Life as a 2 hit 6

[日劇]日韓《美男ですね》比比比﹗

2012-02-02T22:19:00.001+08:00

掃雷小組又出動了。是咁的，當年《魔王》小的做了個好無聊的exercise就係睇完一個版再睇埋另一版比一餐，咁睇完韓版《美男》囉，聽聞日版相當雷…不好…興趣被挑起了…看了幾集…真係雷到無朋友…(但我又繼續睇緊喎﹗)

其實小的只係先入為主個多星期，但都被深深雷倒了，咁09年已中招喪煲完韓版的…上年睇呢個日版會唔會雷到不能回復過來呢？

(死啦…咁唔客氣會唔會俾人打架？咁如果閣下係Kis-My-Ft2 / Hey! Say! JUMP 就close咗唔好睇啦…)

瀧本美織/朴信惠：女角是相對比較無咁雷…um，以樣論樣朴啲傻氣和鈍比較突出(笑)(咦…抓了張唔係正面的相添…)，所以佢俾黃泰京虐待時特別好笑…。日版角色設計在智商上好似正常啲？(又笑)…不過可能日版係夏季劇，啲衣衫好單薄…見到腰呀手呀腳都咁幼…無理由睇唔出佢係女仔囉…同埋就算扮男仔時啲化妝都係好女仔囉…um…重點是…指甲無剪﹗一睇就知係女仔手啦﹗

八乙女光/李弘基：我繼續覺得勇氣(啲名又唔同韓版…真係煩…)作用係《花樣少男少女》入面的中津同學，但中津同學看得我哈哈大笑，到佢失戀時我又跟住佢一齊傷心喎﹗但呢度呢…勇氣哥…明明阿茂都睇得出美男係女的時候佢仲嚟同性疑雲…有啲煩…定係應該怪斗真同學當年演得太出色呢？

雖然可愛度不及韓版，不過整體都仲可以接受既…

藤ヶ谷太輔/鄭容和：嘩﹗跟阿男主角玉森裕太同是Kis-My-Ft2的成員﹗巧京京…佢地當年有份喺《青春AMIGO》個MV度伴舞耶﹗﹗更京京的是佢竟然係同我同月同日生日的﹗咁我係咪要俾番少少面佢呢？UM…我覺得佢同鄭容和大家在鬥木口木面…咁呢個係溫柔天使角色嘛，佢睇住美男一步步走向廉/泰京身邊，自己只能暗暗傷心…是有丁屎咁多多內心戲的…

UM，雖然是木口木面咗啲…不過都未重災得晒既…起碼無令我想FF的意欲…(這算是成功了嗎？)…但唔知係咪日版節奏太快，總讓我覺得幾個人的感情進展的莫名奇妙的快…完全無感動位…看韓版還會為新禹哥而傷心的嘛…

玉森裕太/張根碩：最後…真係雷過雷沙湯丸﹗(好爛添﹗)…唔好講中唔中招啦…(抓圖時見到碩哥呢張相電力好高…﹗哈哈)…雖然韓版的眼線郁得人京…但日版竟然出另一樣我最京京的…幼眉郁…囧﹗anyway…呃…我想話…乜J家而家無靚仔嗎？官方圖都仲好啲，睇劇時，那個黑面很欠打…而做番韓版泰京的miu咀陰笑樣時…是．繼．續．欠．揍…真係…呃…客觀(雖然我已不能自己了…)而言…美男度真係高下立見喎﹗

原來裕太didi(咦…佢跟某博友同日生日喎﹗)係J家組合Kis-My-Ft2的成員…呃…真係對唔住…(開始控制唔到自己…)…我嘗試開昔番個J家迷mode…um…但真係…係自森田剛之後另一位我不能認同佢係一個靚仔的J家人囉…

*********************************************************************

um，高呼完一輪好樣衰之後冷靜下來…(係…4位日版主角是以雷度由低至高排序的…)

um，我試著唔將日版拎嚟同韓版比，但比之於《花樣少男少女》呀《流星花園》呀(台灣化咗…但我係講緊日劇版…哈)《交響情人夢》呀咁…又嫌佢節奏快之餘(這可能是比起韓版唯一的優點)笑/感動位不足。咁睇呢啲青春劇，唔係睇令人就係睇故仔架啦(說好的美男呢？)…

其實套劇我唔明佢想定甚麼位，熱血嗎？溫情嗎？愛情嗎？韓版最精彩的笑位(如前段的執電話追貨車變咗爬上樓，成一樓咁高跳落去又竟然唔死得…傻的嗎？又如迷失雪糕店連還迷路)竟然cut咗，然後suppose係交代男一和女角(好煩…唔想再打啲人名啦…)的transit位(如掉戒指落水執呀咁)又變得蜻蜓點水，說實在，睇日版女角錄歌時完全feel唔到so called"感情爆發"囉…

其實…我睇到第四集先輕輕笑了一聲…(但轉過頭已經唔記得為邊段而笑了…)

而當我以為三位日版主角都係十來歲時…咦，原來都over 20歲啦喎…um…但佢地unun瘦瘦咁(這個倒是很J家…好似十年無飯食過咁營養不良…)…似跳舞GROUP多過玩樂器囉…(同埋…說好的星味呢？完全感受唔到喎﹗)

um…同埋我想問點解日版美男姑姑會仲靚過日版男一個阿媽？那位媽媽個樣有啲老和殘喎﹗(不過呢位姑姑和國民妖精…日版係無咁面目可憎的…)

um…我試著去諗會唔會有好啲既人選…但諗諗吓，呢套野喺日本紅得咁交關，就好似翻拍《神鵰》咁，先入為主呀﹗成咗名既男星先唔會令自己名氣去搏，咁捧新人囉唯有，其實《花樣少男少女》、《花樣男子》(好啦，唔寫《流星花園》)都無拍得咁肉酸而且都捧紅到劇中主/配角架喎…點解呢次會拍得咁肉酸既呢…(但據說阿女主角是紅咗的…喎？)

睇番維基，竟然碩哥登場(﹗)的一集收視無特別爆升…是因為觀眾已經睇到爆血管了嗎？(咁我繼續睇又係咪自虐？其實我想知有無人冒死挑戰上年翻拍的《花樣少男少女》…)

日版官網

*********************************************************************

粉絲之顯露，某哥，算你狠…

[港劇]深夜熱播《獵鷹》

2012-02-01T07:10:00.000+08:00

話說而家在吾等同事中最熱話的劇集…係呢套﹗好爆﹗

明明重播緊《學警》series，無啦啦插上劉華大帝的《獵鷹》，有理由相信係趁《桃姐》熱啦﹗唔知有記播咗《法內/中/外情》字呢﹗
又說，突然間同事們都來年齡之顯露，個個都在講細個時睇完第二日返學點點點點講講講咁…嘩哈哈哈﹗我搭不上咀﹗我年輕了﹗嘩哈哈哈哈…

如果我無記錯，我應該係95/6年時在深夜重播時份睇過，那一期夜晚播的劇卡士都好強大，包括本人睇到如癡如醉的《人在邊緣》，而家睇唔番咁古惑仔既黎天王和柴九哥架啦﹗…於是小的晚晚有覺唔瞓有書唔溫走去煲劇(所以成績…唔…)…但我有無成套《獵鷹》睇晒呢…我都唔記得啦…前段同陳敏兒拍拖的劇情是有印象咁囉…

話說二千年初無記出番經典舊劇vcd時呢套係有的，不過唔知點解我又無買，只買了和陳玉蓮合演的《神鵰》(呢套係本人萬年至愛嘛﹗)同一大堆三哥跟翁美玲的舊戲，原來我都唔係睇番好多劉uncle的電視劇…

嘩﹗雷洛跟顏同呀﹗(係…也就是說…我看劉uncle的電影是比較多的﹗)((好似無見過咁好肉地的劉uncle))

劇情我只大概記得是好仔經過嚴格的訓練後成為差人，好出色那種，有個好女友和孝順媽媽(又總是單親的…)…因為佢太出色而被看中去做臥底，過程中忍辱負重，要受友人、母親和女友誤會…但又因為佢太出色，又得到大佬的看重慢慢得成大業…最後梗係一天光晒架啦…

um，我想講啲劇情跟十幾年後(96年)喜爺套《緝私群英》係一樣架﹗不過呢啲亦正亦邪既角色小的極buy…但究竟當年點解會無煲落去既呢…(其實晚晚睇到咁夜都幾辛苦…加之於仲有其他劇想煲架嘛…)

重播之後我只係出廳時lap咗少少…友人說當中串星云云中竟然有梁朝偉﹗嘩﹗《無間道》﹗不過晚晚追好辛苦啊…係咪應該去買番餅vcd嚟煲算呢…(陳敏兒好像除了頗難受的《愛生事家庭》，都沒怎樣見佢拍劇…印象中佢都係做主持架嘛﹗)

據偉大的維基說，播完《獵鷹》會播番《學警狙擊》，唔知到時會唔會掀起番laughing哥熱潮呢？

****************************************************

um，嚴格來說認真地成部睇番的就只有《神鵰》和《皇上保重》，《鹿鼎記》沒看過，又說因為小的先看95古版《神鵰》(仲要係著咗魔那種)，睇番83版竟然完全看不上眼(我諗我係異數吧？同事又講咗輪當年煲劉版《神鵰》點著迷法…um)…

(會唔會比人打？)唔知呢，我唔鐘意劉版加進去的情節((其實我好似唔止第一次講…))，如楊過扮王重陽整古全真教道士、Albert Au跟張德蘭客串扮師生戀人、唔知點解黃蓉要連走幾場先生郭襄呀咁，我只看到很多足囉喺條蛇度…完全扭曲咗楊過既性格…我唔知佢會咁做囉﹗um…同埋點解黃蓉會叫咗楊過做「阿過」架？其實我覺得歐陽佩珊的黃蓉聰慧之餘有點孤高和冷漠，雖然話佢由始至終都有點忌住忌住楊過，不過都無理由對住郭芙都好似唔多親近咁架…反倒是廖安麗的郭芙真係極乞人憎(即是說佢演得成功…95版的傳明憲太可愛了…)…仲有小的萬年熱愛童星馮志豐﹗哈哈哈…

同是先看9字頭版再看8字頭版，唔知點解小的係極熱愛翁美玲+黃日華的《射鵰》，但就受唔住陳玉蓮+劉德華的《神鵰》…點解呢？呀﹗我知啦﹗因為《射鵰》有三哥楊康呀﹗(笑)

