小吃地雷和非地雷2

我發現，這是北角篇﹗哈哈﹗應該叫《開開心心食在北角》才對﹗

日本小食工房的 魚餅燒，白色這個魚餅燒係琴日心血來潮吃的，和平時黃色那種感覺完全不一樣﹗咬落去係脆既，跟住入面就有點像日式年糕咁煙煙unun，內裡係店家哥哥推介 既紅豆(因為我本來想點古古力的說…佢話傳統紅豆既combination最好喎…)，加埋係即叫即做，感覺好良好﹗

(9/11/11後按：好可惜，呢家有心小店已經執咗啦﹗嗚呀﹗)

此魚不同彼魚也﹗黃色這種(即係平時食開銅鑼燒那種啦…)係整定的…所以也整定無咁熱，整定無咁好食。這舊係間店初初開時幫襯，唔知係咪剛開張店家 未熟架步…居然叮熱俾我食﹗十個O咀﹗於是隔了一大水先再幫襯上面個白色魚餅燒。老實說句，黃色這個一貫咁既味囉，白色那個好食好多﹗(店家話全港得佢有 囉…)

其他小吃未試過…有機會試吓呀吓﹗

 

 又係13座牛雜﹗哈哈。太美味了…

行過果汁仔仔本來係想買果汁，不過就俾左邊既傳統家鄉糕點吸引咗，下面個桂花糕桂味不太香，都OK既，中間舊芋頭糕好得﹗粒粒芋頭肉的說﹗(provided that我是相當喜歡吃芋頭…)，底那舊椰汁糕就都係椰汁糕應該有既味咁囉~

隔離支桂花茶不錯，清香怡人，但好細支…咁就7蚊啦﹗點解咁貴既﹗﹗﹗

溫書好去處…不外乎pcc或*$，而兩家我prefer去pcc多啲…可以儲分嘛…哈﹗

另一重點係圖中既麵包布甸…係爭啲cream倒喺面，就perfect的了。前陣子食7仔個叮叮版食上癮，pcc這個多好多料，焗番熱時好香~

溫書良伴也﹗

舊文：小吃地雷和非地雷
*******************************************************
同場加映：
 
 點解史姐和K姐個名掉轉咗既？