2014/09/19

福岡快閃~1~一街都係官兵衛

當我睇《虎與龍》都可以睇到勁想去淺草,咁睇《軍師官兵衛》睇到想去福岡都唔出奇丫…哈哈


很好彩地福岡市博物館官兵衛的展覽喺我到埗後兩天才完,趕得切去睇﹗囧﹗﹗﹗﹗

我呢啲一心入去睇偶像既去啲咁正經既展覽…係有意外收獲,首先門口擺了某准著過的戲服,睇完真身官兵衛用過的東東可以望吓2014版的了…另外,長政松坂桃李係展覽的開幕嘉賓,佢喺長政當上福岡藩主個展櫃隔離簽了名…可惜展館內影唔到相…哭…

也因為我9月去的時候(呀係,我係9月中去的)((就說這是後補的遊記囉))劇情講到官兵衛被封福岡,咁福岡周劇都係佢既野都好合情合理丫﹗(無視長政mode)

雖然圖中的展覽完咗,但仲有黑田家related的東東開催,鬼咩,套劇播到12月架嘛﹗





本身我個人一啲都唔artistic,係唔會去美術館的,但去開睇福岡城遺址,行開大濠公園,又唔覺意發現有個黑田家美術既展覽…跟住又唔覺意有劇集相關的相展…入去睇…車…就係得幾張某准的圖…囧…any肥,總之我都係唔artistic…哈哈哈

新poster(雖然沒甚麼美感…)…攝於福岡的NHK分號。話說呢事前無做到睇電視的功課,唔知原來東京的電視台有啲節目會分咗去福岡本地電視台度做,好傻仔地擔心會睇唔到NHK…諗諗吓…唔係喎…NHK不是全國的嗎?好在我星期日睇到啫(喺酒店睇電視真的很重要﹗)…


<--唔知跟官兵衛有無關係的太宰府都有poster…which我覺得幾個version的poster呢張最型~











福岡城…就是一片空地…反而善助等人住過的屋仲喺度…大囧﹗行到身水身汗…


好啦,之前啲博物館、美術館就話講到明有官兵衛展覽啫,去唔關事的門司港既九州鐵路博物館都唔覺意見到有官兵衛號…囧

官兵衛號搭唔到,每天係喪搭巴士啫(很適合我),then唔覺意見到有官兵衛tour(很可怕﹗)…然後又見到安室才在福岡開了演唱會喎…

我的偶像sensor果然係不停開動,唔覺意行過博多座又去睇吓首先又見到官兵衛既啦,跟住發現光王的《Endless Shock》10月做呀~~~~~我好想留埋睇完先走呀~~~(啲飛應該清得七七八八的吧﹗)

<--某准新作,10月4日上(嗚,看不到了)…去的時候已經周街都係promotion了,去書店買小說之餘仲有詳盡小冊子拎耶﹗










時裝准終於出現…但係我買咗2015的記事簿啦…囧

三大可愛後輩之一某斗出場…跟某准一齊賣廣告叫人飲酒…不過我唔飲架喎


三大可愛後輩後新加的第四號可愛後輩桃李弟弟賣的docomo我反而有用到喎﹗哈哈

最後(真係最後了),天神街上的宣傳都係官兵衛,死未﹗

沒有留言:

張貼留言

要講幾句嗎?﹗XD