《天與地》不死…之鈴聲

2012-01-31T13:25:00.000+08:00

雖然新劇《4 in love》開播了，但吾等還是迷醉在《天與地》的世界…哈哈…是咁的，某天跟同事聊公事中…

突然有人電話響…

然後有兩個人勁好唱口係咁跟住唱，令到該位本來要聽電話的人即刻滴汗，唔知聽唔聽好…

哈哈哈哈哈哈哈…

好無聊添…嘩哈哈。

*********************************************

繼續無聊的分隔線…

(轉自微博)

據說呢個咁爆既effect係ios既咩野action movie app…(而有人親身示範喎﹗)…我笑咗成朝…哈哈哈…但我換咗機無得玩呀﹗嗚…

[日食雜談]湖舟、伊呂波、峰壽司

2012-01-30T07:02:00.000+08:00

飯局首領為呢個飲飲食食series起了個名叫「丼局者迷」…哈哈哈哈哈…

um，讓我貼貼相呃文吧﹗

湖舟第一次去，本來想試三色丼，不過見上圖的set有烏冬(um，最近喜歡烏冬多於拉麵…um，初三想去食札幌時佢未開市﹗btw)又有個豐富吓的迷你刺身飯，看圖，一點也不迷你耶﹗魚生片密舖平面了﹗um，反倒想講吓個玉子，吃下去很軟很綿活像吃蛋糕感，很有趣的說﹗

吃完刺身飯，剩下的烏冬只能勉強吃一點(除了烏冬仲可以選冷麵((詳見飯友的這篇))，個溏心蛋((疑似))好似好開心呢﹗))…嗚…或許下次叫三色丼都夠飽/滿足了﹗

另，放筷子的紙套很精美﹗

與湖舟位於同一座樓的伊呂波，剛啱前陣子跟同事吃過一轉，午餐時點了燒肉定食(牛和雞)，燒完一輪肉質仍然嫩滑，相當不賴(不過我開心得濟無影相)，定食仲有個魚生飯，竟然有拖羅的﹗哈哈哈。再有個甜品，百鬆啲，很不賴喎﹗

峰壽司是這一水小的很喜歡上完日文堂後就去食個快lunch，至愛佢啲三色選，都係本人的熱愛又唔使吓吓食兩舊，叫兩碟就有6款吃，一人自閉快餐上佳之選﹗另左上個那個甚麼聚寶船是新年限定產物…貪意頭啫…小的喜歡右上角那個三文魚和元貝的甚麼卷，雖然油咗啲…囧

但係呢，上星期六去食一轉時驚見佢貼了張notice出嚟話因為租金問題老銅的兩家店會結業了…嗚…第時要食就要過海啦﹗

*****************************************************
同場加映：

係咪之前唔識所以唔aware，睇完《美男》知道有隊野叫CNBLUE之後就驚覺(係驚覺﹗)周街都見到佢地呢？(當我從博友文驚覺原來佢地月頭在港開SHOW之後，呢兩個星期不停發現有佢地樣的巴士廣告囉﹗)

UM，日韓藝能雜誌小的N年前追開JPOINT之後都好少見到有，咁又見呢本CHEER有CNBLUE，貪得意買吓…UM…啲印刷好似唔多夠色，而排版方面又有點太空LEILEI，相片質素又太似翻印，最爆係佢CAP《家政婦三田》的PRINT SCREEN嚟印書喎﹗(其實係侵犯電視台版權的吧？)…

UM…是可以更好的吧？

[韓影一條龍]~上：《梨泰院殺人事件》、《寶貝與我》、《寵物情人》…

2012-01-29T22:35:00.000+08:00

一條龍煲劇唔爭在煲埋啲戲啦…(我仲深深地沉淪緊﹗哈哈哈)

小的又是從最新的《寵物情人》開始睇番去啲舊啲既片，um…舊片啲戲路好似仲多變喎…

《梨泰院殺人事件》 (推銀度：0﹗)

((好耐無出現的term…哈))

看劇情介紹說是真人真事改編，在當時(97年)很轟動的吧(我諗起香港啲雨夜屠夫呀人肉叉燒包呀咁)。um，這部調子很重的，大學生被殺了，兩個疑犯你推我我推你，兩個就係唔承認自己係兇手。審完一次又一次之後好似有啲眉目係其中一個時…被判了的一個又走去上訴，卒之二人都無罪脫到身。

成個過程就係檢察官叔叔辛苦地走來走去拉證據(而啲警察又做過乜呢？)，但荒謬的是搜證只是做了一陣，快餐店竟然就清洗了兇案現場繼續營業，好似無事發生過咁，又因兩個疑犯都同美國有關係，檢察官又要就住就住，成個審訊過程都勞心勞力卻不得其法。睇見兩個疑犯Pearson(張根碩)和AJ(申聖煥)一副事不關己的表情就想打爆佢地個頭，而佢地個出發點竟然係為了好玩…喎﹗…咁一路睇梗係一路想知邊個係兇手，荒謬是被害者家人只想有個人入罪而唔在乎邊個係兇手，而那個有17年經驗FBI(？)指出Pearson手背紋身可能同幫會有關的證供不被正視，二人友人轉口供一切一切讓檢察官離真相更遠…好悲情。…碩哥最後那個奸笑和快餐店索性封咗個洗手間真係將個大學生枉死的悲情提升到最高level呢…(仲有啲配樂和effect…睇完真係心有戚戚然的…)

(另…97年就算未全盤電腦化…審訊時都唔係吓吓拎住成疊字典咁碟的a4紙揭嚟揭去吧？大佬辭海咁碟點揭呀？仲有個法庭無冷氣又要著西裝？咪玩啦﹗)

原來演檢察官那位鄭鎮榮叔叔有做《王的男人》(不過我已唔記得啲細節…係咪要得閒拎吓出嚟重溫？)，而佢同碩哥仲有另一套《快樂的人生》(睇緊﹗哈哈哈)…um，想講呢套入面呢碩哥雖然係要講英文(只有尾段先講了兩句韓文)，但佢一副毫不在乎的表情邪樣還是很到位…雖然個紮辮子的頭望落有啲馮德倫feel…

(從小的癲到將微博呀啲info相都轉做呢套戲的poster睇得出小的有幾著迷呢套片呢…)

******************************************************************************************

《寶貝與我》(推銀度：0﹗)

(嘩﹗天使笑容﹗)呢套真係堅好笑，睇到我笑出聲俾屋企人問我做乜…哈哈…

故仔好大路的欲拒(一個完全唔似會有bb的人某日被塞一個bb仲被逼要照顧佢咁)還迎(過程中一定係烏龍百出而超好笑，慢慢從討厭產生感情)，最後建立咗感情後又發現原來個bb唔關自己事…被逼分開了…oh﹗但marketing golden rule如是說：小朋友和動物是必殺的﹗只要唔好太天馬行空通常都work架啦…又說個bb仔又真係超得意，個男主角又超令仔(﹗)…咁啲劇情又超好笑…真係輕輕鬆鬆個半鐘架﹗

search一search原來有好多款poster…呢個法令紋之顯露poster影得兩父子一樣令仔﹗哈…(咦，個bb之後仲有無拍戲呢？)

(狂貼…下面兩張騎單車攪到我一路以為呢套係江湖片…)

記得之前古黑子和成虫大哥有套《寶貝計劃》(我沒看)…都係呢啲點子吧？話實碩哥演呢位高中生真係幾好笑，因為個bb唔肯飲奶粉而要搵母乳，跟住佢去搵番邊個係bb阿媽時竟然被8(﹗)個女友摑佢(我笑到傻咗…)…嘩﹗又打交又煙又酒又多女友…唔怪得老師成日鬧佢又成日要見家長了…不過慢慢佢立定心腸要養個仔時，搵極工都無人肯請佢，最後的少少錢買了包古古力奶用手指尾喂俾bb飲時好有愛啊﹗(但佢以為上的士點知係警車時我又笑到傻了…)((唔買煙買多罐奶粉又係好有愛啊﹗))而個韓國攪笑藝人啲旁白又好攪笑吓的…當然…阿bb鬼咁精靈眼仔look look咁又係好殺…

超齡高中生呀﹗﹗(繼上山落水都唔甩的眼線之後，今次係返工返學打交瞓覺都gel行的頭髮…)哈哈哈…除了兩父子，啲配角都好睇，有因為個仔成日被學校見家長而離家出走的父母(爸爸叫俊秀做咗阿爸唔好喊時好有愛啊﹗)，老師開頭打韓俊秀(張根碩)打到棒球棍都斷時勁兇狠，但在俊秀父母走咗去時兩次都係佢去差館搵俊秀，又係好有愛啊﹗(但點解佢成日俾人以為係俊秀阿媽時唔講清楚自己係老師呢？)反而係個女主角(？)金星有啲呆…有少少煩…

對住個仔飲悶酒…哈哈…(佢想掉個仔去垃圾站被人發現而扮執煎PAN，同埋在車站LOCKER被職員叫停唔可以放BB都超好笑…)((而佢去警局拎番個BB時同向女職員話阿媽生完BB死咗無母乳求地址時扮晒喊個樣又超爆笑喎﹗))(((寫劇集花癡文都無貼咁多相…話時話…)))

結局好在係happy ending啫…噢耶﹗(片入面同俊秀一齊想pat bb去孤兒院個叔叔係咪《梨泰院》入面AJ個律師？)

******************************************************************************************

《寵物情人》 (推銀度：100/5﹗)

呢個曲髮係就番寵物既角色架？我想話碩哥前陣子去日本連環宣傳，是但一個髮型都好睇過片入面那個囉…而兩張poster都很有甜片feel…

um，呢套片人靚景靚配樂靚就係故仔唔靚，說寵物情人甚麼的不如說姐姐養男寵(很變態的感覺…)…就是說因為要靚於是鏡頭運用都不在講故仔方面，本來就是主人和寵物，但當主人交了男友時寵物又無啦啦妒忌起上來要爭一餐(寵物和男友打wii那段是好笑的…話時話)…點呀？可唔可以加番少少情節交代吓呢…

或者小的一開始對主人寵物呢個setting不太信服(硬覺得很變態呢…)((又說小的沒看過日劇版…))，故仔又講到一截截咁，看著碩哥不停賣萌金荷娜不停短裙賣令腿時就…um…很吃不消…活像睇緊本識郁的寫真集…囧﹗(所以說戲路好像被局限了…很懷念《貝多芬》的建宇啊﹗雖然小的中毒才不過一個月啦吓…)

