2014/02/04

盆栽tiramisu

記得有一集《愛回家》講到呢個盆栽甜品,雖然覺得幾得意但都無特別留意咁。直到前幾天友人在fb貼了話美x西餅有喎,個樣仲好似幾得意,於是小的又好奇心發作走去試了一試…

呢款gei野原來是tiramisu,盛惠22蚊的說。



近鏡,望清楚啲朵花原來唔食得的說﹗囧…是假的疑似發泡膠野…好囧。跟住那些疑似泥的古古力粒粒…因為我唔小心撞了盆野一吓…跌到成枱都係…抹極都仲有,又是一個很囧。








至於tiramisu本身呢,雖然小的很喜歡這個甜品,不過在餅店買的就不要太深究了。只能說,見到朵花唔食得,心頭一沉;啲疑似古古力泥無乜味,心頭二沉;啲cream好酸,心頭三沉;底的蛋糕勁實(我已經唔要求有酒味架啦﹗),心頭四沉。

沉到落海底,我只能說,我真係唔鐘意美x的出品,或者我都係唔好再挑戰了。囧﹗




********************************************************

聽聞呢個野係美x抄人的,咁我就繼續好奇地上網search啦,就俾我search到台灣的甘本堂蛋糕烘焙坊,佢既盆栽tiramisu有好幾個size,棵草整得好認真﹗有一隻放粒士多啤梨就無咁似啦﹗any肥,啲古古力泥認真好多囉…

有機會去台灣的話要去挑挑先﹗~~~

8 則留言:

  1. 印象中香港都好似有隻甜品是盆栽外型, 不過已忘了是那處的出品.
    不過美x抄人都不是第一次, 之前彩虹蛋糕都試過, 味就很淡. 不太吸引.

    回覆刪除
    回覆
    1. RE:Saman Man

      我個人麻麻地美x的出品,而佢係散水餅之選,印象更麻麻…哈哈
      那個彩虹蛋糕我有吃過…um,就是化學味的彩虹色…除了個樣幾靚之外就是無特別囉…

      刪除
  2. 你真快手! XDD 美X出品...其實都可以預佢係囧的了!

    回覆刪除
    回覆
    1. re:火女

      唔快啦…其實係見到你fb張相我先知有呢個product從而去買嚟試的﹗哈

      刪除
  3. 美X出品愈來愈難吃,麵包如空氣,近年已被本人列入拒絕往來戶。糙米芝士包仍在的話乃唯一推薦。

    回覆刪除
    回覆
    1. re: Maple

      我幾廿年無試喺呢啲連鎖店度買麵包,次次都係買卷蛋和西餅,美x更係少之有少,次次有餅卡我都係一野塞俾阿娘…哈哈﹗今次係見個兜tiramisu幾得意咪想試吓…

      刪除
  4. 我係元朗某甜品店都食過,個時《愛回家》都未做個集呢!
    都OK的~
    之後去台灣旅行都見到,不過佢地係雪糕唔係TIRAMISU,但個日凍到癮冇食到~><

    (我都唔中意美X出名,有得揀唔會幫襯。)

    回覆刪除
    回覆
    1. re:Eli

      如果去開台灣我都想試吓,看樣子tiramisu啲cream和蛋糕層都做得比較精緻…
      其實我最憎係收到美x餅卡,我會寧願唔收…哈哈哈﹗

      刪除

要講幾句嗎?﹗XD