔叔緣份不淺呀﹗哈哈哈﹗
最後入住的鳥丸京都酒店…原來我沒有影過房裡的樣子…哈哈﹗就是很八十年代囉…不過地點便利咁囉…唯一一樣係…佢竟然無wifi喎﹗當樓上的町家HARUYA都有的時候…

呃…我好耐無住過會俾條實兜兜鎖匙的酒店我啦﹗囧了一囧

呃文完畢,以上~

上一篇:
あの日の~京都の旅~(1)

6 則留言:

  1. 啲住宿幾靚幾得意!你去左好多地方?住左4間甘勁嘅!有無答程表睇下?

    回覆刪除
    回覆
    1. re:鈴

      呢水公司做野無咁忙可以早啲返屋企upload番啲相和寫埋個遊記﹗哈
      係呀,前後4個地方,多得同行友伴悉心安排,如果係我自己應該係勁懶,由頭到尾都係住同一個地方…我本身係好怕搬酒店要執幾廿次野的…哈

      刪除
  2. 我呢次去日本貪平, 竟然住左3間有實物鎖匙既酒店...

    回覆刪除
    回覆
    1. re:Johnny仔

      所以當大家說除了東京以外,日本很多地方都仲好鄉下是真的啦…囧

      刪除
  3. 第三間真係好似金田一啲殺人事件既案發地方! XDDDD

    回覆刪除
    回覆
    1. re:火女

      我一入到去就有呢個感覺…
      exactly係可以吊條鋼索走佬,扮密室殺人…

      刪除

要講幾句嗎?﹗XD