見網上風評都麻麻地，說碩哥太高大不及松本潤，好奇之下看了一集…um…但呢套劇集合了兩位小的不太click的演員…還是看不下去…哈哈哈…

另…最尾一場歌舞做乜呀？巧難受耶…

*****************************************************************************
花癡報告完畢…以上。

送兔迎龍~恭喜恭喜~

2012-01-23T23:16:00.000+08:00

(對不起，我還是很環保地跟上年一樣拎番前年幅圖出嚟用…哈哈)

雖然還有還有45分鐘年初一就過去了，不過恭喜不嫌遲，祝看倌們心想事成，龍年事事順利~

其實仲有前前年的，前前前年的就要睇番鮮奶那邊了…(就是說仲未搬埋過嚟囉~)

2012第一篇講過新一年展望，就不重覆轉講吓其他吧…

上年10月尾正式轉過嚟blogger(是由呢篇文：一把年紀學琴記(七)~租琴(房)記開始)，那時才將整個2011年的文搬過嚟，跟住呢幾個月就keep住一日搬幾篇咁，搬吓搬吓搬到2008年9月，一路搬一路執吓link和youtube(好多片已經被砍了，特別係日本藝人的…)，舊博那邊最舊的文應該係05年尾上下，即是說仲有兩年幾存貨…囧﹗

睇番有啲月份可以寫到廿幾三十篇…乜我以前咁得閒既？(XD)…好多都已經唔記得我寫過了，於是隔一輪後又寫一篇(如入歌仔就有3、4篇了)，呃文度好高。內容是沒啥的，不過又唔捨得砍咗佢(原因不明)，都係copy & paste一吓啫，不貼白不貼，貼埋佢囉。09年打後都無試過一個月寫到廿篇以上了…呢兩個月篇數反彈都係拜喪煲電視劇而狂出文所賜咋﹗

um，睇番以前啲文呢…好雜亂無章﹗(而家都唔見得有)啲相影得好肉酸(特別係08年時轉用索愛某手機，當年好熱愛佢可以加日子，又覺得啲相好得…但而家睇番係好鬆郁濛…好醜樣呀﹗)﹗同埋好多文爛尾了(劇集那些如果已經補元了就加番個後記啦…)…

又話說小的其實喺06年頭將blogger的文(係，05年時係喺blogger度寫過吓)搬去鮮奶，玩咗5年幾後又搬番過嚟，我記得當年blogger好多野都無要自己較css的(於是是學了一點…)，當時就覺得鮮奶好似比較完善，而且又多鄰居周圍互訪留言，好高興的說。不過風水輪流轉，近呢兩年鮮奶都十卜都少了很多啦，反而過番嚟blogger，設定裡可以用的小工具都好豐富，幾乎不用點出去搵plugin﹗

最好就係側邊網誌存檔可以打開收埋，鮮奶那邊係一野堆晒出嚟的(也許在css可以改？)，而家想搵邊篇文篤邊年邊月就得，好方便。而頂頭的tag可以做一些分類，原來的tag內裡再加一些細的分類，搵文(for我自己)應該會方便一些吧？雖然用google search都可以，不過有時我連title都唔記得咗…只記得應該喺某年某月某日寫過篇咁既文咋喎﹗

暫時只加了以國家分類的tag，遲吓再搬多啲可以加埋演員分類(um，小的一條龍喺上嚟係可以煲得好喪的…哈哈哈)…咁應該會比較organize吧？﹗um，個blog都要做吓大掃除的說…

咦…我係咪應該喺文章題目度加埋《吾博展望》？﹗哈哈哈…

繼續努力搬…

[日劇]《最高の人生の終わり方~エンディングプランナー~》小感

2012-01-22T17:45:00.002+08:00

繼小的年前試過年三十煲《白夜行》煲到心情低落後，這個年廿九有書唔溫有琴唔練的下午竟然心血來潮看這部(小的果真夠consistent…不過日本1月1係新年嘛，都過咗啦…)…um，還好，這部十分之《禮儀師の奏鳴曲》+《voice》的東東不沉重的，都幾正面添~

(好耐無出現過的pt form﹗哈哈)
((套劇個名好長﹗))

個故仔都幾大路，第一集梗係唔鐘意家業的主角因緣際會接觸到家業的真締於是覺得有意義而接手做下來…(就是《禮儀師》囉…不過電影的主角唔係家業，係無野撈而逼住做…)
跟住唔知點解佢地唔甘於就咁送走死者，想找出佢既死因等死既走得安樂，生既活得安心(就是《voice》囉…)
比起《voice》的神神化化(一班法醫大學生都未正式做法醫就走去做法醫…勁騎，而且佢地搵出死者之聲的方法亦相當神化…特別係瑛太個角色)，呢套係正常啲，官網說井原屋係警察御用既葬儀屋，咁真人(山下智久)會跟刑警優樹 (榮倉奈々)一齊去搵死者家人呀死因呀前因後果咁就合理啲…
第一集死既係居酒屋店長，第二集就係嚟過見工但被趕走的年青人，又咁啱關真人事，好邪喎，係咪應該做場法事…
阿大仔(反野隆史)離家出走，二仔山p返嚟承繼家業守護個家，三妹晴香(前田敦子)就因事故隻腳行動唔方便，四弟隼人看預告第三集會因為女友和家反目吧？五妹桃子(佢個樣仲老過前田﹗)跟老師互望又成日同家姐鬧交，um…遲吓會好似《家政婦三田》咁逐個人出事於是大家體會到家庭幾溫暖而團結番吧？﹗
so far兩集感覺都是ok的。
山p和山崎努=《欺詐擸人》，山p和榮倉=《求婚大作戰》﹗(嘩﹗時日如飛…都好耐之前了…)
睇《原來是美男》覺得泰京個一pat音遮住一隻眼郁好有《欺詐擸人》時山p郁既風采；而家套劇入面山p個長毛郁又出奇地似反町隆史喎﹗oh…forever your love~~~~~~~(雖然佢唱得難聽但我都仲係好鐘意《beach boys》首主題曲的…哈哈)
反町喺呢套劇係客串定點架？同佢老婆套《lucky 7》打對台喎﹗
榮倉喺官網張圖度咁鬼c9既？但佢劇中演爽朗差人又幾ok
阿前田敦子留番長啲頭髮即刻順眼番…翻拍版《花樣少男少女》都係有啲巧京京…

last but not least，睇完啲一個鐘十幾分鐘一集的韓劇後，睇番簡而精的日劇(才4x分鐘一集咋﹗)真係好爽…同埋可以邊打機/做功課/行嚟行去地睇都唔怕miss劇情嘛…

又說，看網友街坊評價竹內結子套《草莓之夜》好似ok…之於之前說有興趣的兩套惠一爸爸劇睇完劇情介紹又唔係咁有興趣了…oh…。

以上。

*************************************************************

題外話1

講起上嚟呢，《voice》既瑛太和石原里美原來都有演n年前《寵物情人》…本來松本潤和小雪都唔係我杯茶，但睇完賣萌賣到我想嘔(sorry，真係睇到想嘔，令仔都係咁話)的韓影《寵物情人》後，好多人都說不及日劇版好，弄得小的忽然好有興趣去挑吓此劇精妙之處…真係好經典的嗎？

*************************************************************

題外話2

(熱愛日版《原來是美男》或韓影《寵物情人》的朋友請SKIP此段…)

睇完韓版《原來是美男》之後小的試圖去挑吓日劇版，但真係頂唔順(都係想嘔…)…對照極速翻拍的《花樣少男少女》和上面講的《寵物情人》，其實翻拍係咪一定要攪啲一模一樣既野？尤其當前作成功(咁梗係成功先有人翻拍啦﹗)到幾深入民心時，原裝照dub就算新版人腳幾好劇本幾紮實始終都有先入為主魔咒影響吧？或者商家佬覺得嚟多轉可以撈多筆…不過通常都係失敗既多吧？

um，真係feel sorry about 日版A.N.JELL(特別係演泰京個角色那位哥哥仔…佢條眉我好不安，加上一副不能令我認為佢係一個令仔的尊容，擺醜臉都算…整埋啲可愛嘟咀時…呃…我真係想嘔呀大佬﹗)…竟然可以跟韓版的美男度差咁遠(另外兩個哥哥仔算係OK啦…)…以佢地既尊容(和身高)…轉做日式跳舞GROUP係咪好啲？其實唔使全部跟足一樣掛？直接比較真係會死得好慘…囧﹗

真係諗起都發惡夢…。

藍奕邦《好風光》 & 楊千fa 《火鳥》

2012-01-21T22:09:00.002+08:00

小的無抵抗力地沉淪在韓風之餘，還是有聽廣東歌既，呢期好東亞，繼上年年尾煲到而家的《和那誰的》之外，呢水就係邦邦《好風光》同千fa《火鳥》，好好loop而且無乜邊首要skip呢吓勁嘛﹗

小的用詞貧乏，但還是忍不住要賦文讚美一番~

看文案說邦邦話唱乖仔的歌多了，想轉一轉feel於是今隻碟係用夜店做主題…不過去蒲又關封面的背心有何關係？唔係應該扮令令先去的嘛？呀，雖然小的聽到出奇地開心，但小的去蒲的次數…聊聊可數…囧…

01　又燦爛又糜爛

節奏輕快transit好smooth，好似行入夜場時有人遞上杯cocktail帶你周成個場嬈場一周，睇一轉乜人做緊乜。唔知呢，印象中好似n年前有啲旅遊節目定遊戲節目啲歌係呢隻feel(70年代？﹗點解我會有啲咁既印象？)um，總之好華麗咁~

02　晚晚禮拜六

晚晚都係禮拜六就好了﹗不過唔係happy Friday已經開始架啦咩？呢首好型好酷~啲歌詞又好多80年代人和物，再sample埋80年代名曲(之前報導度邦邦講過，仲特登正式問人拎許可，好認真﹗)…聽聽吓我此起《金雞》…

03　Cocktail

啲電子合成器聲(係咪咁叫？)同啲登登登登登的編曲真係好80年代呀﹗雖然up唔出個歌名但感覺又好熟悉，於是呢cut係莫名其妙地有種親切感同加咗分…哈。呢首無特別玩甚麼華麗糜爛野，不過最得我心…

04　密室裡的絲襪

唔知點解要著高跟鞋和著絲襪就係襯呢首歌吧？還是要襯番首歌內容講要解放自己呢…

05　黑天鵝 (楊千嬅合唱)

