讓我們互相了解2--飲食篇

讓我們互相了解這個題目很hit的說…又來了﹗

1. 自問很揀飲擇食。
2. 同時很無所謂乜都食。
3. 基本上中日法意西美韓德奧都吃，除了辣吃不下。
4. 諗唔到食乜時通常選日本料理。
5. 吃壽司不加wasabi，不是扮日本人，純粹係本人不吃辣。
6. 但小時本人是一大pat辣醬加進魚蛋河的說…
7. 熱愛飲茶，特別是奶黃包，如果能流沙的更好。
8. 點心一定會點煎糕，可以蘿蔔糕、年糕、芋頭糕各一。
9. 新年一定會煎糕的說。
10. 其實各款我國傳統節日食品我也很喜歡，本死無大害食咗先算。食月餅食濟是家常便飯。
11. 煎堆算是小食還是節日食品？我很愛粥店門口扁tat tat的款式，但媽媽永遠買有餡硬爆的回來…但那是當貢品，唔係食的。
12. 熱愛掃街，雞蛋仔、碗仔翅、魚蛋、牛雜、豬大腸乜都食。
13. 熱愛麵包店新鮮出爐的蛋撻，買早餐多數選菠蘿或腸仔包，不愛鹹包。
14. 我懷疑自己係未食過雞尾包的…
15. 家母常說本人生肖和星座都是煮出來很美味的動物…所以才生得本人咁為食…eeee
16. 沒特別戒口，豬牛羊雞魚甚麼也吃…
17. touchwood沒甚麼食物敏感，但皮膚很易泛紅，這比食物敏感更討厭囉…
18. 極愛打邊爐，甚麼丸也吃一餐的。
19. 不是飯桶，整天沒飯落肚也可以的。
20. 但一定要食早餐，要不會手軟腳軟。
21. 現在每朝都飲一杯豆漿，很健康的感覺~哈。
22. 帶飯最怕餸汁和飯融為一體，即係呢，本人很怕軟飯的…
23. 同一道理，飲茶時沾了水蒸氣的包也很可怕…
24. 本人可是豆腐怪，上菜館一定request豆腐菜式，雖然通常被ban收場(沒特色呀…)
25. 眼瞓起上來可以整天不吃只睡…病時亦一樣，無胃口到威化餅也吃不下。
26. 放假很想早起吃老m早餐，但總是失敗。
27. 一起身通常都tea time，於是我熟知家附近各快餐店餐牌。
28. 食tea是人生一個很重要的樂趣。
29. 有時五點幾吃了下午茶，晚飯都唔使食。
30. 整包薯片做晚宵就可以。
31. 啊，威化餅是本人飛佛啊，古古力味丫唔該。
32. 另外麥媽媽消化餅，牛奶古古力味也很正~
33. 說來奇怪自本人戒奶後聞到奶味就想嘔，從此滴奶不沾。
34. 所以本人不愛攪bb，bb身上的奶粉味…唔得…
35. 媽媽威逼利誘都不成，卒之轉飲古古力奶囉。
36. 平常很順得人(自覺)的本人到飲食時是非常固執的…
37. Pasta最愛寬條麵，我和加菲有同一嗜好的。
38. 飛佛是白汁、吞拿魚、芝士焗成一pat的意粉。
39. 最近迷上brie，加塊咸餅夾住一齊食口感尤佳。
40. 雖然覺得唔抵，但仍是很愛自助餐。
41. 不愛和人逼生蠔。我愛貢巴馬火腿、芝士和甜品。
42. 因此常被長輩說帶我食野食蝕。
43. 但我覺得我食得開心就得，關你乜事。
44. 小時去飲不喜食翅，又被長輩說我蠢(童年陰影呀…)
45. 放心，現在我不會這麼天真和傻了，我已愛上了這個食物。雖然，街邊的款式好像更有風味…
46. 深信辛苦搵呢志在食，寧可天下人負我，不可我負天下胃，最愛比藉口自己去食餐好的。
47. 熱愛嘆cake嘆咖啡，那怕只是hea
48. 誓死不吃生菜、椰菜、西芹等可以一塊塊撕下來的菜。
49. 雖然偶然吃過覺得味道其實不錯。
50. 誓死不吃「綠色吊味食物」(詳見這裡)。
51. 但我愛吃蔥油餅。
52. 明知失禮人還是會使出已達極致的揀蔥(或其他可吃食物)神功，除非是正式食事或第一次見面…
