就說因為最近喺隧大返學，於是就不時出沒尖東，搵飯食既野真係同學海一樣無涯，但天口慶唔想周圍行，於是經常圍繞隧大天橋付近的新文華中心…估你唔到之…我係喺嗰度試了一件紅隧．真三文治，touchwood，無事。
由於小的真係太好奇呢舊野究竟有幾好食，行過見到廿蚊都好猶豫，經過幾日的腦交戰之後決定試一試，然後…嘩﹗薄過塊紙的蛋皮和火腿，然後極多美乃滋…好輕巧…然後味…就是腿蛋治的味囉…咁食完…就係食完。完。…完囉…就係完。
其實食意粉既話我通常都去大利法蘭西，但見呢家店個姐姐笑容滿臉咁又試吓，係個香草勁咗少少啫…都ok既，六十幾蚊一碟粉加杯野飲…都ok啦…
呢家店呢坐低望住張點菜用紙噢咗咀，唔知點填，個麵本身十幾蚊，then我咪一如以往地剔其他餸啦，但見一味都成十幾廿蚊…就問吓阿姐呢啲係加落碗麵度定係散叫的小吃…阿姐好有型地話睇你叫咩架喎，有啲落咗湯唔好味我地會分開放架…貢…即係大份定細份呀？我點知我食唔食得晒啫…唉…「裝」隔離一份餸都唔算太大份…貪心就試三款，味道都很不錯的。但最老土的是…我叫了可樂…發現跟麵係有杯野飲送…其他客阿姐有問佢要唔要跟送的飲品…我就無囉…係咁就唔叫可樂啦…
咁佢個豬軟骨同墨魚餅係做得相當好吃的，只係咁樣三餸加埋杯野飲就六十幾七十蚊…車仔麵嚟講都幾貴…同埋呢…我想貪心食多啲但叫埋三餸我又食唔晒…囧
沒有留言:
張貼留言
要講幾句嗎？﹗XD