文案說是邦邦做酒保，千fa做酒吧老闆娘，唱盡夜場內人生百態喎，我初頭以為同千fa首《白天鵝》有關係…或者同西片《Black Swan》有關係呢…

06　青春於舞池流逝

好鐘意啲歌詞呀﹗「如果快樂散下在你腳底　好過跪拜金幣」<<<完全是天生我材必有用，千金散盡還復來吧﹗

07　這刻非明天

開首係進場，呢首係散水前一曲…好鐘意啲歌詞寫玩完蒲完抓住最後一刻先再去面對之後的事個心態…(星期日來臨也真討厭啊…)但…，其實凌晨之後已經係明天啦喎？(我認真咗)…

***

碟好聽都算，仲要送dvd…真係太過份了﹗哈…

***************************************************************

之前一張《home》我只記得一首《斗零踭》，呢隻碟的《火鳥》、《翅膀下的風》、《白天鵝》輪住派台，不過次次啲coverage都係究竟千fa幾時生仔啦(而家係佢點陀bb了…)

um，碟剛入手，新歌未聽得熟，幾有趣的是全部都係雀仔名喎﹗

已經唔記得次序，係咪《火鳥》plug先？um，回歸舊班底加埋啲火鳥重生的歌詞配合埋回歸娘家(雖然華星係喺東亞度重開)係幾有義思，同埋那個跳晒芭蕾舞的mv拍得真係幾好睇﹗

上而講過我一度以為《白天鵝》同邦邦首《黑天鵝》有關係的…哈哈哈…um，其實是無的…

《翅膀下的風》都係自強feel的東東，除了情情塔塔外再多了一點msg，也是不錯的…(就cd版而言千fa是唱得有心機和感情的…)

有時回帶都唔係唔好，回番啲啱自己的帶即刻順眼晒(相比A記時的幾隻碟…真係巧京京…)，呀…雖然丁太要去生B…唔知幾時再出碟了…anyway…相比之下…古眼神…um…唉…

又據說之前的《minor classic演唱會》會出碟喎﹗

[韓劇]《貝多芬病毒》〜愛と情熱のシンフォニー〜

2012-01-18T13:36:00.000+08:00

我諗貝多芬的病毒減輕了小的花癡病毒，本來是出於一條龍唔爭在睇埋佢而看這部，但竟然出奇的對味，滿足度仲高於之前極速鯨吞的這套和這套耶…

(我想問日本播出時電視台網頁的一句「愛と情熱のシンフォニー」係套劇本身有的日本自己加？但又好襯套劇…竟然好有日劇啲熱血、追夢、奔向理想feel喎﹗)

((於是…我決定貼日文相…嘩哈哈哈﹗我唔識韓文呀﹗))

暫時睇到第7集。

睇之初有人說這套是韓版《交響情人夢》(嘩﹗唔覺唔覺5年前的了)，開首都係開九唔搭八的人聚在一起組成一個交響樂團(室樂團？)，從被睇死到成功演出，爆笑又好熱血的。《貝多芬》仲誇張，因為個project交託的人夾帶私逃，為了成功演出到於是四出招兵買馬，招回來的不是三四五流樂手就係幾廿年無掂過樂器的人拉雜成軍，再對住個交響樂團殺手指揮姜mea，過程就梗係正路地頂唔順個惡魔，或者唔想俾表演影響自己生活而遊走於放棄同繼續之間，但大家慢慢建立互信，卒之成功上台演出(第5集)時，小的在車上睇睇到想拍手呢…

um，係啦，最吸引小的就係呢個現實與夢想之間的追逐(唔係張某君了，哈哈)，第5集的公演就好似《天與地》最後一集那個rock fest，事前點樣對音樂放棄又繼續繼續又放棄，盡管不顧一切在台上好好演出，演出後又要面對番現實。

劇中個個都有自己面對的問題：女主角面對耳疾、老伯伯面對老人痴呆症(而家改咗個名？)、少女面對學業上金錢壓力、上班族要養家、中年太太照顧家庭卻不被重視、為了養患病的家人而到夜店工作等，這班人又老到少又有錢到無錢，總有一個喺左近咁。其中最深刻(或者最多戲俾佢表演)係拉大提琴的鄭熙妍，音大畢業但結婚生兒育女後就全心照顧家庭，再無掂過個琴，趁這次公演想重拾舊日所好卻被老公大罵，最慘係佢以為自己都於心有愧，覺得晚晚閃咗去練琴對唔住屋企的時候，原來仔女完全唔aware自己，本以為可以賺回一點點存在感的地方都無埋，慘爆。又估唔到佢走去喪鬧姜mae時，重覆了幾十萬次自己係邊個時竟然打動到姜mae，因健宇遲來join唔到solo就讓她頂上，話實佢拉solo的一段真係好有型(不過事前有練習過的嗎？咁急就章叫佢上台佢準備得夠嗎？oh，睇戲都係唔好駁戲了…)

um，見住呢班往時因為各式原因而不能繼續夢想的人，小的就不住很有同感，追一個夢究竟是好是壞呢？而追，又應該耗費幾多去追？對生活有幾多影響先唔叫有影響呢？(唉…)

最愛是佢夠快，道理不長篇大論，說服的說話也沒冗長到我想ff。最喜歡姜mea在公演前跟在十字路口指揮緊交通的健宇講的一段(估唔到老姜也真欣賞小姜的才華，會去勸佢的說)，那個十字路口滿有意思(不過好危險喎…車死都唔知咩事啦…)…好鐘意姜mae說「試過伸手去觸碰過的才叫夢想」，究竟應該繼續做警察定向音樂發展呢呢呢呢呢呢？(btw，乜韓國警察可以自己帶套制服返屋企？)

老姜和小姜二人都叫姜健宇是有意思的吧？(如果純為攪個性完全不同男角兩件出嚟玩三角總我真是反眼了…)睇阿姜mae鬧人唔使本其實幾過癮(XD)，最個癮係佢連權貴官員都唔俾面…哈…而阿女主角李智雅望落有啲似鍾嘉欣…

哈哈哈，忍到而家先來花癡一吓，沒古靈精怪的造型…睇唔慣(XD)。(佢可唔可以教吓我aural呀？可以聽完一次就背番出嚟咁勁﹗)

據說之後小姜在姜魔指導之下走向音樂之路，而又據說因為收視好好所以硬加了兩集，而又據說因為硬加了兩集而硬加了三角戀的篇幅…唉呀…點解呢？

OH，anyway，繼續熱血地煲，然後返屋企快快樂樂地練琴，yeah﹗~

關於此劇：
維基/貝多芬病毒感染/(又將劇集用嚟推廣旅遊了﹗)

[聽開又聽]當A.N.JELL變成TEAM H、CNBLUE、FTIsland

2012-01-17T15:00:00.002+08:00

是咁的，一條龍mode都啟動咗煲得劇嚟唔爭在聽埋啲歌，發現原來《原來是美男》A.N.JELL三子除了張根碩外，另外鄭容和同李洪基都係男團的份子，但唔係歌手那個反而演主音喎(不過發文的現在碩哥都出碟了)…咁我咁好奇，梗係八掛吓佢地現實裡係唱啲乜野歌架啦…

咦，有驚喜喎﹗

我仲以為碩哥會趁《美男》大熱乘機出碟做歌手，睇維基又淨係寫日文碟《let me cry》和跟DJ Big Brother合組的Team H既韓文碟咋喎﹗好DJ好yo好電子喎﹗

(上年年頭出的了原來)小的唔鐘意聽啲唔知佢唱乜既野嘛，就click吓日文歌《let me cry》嚟聽，初初一響起幾粒係平靜的琴音，以為係舒情野的時候突然變咗rock野﹗wow(那個眼線郁…哈哈)很搶耳的說，再聽一吓single另外幾首歌就開始慢慢soft番了。

博友推介，一聽中毒。鄭容和來自的一隊CNBLUE(甚麼CODE NAME BLUE…跟住BLUE又各自代表一粒字，呢粒字代表其中一個隊員的特性…好偶像呀呢啲拆解…維基如是說…同埋啲隊員好後生﹗嘩﹗)，聽個名睇埋4個男仔以為係勁歌熱舞團啦，點知又唔係喎，啲歌走英式搖滾路(我的詞匯好乏味…哈，總之pop pop地既soft rock啦，易入口)，型喎。哈，在我印象當中kpop男團就係一堆人出嚟勁歌熱舞嘛…。

搵番日本debut single《In my head》出嚟聽，再順手聽埋大碟《first step》…好係我杯茶添…，又說碟內12首歌有9首成員有份參與創作，um，這個又加分了。(或者睇得太多勁歌熱舞group((我指J家那些))，轉轉口味都不賴呀~雖然唔知佢唱乜…好在都幾多英文歌詞…)

篤吓篤吓篤埋阿李洪基隊FTIsland嚟聽(點解解作Five Treasure Island時…island無s既？)原來又已經在日本出道了…嘩…真係好快手…不過這隊無乜點聽。另，《美男》首《依然》幾好聽的…

********************************************************

呢套劇真係好毒…哈哈。最毒係呢首《默默無語》，如果就咁聽可能只會覺得係首悲傷情歌，越來越激情後尾唱到好激昂咁囉，但link埋劇情，聽親都會諗起美男錄的時候諗起對泰京的感情卒之爆發晒喺首歌度仲攪到錄唔到落去添…嗚…就算唔知啲歌詞講乜都意會到首歌想講乜了…係咁loop…好危險…之但係A.N.JELL喺戲入面的其他歌…唔…印象無咁深了…

(聽完《美男》啲歌覺得《瑪麗外宿中》啲歌好流fei添…)

********************************************************

貼完歌，繼續聽，yeah﹗~

今日。脫教。天氣晴2~脫教後感

2012-01-15T20:58:00.003+08:00

脫教之念源於上年，不過一直都跟瘋瘋藕斷絲連，終於前陣子放咗機，正式轉向安卓陣營。有天同事無啦啦問我：「你用得慣唔慣？」…um，慣唔慣係時間問題啫，當然用咗蛇果ios兩年幾三年，安卓/索愛的系統幾方便易用好都要時間適應既，不過so far感覺是良好的。

um，補充一吓：小的又重歸番索愛的懷抱了…因為小的太想念和phone了，越看越不喜歡瘋瘋的size太大舊了…

聽聞安卓彈性高一點(其實也是因機而異的…)，可以攪的東東都比較多，不過小的還沒有explore太多(也就是說不要問我technical既野囉~)…哈哈…

基於小的用了瘋瘋/ios幾年，於是設定新手機或下載app時都base on番之前的習慣，除了啲位唔同要習慣吓之外其實是沒甚麼適應不良的。(而在電腦browser上market dl app去部機度太方便了﹗雖然次數唔多，但試過幾次在itunes下了app再要syne番去部機度…有十萬個麻煩囉…又講，我覺得itunes係一個同我八字十分唔夾的物體…)