53. 極愛蒜蓉，特別是金銀蒜蒸魚，極正。
54. 叫菜時可選餸汁一定選蒜汁，打邊爐店家可加蒜蓉一定加分。
55. 很愛飲湯，不論中西濃稀…
56. 多數不愛吃湯渣，特別是煲爛晒的蔬菜…溶溶爛爛的口感很怪異。
57. 西湯特別愛白湯，不愛紅湯酸味味，傷胃。
58. 廚藝差劣，強項是將食物洗乾淨然後一鑊熟。
59. 中學cookery class經典是瑞士卷掉轉蛋糕皮卷，和炒菜兜咗落爐底…本人還是揸針好了…
60. 可幸低處未算低，家中美男子居然拎玻璃碟落鑊蒸…真係易來易「碎」…
61. 曾經通曉燉蛋秘訣，但現在已忘了…
62. 與其食杯麵會寧願煮即食麵…煎隻蛋加條腸仔丫唔該。
63. 金寶湯加青口是很美味的。
64. 美食敢死隊，食咗先算。最愛周圍搵隱世美食。
65. 工作關係愛上研究美食和美酒配，不過還是很粗淺。
66. 熱愛甜食，食到幾飽還是有閒情去食甜品。
67. 所謂「耳聽三分假，眼看未為真」，會參考開飯食評，但不會信足。
68. 因為本人不會眼闊肚窄，七分飽就停口。這是很浪費的行為，小朋友千萬不要學。
69. 不懂弄甜品，在家一是吃雪糕或是弄湯圓。
70. 食Cake沒特別喜好，睇吓店家邊舊整得靚囉…
71. 雖說愛甜，太甜還是頂唔住…所以…最好唔好食黑森林啦…
72. 以前會隨身帶香口膠，很不良學生的感覺。近年戒了。
73. 但戒不掉可樂，應該是上癮了…
74. 只飲classic coke，唔喜歡新出的甚麼zero、雲利拿，古靈精怪的。
75. 試過邊嚼香口膠邊講野於是吞了落肚…原來係唔會死人的。
76. 如果你既小朋友鐘意食糖，而你又愛你既小朋友，你就要俾佢食「二佬」﹗(唔該我要橙味，我唔鐘意檸檬味的說…)
77. 小時唔知大白兔糖的糖紙可以食，一定死命撕掉…
78. 曾經以為爆炸糖真會炸爛口腔…
79. 冬天例要整盒melty kiss，雖然我見佢每年加價很不爽…
80. 不愛泰國，只愛她的椰子糖和芒果乾。(各大大去開記住醒包過我喎﹗嘻嘻)
81. 最近愛上各式綠茶糖果。
82. 也很愛福餅…其實我是很愛吃燸米團的，無論佢以中/港/日式形態出現。
83. 不介意吃junk food，為何好味的東東總是無益呢？
84. 不爽老m總是偷雞加價…寧願吃雞記的說。
85. 我的強項是用紙巾包著食雞…食完唔洗用濕紙巾洗手的。
86. 因為我不喜出街要用手食野，走在街上自己隻手也相當污漕…無論點洗都好…
87. 所以我懶食蝦蝦蟹蟹…
88. 這也是一個陰影，小時候試過被蟹殼「慘」到牙肉，流血流到bla bla聲…自此不會用口咬蟹殼，會先用手將蟹肢解…
89. 於是我最愛吃軟殼蟹…你明點解啦﹗哈哈
90. 出街就索性少吃，食得咁煩不如唔好食…
91. 有閒情會搭幾個港鐵站食Mos Burger。
92. 其實我不特別喜歡burger，但很有興趣試各式burger店…
93. 家中長輩說食不言，但我總是bla bla bla的…雖然我知成口食物開口講野很沒禮貌…
94. 家中長輩又說食飯時不要睇電視或書，但我最愛做呢兩件事…
95. 飯後果至愛食蕉，因為乾手淨腳。(都係懶…)
96. 食橙最憎用切，因為食時會橙汁四濺…最好都是搣開一"cai cai"啦(係咪好柯過呢？﹗呵呵)
97. 同一道理飯後果不prefer蘋果。
98. 雖然果汁我愛喝蘋果汁。
99. 係咪好煩呢我？﹗哈哈…
100. 係呀﹗呵呵…

想到再加囉…