小的首先被安卓wow就係佢個桌面可以自選app嚟放，其他就照喺總目錄度浮遊，小的部機四個角仲有個位可以放各自4個app，於是乎自設的wallpaper不怕被app/folder遮蓋了，也不會密到眼都花。而瘋瘋就係一堆app堆滿個畫面，而個畫面就係好悶的只能set張wallpaper(雖然我也不會用動畫…)…，除非我夾硬將塞入folder的app塞去第二頁，否則一login就見到密密麻麻的一堆app…睇得好唔舒服…

另一個wow度我的就係頂頭那個通知欄，whatsapp呀fb呀msg一有incoming msg就係show出嚟，細細個icon得你click入去咁，最好的是個響聲可以自己選的呀﹗你知唔知我有幾憎瘋瘋個whatsapp嚟嚟去去都係那個通知聲(雖然老闆應該唔會介意…因為佢都玩whatsapp的)…全世界都一樣真係好討厭﹗不得不提…終於都唔使用死人itunes轉啲得29秒的m4r鈴聲…

呀，讓我脫教的契機就係我最討厭的itunes，成日清洗我部機都唔在講，唔知點解自從某次我將rip碟setting由m4a轉成mp3之後就轉唔番m4a了，即是說我整唔到鈴聲囉﹗你唔係要我用部機入面default啲悶聲嘛？嘩卡卡卡卡…那個該死的itunes都仲未delete得住既…其實小的聽歌係用ipod的…(蛇果燒不盡…um)

講開又講，話說小的reset部機時入番啲setting啦，佢竟然要我用wifi嚟入野(唔係就要用itunes)，但司內無wifi，電腦又無裝到itunes…我點整呀﹗如果喺街度又無wifi又無itunes部機就連電話都打唔到(唯一打到既係999囉…)…癡的﹗臨尾都要搵多樣野出嚟俾我憎…

咁睇吓啲app，小的用嚟用去其實都係打機影相查字典同睇片而已。打機嚟講瘋瘋app store確係多好多野玩，好多以前打開的去到安卓都無了，於是又開始番推銀的生活…哈，順手當戒毒啦。影相方面都不相上下既，啲edit/加effect的大致上瘋瘋有的安卓都有(其實我用嚟用去都係美圖秀秀而已…)，唯一麻煩的是就算較震機時影相都仲有shutter聲(我是偷影王好了)，但又俾我發現到有個靜音相機app，而且fb/美圖秀秀啲會連接相機的app又好醒目地每次影都會問我用default相機定靜音相機，解溪了﹗至於查字典，之前令小的好不安的只能online查…um，我終於係再次俾(之前瘋瘋個大辭林買咗二百幾架﹗)了百幾蚊買大辭林，應該offline都查到的。

安卓力推的google一條龍大整合呢，就令小的驚喜得嚟又有啲擔心，佢除了整合gmail/gtalk等setting去contact list度，仲連fb都整合埋(月曆也整合了fb的行事曆)…弄得我好驚會唔會丟失甚麼人家的資料(雖然我沒有甚麼驚人照片的…)…呢個都唔知係方便定唔方便…

上面說過瘋瘋頁面只能推推推搵app(那個悶人至極的news stand怎麼不能放在folder裡？)，個人十分喜歡索愛的設計呢，一login入部機就係桌面啦，向右推就係睇相和聽歌的player，向左推就係選wifi、browser和market的icon，好方便，又實會用得著嘛，好過以前想connect wifi時要按入設定篤篤篤先得，好貼心的說…

脫教感覺良好至極的是唔使同成街人一齊拎埋同一部電話(嘩哈哈…死啦，會唔會有人鬧我架？但坐巴士時一格4個位4個人都拎住部瘋瘋喺度篤感覺真係好恐怖…)，也不怕有唔見咗就無咗四千幾五千蚊的電話既壓力(始終都係覺得太貴了…所以買安卓機是筆直是不過3000的…)

當然缺點也不是沒有的，我仲未搵到入password protect部機的地方呀﹗(成個設定每頁都被我click過了﹗諗諗吓以前啲索愛機又真係唔使入pw架喎…)…同埋好難搵保護貼，小的喺度睇偶像劇嘛…在車上睇真係好難為情的…想去買張防盜貼但家家店只有瘋瘋或三叔的機既size，佢地話塊貼唔剪得喎…唔係掛，我之前啲貼都係咁剪喎﹗而跟機的那個handfree個耳筒好易甩(我懷疑是我耳型的問題)，想買番入耳式的但試過瘋瘋用到的philips唔得，插個普通headphone又得喎﹗總不成我煲煲吓劇拎走個耳筒嚟講咁好笑架…囧﹗唔通要去sony style度路下買路錢…

其實也就是說，要出史馬瘋都唔一定要出瘋瘋啫…

[韓劇]笑翻了~《原來是美男》

2012-01-12T21:35:00.000+08:00

可能是龍年來了，於是小的一條龍龍到停唔到…

我想問呢，點解話自己係搖滾的人唔搖滾，但明明似偶像的group又玩晒樂器咁既呢？

個故仔係漫畫改編的嗎？突然覺得好似睇緊《花樣少男少女》(只看過日版)撈啲《流星蝦丸》(其實我只看過少少台版第一輯，和為了斗真而看的日版第二輯第一集而已…)，上一篇花癡文所講的formula仍然成位，也許偶像劇都係咁吧…可愛+傻氣&半隻腳踏進一個陌生環境的女主角，梗係會遇到一個古古怪怪的男主角，然後實有一個同樣旗鼓相當令仔的但相反係勁溫柔勁善解人意，個女主因為陌生所以攪事種種事故，古怪男睇唔順眼勁厭惡之餘又總係慢慢產生愛意而表面上毫不退讓但暗地處處幫忙…而溫柔男就守護天使咁好好喺女角身邊幫佢見招拆招喎﹗(咦，我覺得我好似在照dup前一篇文的內容囉﹗哈哈…)

睇之前諗住都係偶像劇一套啫，花癡一吓呀眼線黃泰京，點知一睇就停唔到，傻的，啲笑點好爆笑…。因為阿女主角高美女本來係修女嘛，突然要女扮男裝走去做明星，比平時的窮家女鬥闊少個gap再拉開多一點，咁佢唔慣同無知又突然好合理，再加上黃泰京係個超高傲又挑剔和古怪的怪人，高美男次次見到佢都做正佢最唔鐘意做既野…於是我不停在車上睇到陰陰咀笑…真係好危險…

A.N.JELL成鬼日喺排舞室練舞，但次次見佢地上台都係咁玩樂器地唱…咁佢地練舞來幹嗎？而且從來無見過dancer在台上伴舞喎﹗(同埋點解個宿舍會大得咁交關？間房隨時大過我間屋﹗)

哈哈，好鐘意阿泰京啲啤眼加嘟咀，一開始佢pat了pat留海遮咁一邊眼，成日得一隻眼啤來啤去，眼神很堅定耶﹗(笑)…那pat黑色留海讓我想起《欺詐擸人》的山p…成日咁樣遮住隻眼又要畫眼線(sorry，那條上下完美地包住隻眼的眼線讓我很在意(爬網上的文有大大說是要遮一遮根碩哥的稚氣喎((個天使笑容好可愛呀﹗))…泰京哥是leader吧…)…之後改成gel(束？)起的造型就順眼多了~

我想問呀泰京哥蝦唔食得麥唔食得芝麻唔食得，又有壓力性胃病又有夜盲症，佢平時食乜？跟住出show時在台底上台無燈點算呢？(太認真了？)…又話說lap到過右邊的劇照…讓我一度以為這套的主角是高中生…囧(一諗起佢兜錯喎同美男經過同一間雪糕店4次我就笑了…)

哈哈哈…呢條片好好笑…仲要加埋啲無名火起effect…好正…

阿新禹哥就是花澤類吧，總係守在高美男身邊，想行近啲時又硬係被泰京搶先一步咁…(博友才說韓劇鐘意將景點融入劇中洗人腦，剛剛看到一集泰京被uhey叫走咗無接到著了女裝的高美男…新禹就喺電話度guide住高美男喺明洞度飲飲食食買呢買路，嘩﹗不就是旅遊雜誌？)Jeremy(團中的鼓佬？《天與地》不死呀﹗)既作用就如《花樣少男少女》的中津同學，係負責攪gag…um…呀~~~~我諗起斗真同學有套《源氏物語》唔知幾時上呢…呀~~~~~

講起uhey…嘩﹗佢塊面好包呀﹗國民妖精吧…um…佢好鬼煩，表面和善內裡奄尖聲悶，但我倒期待佢多啲同泰京既同場，睇佢俾泰京激到傻了眼時我就笑到標眼水了…(我鐘意喺studio度泰京串佢寫錯字同指住上面有cctv…哈哈哈…)

um，雖然說高美男有天使般既聲音…但佢高度同其他人爭咁遠…唔覺好突兀架咩？

據說劇情後尾有啲搵戲嚟做，但so far又睇得好開心…哈哈哈…um，努力繼續煲

************************************************************************************

數一數呢兩個月我究竟煲咗啲乜劇：

潛行追擊(去到一半…本來想追番中間laughing哥做臥底一段，不過追追吓又無心機睇了…)
飛女正傳(埋咗尾了…又係一套笑翻了的…)
天與地(有啲集數出咗街未睇…遲吓補番…)
家政婦三田(從而發現了惠一爸爸滿不錯…)
鈴木先生(驚訝地發現齊藤隆成didi原來仲有拍劇喎﹗)
second virgin(好難受的一套成人愛情戲…)
還有第11人(呢套很ok呀，爆笑度仲高過《花癡刑警》喎﹗)
虎與龍(去到第9集…因為睇完宮藤桑新作而挑起條根去睇…呀…好懷念呀﹗小虎真係正呀﹗爭第10集大結局咋…)
瑪麗外宿中(中段以後好煩啦…直接跳去代表變身無缺助手嗰度最好笑﹗哈)
原來是美男(去到第7集…咦，好唔好睇埋個日本版呢？)

好癲囉﹗好癲囉真係好癲囉﹗

[雜談]不好意思說韓星

2012-01-11T12:45:00.000+08:00

是咁的，自從南韓(這樣寫係咪政治不正確？)被北韓(也是否不正確？)label做逆賊集團(sorry，我忍不住…笑咗…睇新聞時)…從來都不喜歡這個地方既小的…竟然留意起佢上嚟…

(這樣也是一個原因嗎？真係唔好意思…)

um…其實呢…n年前小的曾經幾欣賞《殺手公司》的元彬…但跟住又有個叫元斌(？)的人走出來又好似唔同樣…呃…不過隻碟其實我開都未開…一路都未睇的說…

(話說呢…當年讀history說日人覺得韓方係dagger from the back，我懷疑這個是小的不接受此國的根源…所以接觸的時候總覺唔知點咁…即係呢…明明係安室fans，走去聽步姐…那種感覺囉？)

BoA可能係第一個讓我跟住聽同會買碟的歌手，不過無買韓文碟，齋聽日文歌，好幾首仲係loop到而家都仲有聽同埋k場飲歌…聽了差唔多10年，佢都係廿幾歲咋(泣)((不過聽聞佢既樣子好似大執過嚟…呃…))

(死都要貼日文歌﹗哈)…其實堅唔覺得雨哥靚仔的…我留意佢既原因係…我們是同月同日生的﹗聽過一次《It's Raining》，除了扯衫和扯蝦聲之外，歌精和舞勁喎真係，詭異地我有買到呢隻碟…不過聽嚟聽去都只有一cut《It's Raining》…其實我唔鐘意聽/睇啲我唔明佢講乜既野囉…

朴志胤既《成人禮》，主打係洗腦式宣傳日日搭巴士都睇到於是上咗腦，但個mv真係拍得好睇既，只是胤姐在香港係一碟之後就無影(好似話佢前幾年在韓劇復出？)…。當年癲到有走去買呢隻碟的…不過也是聽來聽去只有一曲《成人禮》…

唔知咩SES的SHOO featuring V6合唱歌《One》…呢隊女子組合完全唔知係乜野(其實隊隊都咁多人又個個差唔多樣又點認得邊個打邊個？)…好似話J家除了草剪(誤)剛之外，當年出呢隻歌的時候V6都有去韓國宣傳和出吓碟的…不過又好似無乜下文？(好似話吹到好勁係第一隻在南韓正式發行的日文碟？)

讓我好傷心的一屆啊﹗不過隻歌堅好聽的(我覺得)，其實我只記得日方代表Chemistry和Sowelu(opps，幾年下來佢摺到要拍個超激mv去谷人氣…讓我好傷心耶﹗)…韓方唱既係？唔知喎﹗而家mp3機內存著的是Chemistry碟內的獨唱版添咋…搵唔番好開心既韓日兩文合唱版啦…

(未play嚟睇唔知呢個係咪mv版？)安室之前出的合唱碟，其中一隻歌係同韓團Afterschool合唱的，一無所知的我曾經以為Afterschool係歌名…哈哈哈…

貼嚟貼去都係貼啲n年前既野…um…雖然我都係唔認得邊個打邊個，不過呢首《nobody》歌好聽，mv又拍得好睇…詭異地我走去聽咗佢地隻碟…有首唔記得我愛你？對不起？(﹗)唔記得個名…好好聽的…雖然我聽唔明佢唱乜…

嘻嘻…讓我貼一吓吧(笑)…花痴緊嘛……雖然我唔明beat beat beat beating boom boom跟rock有甚麼關係…不過聽足16集後竟然覺得幾好聽？﹗(﹗)

**************************************************

呃文完畢~yeah!~

《2011年度十大勁歌金曲頒獎典禮》笑談

2012-01-09T07:00:00.000+08:00

新城我沒看，叱吒和港台都有睇，跟住呢個《勁多蝦碌》沒看…典知我走寶了﹗居然可以爆成咁…真係忍不住要自己上網搵番結果嚟睇啦大佬﹗

(資料來源：呢度)

金曲獎

1. 草蜢《華麗舞台》<--係咪計晒《華麗明星賽》節目入面播過幾多次呢隻歌？咁個節目hit既話都勉強解釋到隻歌hit啦…無記做乜咁熱愛草蜢？台慶俾佢地拎走節目獎和主持人獎之後《勁歌》又掃獎…

2. C AllStar《天梯》<--隻歌唔係上年架咩？
3. 王菀之《水百合》<--仲以為係《末日》添…
4. 林峯《Chok》<--前一天做的港台頒獎禮先聽過一次…係咪我out？我未聽過喎﹗
5. 梁漢文《一再問究竟》<--終於都有份了(好失落的感覺)…上一次應該係《七友》那水啦？
6. 容祖兒《花千樹》<--我覺得《牆紙》好聽啲…
7. 古巨基《爆了》<--對不起我真係越來越唔識欣賞古生的音樂…
8. 關心妍《仍然》<--我比較關心楊太幾時生仔囉…仲有點解佢拎唔到女歌手獎架﹗
9. 張智霖《戀上外星人》<--歌是ok既…
10. 蔡卓妍《年年》<--歌是ok既…

咦…我想問有一水係咪無記玩到12首金曲？不過無咗五大，真係好多hit歌都無咗…但…東亞藍奕邦和蘇永康都有歌啫…佢地無影既？《那誰》呢？(無《那些年》都算了…劉子千係咪話唔上無記所以無《唸你》？《年少無知》呢？)既然mc jin和hanjin都有為無記做節目，不如share個獎俾佢地算啦…

最受歡迎組合金獎 - 草蜢
最受歡迎組合銀獎 - C AllStar
最受歡迎組合銅獎 - Rubberband

英記竟然搶唔到呢個獎俾癲士？佢地好慘啊…(糖妹有拍節目都分唔到一個半個獎嘛？)

最受歡迎新人(男)金獎 - 許廷鏗
最受歡迎新人(男)銀獎 - 鄒文正
最受歡迎新人(男)銅獎 - Rednoon

Rednoon係上年新人咩？銀獎的人兄不認識…

最受歡迎新人(女)金獎 - 林欣彤
最受歡迎新人(女)銀獎 - 鄭欣宜
最受歡迎新人(女)銅獎 - 梁佑嘉

呀阿啤啦下年繼續落多啲獎啦…可能有金曲都唔定的…

新人薦場飆星獎 - 陳僖儀

呀…敢問閣下係？

2011年度傑出表現金獎 - 王梓軒
2011年度傑出表現銀獎 - 王祖藍
2011年度傑出表現銅獎 - 官恩娜

官ella首《由他去》都幾唔錯的…不過佢喺《巨星》爆出到而家又好似靜番晒了…。那兩位王生…哈哈…佢地出過咩歌呀(我孤陋寡聞好了…)

最受歡迎唱作歌星金獎 - 藍奕邦
最受歡迎唱作歌星銀獎 - 王菀之
最受歡迎唱作歌星銅獎 - 陳偉霆

亞太區最佳女歌手但係唱歌係銀咋喎…好詭異…詭異唔過…陳生作過咩歌？(又係我孤陋寡聞)

最受歡迎合唱歌曲金獎 - 鍾一憲，麥貝夷《勾手指尾》
最受歡迎合唱歌曲銀獎 - 洪卓立，鍾舒漫《傻瓜》
最受歡迎合唱歌曲銅獎 - 葉文輝，狄易達《辣著生命》

據說《勾手指尾》喺0靚界十分受歡迎…而銀和銅…我又孤陋寡聞了…我唔識喎﹗不如俾《潛行》和《法證3》的主題曲啦…都係合唱呀﹗

最佳作曲大獎 - 鄧智偉，莊冬昕《Chok》
最佳填詞大獎 - 黃偉文《花千樹》
最佳編曲大獎 - 馮翰銘@ the Invisible Men《水百合》
最佳監製大獎 - 蔡一傑《華麗舞台》

《chok》咁都有兩個獎…真係詭異…

最受歡迎華語歌曲金獎 - Twins《3650》
最受歡迎華語歌曲銀獎 - 林峯《讓我愛你一小時》
最受歡迎華語歌曲銅獎 - 容祖兒《最後情人》

我又孤陋寡聞了…銀和銅是甚麼歌來的？﹗嘩﹗都是英記的歌手…

最受歡迎改編歌曲獎 - 林欣彤《鳥籠》

改編的嗎？個人幾鐘意呢首歌的…

最受歡迎廣告歌曲金獎 - 容祖兒《澎湃》
最受歡迎廣告歌曲銀獎 - Hotcha《素顏假期》
最受歡迎廣告歌曲銅獎 - 林欣彤《非凡》

《澎湃》係咩廣告既歌？

最受歡迎男歌星 - 古巨基
最受歡迎女歌星 - 容祖兒

亞太區最受歡迎香港男歌星 - 林峯
亞太區最受歡迎香港女歌星 - 王菀之

金曲金獎 - 林峯《Chok》

不是說二彎娜唔好，但亞太區又好似誇啲…無人可比(其實成個頒獎禮最悲就係呢樣…)…不如俾番癲士啦，反正佢地出道10周年周圍去開show又有新歌咁…。睇番網友貼的相二彎娜得獎時都o晒咀…囧﹗

至於那首金曲金獎…其實係咪視帝唔夠分，所以音樂的獎硬要分俾lone哥呢？真係勁京京，唔講啲真係hit既歌啦，就喺那10首度揀，識《chok》既人…係…um…哈哈。我成個fb都俾人洗版說唔知呢首係乜耶﹗

最最最詭異的是，主持和嘉賓竟然會比歌手更好看…呃…李克人出嚟唱歌時fb又被洗版說成晚終於有個正常既人出表演了(仲有達明和葉sally)…哈哈哈。俾我係五大歌手，見到而家個賽制玩成咁，真係唔知下年會唔會頒個「最受歡迎女歌星」俾男歌手架喎。又真係好難怪，就算明知會齋坐成晚，啲歌手都會出席903而唔嚟呢邊啦…

好在琴晚唔開電視咋，真係聞者傷心聽者流淚，話晒想當年男女歌星獎係幾多歌手仆到去爭既架，你去拍劇我去拍音樂特輯(話時話，音樂特輯呢樣野都無咗好多年了？)，跟住臨頒獎禮前報紙雜誌都在估邊個會得獎，唔夠分豬肉先無啦啦整多個亞太區出嚟。以前係唔夠獎派，而家係有獎無人拎…都咪話唔灰。反而台慶頒獎禮就好睇好多…風水真係輪流轉了…雖說有獎是鼓勵，但明知係無人選而夾硬頒俾自己…心頭真係冷一截…

last but not least，容天后拎到第7次，都真係幾慘，以前都仲話有千fa、張太同佢爭下，而家係無人理…都預咗係佢架啦…完全唔值錢…佢呢個7連霸，完全抵唔上梅姐的5連霸，咁佢又唔係唔努力喎…只係個獎太唔值租啫…陰公豬…

不過呢，the show must go on，期待出年會有乜驚天地泣鬼神的舉動﹗yeah﹗

[韓劇]熟口熟面…《瑪麗外宿中》(+全集後感)

2012-01-08T19:43:00.000+08:00

都怪前陣子在追《天與地》，一個不小心見到J2賣廣告說播這套喎，又不小心記得前陣子在某韓劇大大度LAP到過這部劇，阿男主角仲好似好多人中招添…UM，勇字行頭掃雷小組又出動了…

UM，我唔係話套劇雷呀，只係呢個係小組名啫﹗~

UM，SO FAR睇到第7集…阿主腳(唱歌那個)又真係幾令仔喎…不過個故仔熟口熟面得超級老土呀﹗

(粉絲不要打我﹗雖然有色眼鏡是有的…)

((我想話呢在網上找來左邊這張傳說中的DVD圖…影得啲主角們令好多喎﹗(雖然詭異地全部都變黑色頭髮了…))

UM，熟口熟面呢…係話說前幾年小的失驚無神中了某台劇小生的毒(又話說，佢之後的劇小的偶然都會望吓…都好似無點改變…一味在耍帥的…怎麼啦…)…UM…我想問點解兩個男主角一定要一個好有能力而好有風度一副貴公子的模樣，跟住另一個就行事異於常人成日COOL爆好似嬲咗成村人咁既樣，貴公子那個用溫柔感動女角，然後COOL爆那個就成日激個女角但個女角又會好似媽媽咁當佢係小孩咁包容佢架喎，跟住一定要個女主角在COOL爆那邊失望後快被貴公子感動到的時候COOL爆就突然發現原來自己好鐘意女主角…

而女主角又硬係好堅強，但身邊又硬係有啲攪事不斷的家人，讓貴公子多多幫忙…UM，仲有呀，而女主角身邊硬係有啲八婆好友，呀呀仲仲有呀，COOL爆身邊又硬係有個高貴令女疑似同COOL爆有過一斷情的女二號在身邊，總讓女主角覺得COOL爆不是一條心對自己…

我諗我明點解我會覺得《瑪麗》OK…因為當年我都鐘意睇《換換愛》/《惡魔在身邊》(SORRY，我無乜貨可QUOTE)，在姜無缺身上完全找到《換換愛》惡少的影子(只是無缺哥好窮吧，多了個攪事的阿媽…咦﹗《唯愛》呀﹗話時話張根碩哥行出嚟時我確係想起《唯愛》的龜梨和也…佢又係有個不斷俾麻煩佢既阿媽…OH﹗)((巧京京﹗寫《唯愛》的溺愛文時…恰恰就是5年前的今天耶﹗))

乜而家仲有父母訂婚約？而阿鄭仁阿爸強娶民女的意圖好討厭啊﹗完全是我有錢就大晒的感覺…而阿瑪麗爸的咀臉也好討厭…完全是賣女求財﹗偶像劇就專心賣令仔令女啦…可唔可以唔好攪呢啲老土野呀？一見到有呢兩個老人家的場面本人是飛…

係咁數添…UM，確係好熟口面嘛…

(我想話阿無缺飲醉酒阿鄭仁帶了佢返屋企…第二日阿瑪麗去公司((怎麼公司會同屋企前舖後居的呢？))時見到無著衫的無缺披著床單((又唔係拎人家的衫去洗…做乜除人衫？))…我竟然諗起《天與地》第一場阿YAN的床上((後))戲…哈哈哈…)

((真係講開又講，啲歌都唔ROCK既？係咪我睇得《天與地》太多？不過都好過《巨星夫婿》由頭到尾得一首歌，呢套劇是有好大堆歌，而阿無缺哥是會作吓有新歌出咁…))

UM，暫時睇到第7集，是輕輕鬆鬆一個鐘的(怎麼咁長既一集？)…據說之後會有狗血的劇情…噢賣葛﹗

文根英我仲停留根喺《吾妻16歲》的年代(點解我會記得有套咁既戲？)…佢好小朋友呀個樣﹗不過又好可愛喎﹗張根碩果然很令仔…(係咪要睇埋《原來是美男》呢？但據說有絕世得人京眼線郁喎﹗驚嚇度高過幼眉道長很多…)…死啦…成日見佢彈結他突然好有興趣添…UM，音樂果然是我們的生活啊﹗同埋我想話呢…佢UN腳那吓好有戲…哈哈哈﹗另一個金在旭…被我無視了…(咁睇古古怪怪那個比較有趣嘛…)

UM…我想問阿碩哥點瘦面既？可以瘦得咁交關？同埋點解佢啲衫成日都跌膊？BAND友都鐘意咁架咩？同埋佢腰痛得嚟點解成日都要海棠春睡郁？是要讓少女驚呼狂叫嗎？仲有第一集佢濕住頭髮問有無洗頭水時…巧京京呀…LAST BUT NOT LEAST…阿文根英個髮型點樣可以整到咁厚？令佢個頭大到無朋友…都是一個巧京京…

KORG啊﹗巧有品味呀(<--好無聊的發現…)

雖然鄭仁比較可靠…但我一票還是投了給無缺…因為個名似花無缺(《絕代雙驕》的…)…哈…(又說…我會頂得到大結局嗎？)

..........................................(<--如果我真係頂得到的話…)

**********************************************************
在一路睇大結局一路打…

我竟然睇到大結局喎﹗不過都是飛嚟飛去咁睇，一：受不住瑪麗爸的面口。二：無缺媽太煩。三：瑪麗friend+無缺band友好嘈…。四：阿方室長和徐演員面口令我很不安…

睇前段真係輕輕鬆鬆一分鐘的，而家那個甚麼百日婚約真係天馬行空得可以，不過偶像劇嘛…小的盡力去不要問只要煲啦。到了中期，瑪麗確認了選無缺，而無缺又發現自己想認真談戀愛時，無啦啦阿代表都爭埋一份…，都算啦，一味父母之命男女主角唔相愛好難延續落去…之但係又有好多無鬼謂的細節，阿無缺係咁鐘意瑪麗的話，點會提出甚麼試婚架…佢都見代表對瑪麗動咗真情架啦…瘋的。然後代表爸和瑪麗爸喺瑪麗講了十幾廿次唔想結婚之後，就算代表說唔結，都仲係要繼續場婚禮…最攪笑係鄭仁又由得件事繼續，去到行禮請晒嘉賓證婚人講晒願唔願意時先話唔結…玩野嘛…

至難頂的是…阿無缺哥係不停見瑪麗同鄭仁在一起就發脾氣，跟住又要好痛苦咁走去搵番瑪麗，和好後溫馨一輪…又因為見到佢同鄭仁一起又發脾氣…生生不息六六無窮的…好煩呀…。好了…你認真談情唔玩玩吓都唔係大晒架…吓吓唔講道理走咗去…難得阿碼麗又忍佢架喎…(無缺哥後段係咪趕住搵錢贖戒子，所以連頭都唔得閒set又唔吹啦？哈哈哈)

掉轉頭瑪麗見到無缺同徐演員一齊就要佢包容佢…又說甚麼goodbye kiss喎…唔公平喎﹗(我認真咗？)

um，看來我體會到點解街坊評價都說這套劇爛的真締了…(雖然無缺哥是令仔的…哈~)

同埋阿代表套《wonderful day》係咪真係拍架？代表係不停同人解約簽約又係咁俾錢咋喎﹗

20/1/12後按：好邪呀﹗原來之前貼youtube文時發現過呢套劇﹗哈哈哈﹗

一把年紀學琴記(九)~直身琴vs數碼琴

2012-01-05T17:41:00.002+08:00

琴日搭車時經過戶外廣告板見到呢幅廣告…嘩﹗陳天后一野坐喺個grand的琴鍵上？﹗巧京京喎﹗跟手錶又有甚麼關係呢？﹗

(謎之聲：咁樣"責"住個琴嚟坐…實在係…除非呢張係琴型櫈啦…真係太有創意了﹗)

um，正題是…看forum學琴的一百個為甚麼，除了「xx歲學琴會唔會太遲」、「自學可唔可以？」之外，最多人問應該係數碼鋼琴跟傳統鋼琴那個比較好，又或者銀兩/地方欠奉，可否退而求其次咁…

通常反對用數碼琴代替傳統琴，最大原是學壞手，因為數碼琴只是模仿鋼琴聲，但發聲仍是用電子野的(就係yamaha的甚麼grand hammer甚麼技術)，結論…如果學classical的話，始終都係用傳統琴比較好。

但現實是…香港家家戶戶都未必擺得落一部upright(莫說grand啦)，擺得落又驚嘈到人，小朋友都仲可以日間練，但大人就要等放工練，返到屋企又驚阻住人睇電視又驚嘈住人瞓呀咁喎，更莫說成本問題，一部全新琴平極都萬幾座底，投資唔細的說…咁數碼琴有大概似地既音色，琴鍵touching又比普通電子琴要好一點…好過無啦…

um，小的兩年前開始學琴時選了數碼琴，最大也是唯一的concern就係無位，因為唔想擺出廳，那沒就肯定無得幾可掂到個琴，而房裡沒空間，雖然部數碼琴身型小巧，但其實都係僅僅夠放，仲要好在張書枱係電腦枱，寫字的板可以伸縮，於是收埋張枱就夠放個琴…但也就是說無咗張枱用囉…um

手勢可能已經學壞了(噢)，同埋力度上數碼琴係high一high都有聲出嘛，於是彈上堂個琴成日都唔夠力咁，特別係要劈6、7度音時(或者彈啲密麻麻的scales呀beyer呀咁)，手指就"了"極都"了"唔足個音，high一high就起番手，都唔好講大細聲跳音甚麼了，考試歌之後再彈番書啲歌仔就更感不足，襯屋企大執過後竟然有一塊空地可以放到直身琴喎﹗um…

直身琴的一百個為甚麼其中一個就是「部琴可唔可以上8級」…um，這個小的也有想過，不過budget上我唔想放太多，太貴的日本製琴剔走了(um，也就是說印尼或國產的囉target)，考慮到嘈音(在彈得熟之前那些叮叮dungdung係嘈音嚟架嘛…)問題，本來想睇吓靜琴鋼琴，據說插了耳筒就音槌不會擊來擊去，會好似數碼琴咁出模擬的琴聲，好似又ok喎，但價錢不ok呢…動輒要4、5萬元耶﹗而二手的，forum人人都幾乎說唔好，也剔走了。牌子呢，有人說tokiwa是不個不錯的選擇，佢將grand piano的結構放到直身琴上，日本製，價錢比通x和柏x低一點，不過小的到過中港城店佢都無開(但有人喺入面喎…)…放棄…。而kawai就說自從08年後佢喺祖國製造之後質素大跌…噢。剩下的y牌，問過友人和老師意見，就選了一部價錢合心意的(其實我係價錢oriented的)…總覺得好似在賭一舖咁…不過見到佢我還是會好開心的…嘻嘻

話實呢，前陣子放假時日日同佢玩遊戲(送貨的哥哥如是說…佢喺放完個琴之後就同我講「你慢慢同佢玩啦」…囧)之後，再彈番個數碼琴竟然覺得唔對路…我諗我明白所謂的手感為何物了…唔同力度出嚟的音都唔同(這是廢話)，um，數碼琴果真俾唔到呢種感覺…

不過數碼琴都仲未可以掉住，始終平日練琴可以插耳筒就唔怕嘈到人嘛。雖然說部直身可以lock中間個靜音pedal，音量小了7、8成(唔知呢，就咁彈時我覺得好大聲…試過關上房門又開衣櫃再掛晒啲衫出嚟，放部機喺廳度錄音…竟然都好清楚喎﹗囧﹗)…但始終係有聲出到，都係怕嘈到人既(而我房又連住隔離屋…um)…

又係睇forum，原來好多人也因為聲浪問題，為了夜晚可以練而掉番轉買多部數碼琴的說…

um，我諗我開始明點解有人極反對學classical用digital，寧願叫人去租琴房了…

以上~

[港劇]最後的《天與地》

2012-01-02T13:24:00.002+08:00

愛剎這個「如果，命運能選擇」的結局，邊看邊想著《年少無知》的歌詞正在感動如果現實真如幻覺般美多好的時候…呃…中年家明…做乜成個林利咁既樣？﹗囧﹗我忍唔住笑咗…

另…我想問幻想版裡GINA是患了甚麼病？

估唔到雖然結局一早被爆，但看下去還是很動容，被取消了的ROCK FEST本來只有阿YAN一個在咩都無的台到發呆，點知嚟下一個嚟下一個，最後黑仔車埋啲架生嚟，大家就在台上JAM《年少無知》，台下每個人都聽得入神(但呢首歌有PLUG過咩？XDDDDD)，連SUPPOSE驅趕人群(點解真係咁驚有人聚集呢？)的軍裝哥哥都入神地聽到跟著節拍搖的說…個畫面好有趣…

大家熱血了一晚就回到熱實，盲的盲，被拉的被拉，走的走，結局也走向結尾，完。噢，更有意思的是之後播的是叱吒(怎麼《那誰》只有第7位？唔係好HIT的咩？)…大嬴家是唱作歌手大少喎…跟住又說《年少無知》入到頭20位，阿娘唔鍚我，總算有個阿姨識欣賞，THIS CITY都仲未DIE得晒既。又說，其實我不太喜歡林狗，但佢一句要DIE都要DIE得有型…係喎﹗哈哈…

中間啲黑仔和鼓佬在生意場上你爭我奪因為事忙而一時有睇一時無睇，不太清楚，反倒是大結局鼓佬為了救個小朋友而死…而那個小朋友竟然就叫家明﹗GINA抱著他說要大個做個好人時真係好攞命…不禁眼濕濕了…

另一爆點是阿YAN走在路上又見電話檔裡走出來的家明，才發現原來阿YAN一直不能原諒的不是三個佬，而是當年佢鬧完家明放棄理想，家明說佢返轉頭就唔放棄，但當年佢還是一氣之下走了…導致家明在山上死掉…原來係咁﹗初頭仲估只是特登來個和第一集首尾呼應，原來解謎解到大結局都仲有。難怪阿YAN雖然怪三個佬沒好好照顧家明讓他死掉，但還是原諒他們了。又難怪咁多年佢都放唔低家明，連搵老公都搵個把聲似佢的…OH﹗

個人最鐘意在黑仔婚宴後，靜靜的BALLROOM裡空無一物，黑仔躺下望住瞓咗的阿YAN一幕…呀，阿YAN醒來哭著說佢係咪醒咗還真令小的動容，是第一次覺得咁動容喎…蛇視后還真是做得出色了…

三個佬，要數陳豪造型最爆，但角色複雜應該係鼓佬，明明自己係個有野心的人(才會唔想俾BB縛住要GINA去人流吧？)，因為內疚而壓抑自己去做老好人，入局失敗就索性做番自己，那個面口真係好可怕啊﹗而GINA陳芷菁…或許這也是第一部劇讓我覺得佢可以發揮…從跟老公由冷淡去到確認，但確認要跟住呢個老公時又要面對佢可怕的真面目，啲錯愕(或曰O咀)表情好到位耶﹗RONNIE…可能係發揮比較少的一個囉…

少年版嘛，最京京係少女YAN把聲，九里遠都聽到佢驚呼狂叫，兩年前嘛﹗近期的《紫禁驚雷》見佢做李詩韻侍婢時好多了﹗而4個BAND友…其實我想問佢地隊BAND有無名架？同埋有時唱BEYOND啲歌走走地音？係咪因為佢地疏於練習導致要散BAND？﹗呵，其實除了鼓佬個頭和家明外，其實我唔係好認得黑仔和RONNIE個樣的…哈…

************************************

其實呢套劇都唔算好難明啫？初初睇時不留神確係會漏咗啲細節，但轉個頭實在HINTS提番你係咩事…比起平時咩都畫公仔畫出腸，呢套劇又真係有唔同既，又說如果9點半係洗碗時間，咁太太們行嚟行去又真係好難跟足既…只是睇唔明係真係睇唔明定唔想睇得明？係覺得劇中人高呼的東西否定自己肯定的東西而抗拒了？OH，可能我諗多咗…

最有趣的是無記既反應，十足十《我的如意狼君》陳秀珠忌怕野仔胡諾言會搶走自己親生仔陳山LONE地位，搶走晒老豆啲身家咁，表面上一副親切的樣子，背後卻冷淡不堪。無記個反應都好無記啊…還好，收視不甚了了，但好野還是得到大家欣賞(而，1月尾就播戚其義新劇《4 in love》，同時又將29集《天與地》一次過放番上mytv，算係低頭了吧？﹗)。《天與地》就如大結局的ROCK FEST一樣，熱血完了…咪又繼續番無記一貫的劇集…大家又要繼續欣賞胡囧姐的精湛演技了…OH YEAH~

除了THE CITY IS DYING，小的更記得一句「趁自己成為一個不知所謂的中年人之前，去瘋吧」…小的成日覺得，打從出世開始，讀書考試搵工結婚，每一樣都有既定模式，做足就等如有成就，但呢啲野人認同既野係咪等如自己想有既呢…UM…如果逃離現實做自己的方法只有去旅行(OH﹗又係做著一樣既野﹗)…呃…WELL，出來做事確係要妥協既，不過留一點少少空間俾自己去瘋也不為過啫？

劇完了生活就要繼續，ROCK!~(其實我唔鐘意聽BAND SOUND嫌佢好嘈的…哈哈哈﹗)

港劇]《天與地》差天和共地
[港劇]又講《天與地》~如果~命運能選擇~~

2012第一篇

2012-01-01T12:30:00.000+08:00

一元復始萬像更新啦，雖說太陽照常升起，但當月份由12月跳去1月時感覺是很不一樣…嗚…又老一歲啦﹗嗚呀~

新一年，好像把舊東西都清空了，真好，又可以洗牌再嚟過~

一如以往，先來懷念一位走了的偶像，之後又為另一為偶像賀生辰，精神很分裂…
工作上，UM，其實是無乜變化的…寄出去的信(咦﹗V6首歌喎﹗我的TAG歌病越來越嚴重了﹗)都沒反應…於是小的就繼續家陣的工作，都沒甚麼啦，就是沒甚麼變化，好多工夫都做了幾年，幾乎合埋眼都曉做那種…不停的望住同事車輪轉…究竟幾時都我呀﹗﹗﹗﹗
可能公司都FEEL到小的越來越身在公司心在外…今年聖誕派對甚麼獎品都抽唔到呀﹗嗚…已經加得少人工架啦…年尾都唔俾番少少幫補我…嗚…
UM，可能人老了，心態上倒是改變了不少，公事還是會認真對待，不過只限工時以內。其實的時間要留給自己，今年已沒有放假走番公司私自加班了。
私下忙的東西可不少，其中一樣最花小的時間當然係煲劇，年頭因為一套神劇《洪武三十二》就然無啦啦中了BOBO毒，於是一條龍番佢啲舊劇包括《學警》1-3、《王老虎搶親》、《少年四大名捕》、《衝上雲霄》(不過我覺得好悶…爛了尾，到而家都未睇埋個尾)，除了《肝膽昆侖》、《翻新大少》、《鳳凰四重奏》幾套，我差不多一條龍晒BOBO的劇了﹗哈哈哈…好癡線呀﹗連國劇《美人心計》、《盛女的黃金時代》、《煙雨斜陽》都殺埋…真係勁癲…
跟住又忙住去煲敬愛的17皇兄，《真相》唔使講，一連煲晒《讀心神探》(17皇兄個CASE喺最尾幾集…於是我逼住睇晒成套囉﹗)、《ID精英》(BBQ劇呀﹗哈哈哈)((數漏了，仲有《我和殭屍有個約會》系列耶﹗雖然仲未睇完第2輯))，仲為了搵佢既戲份快速SCAN了一轉95《神鵰》(但搵唔到啊﹗)…差點就去重溫《烈火3》和《緝私群英》的了…
年尾竟然又再出現另一套神劇《天與地》…睇一睇原來小的都睇睇埋唔少戚其義監制的劇…就去補元未睇的《飛女正傳》，而原來新劇《4 IN LOVE》一月尾又來了…嘩﹗真係不能主開個電視﹗
一口氣數了好多…哈哈哈﹗於是吾博也忽然轉型成為電視博，發文的數目也多了…哈哈哈…因為一條龍完忍不住上來寫番幾筆嘛…
好看的TBB劇今年竟然唔少(如《潛行狙擊》、《怒火街頭》…雖然我唔鐘意鄭視帝和胡囧姐，我回帶)，但膠劇著實也不少，小的最給力推介當然係《萬凰之王》，呢套一出真係誰與爭瘋，本來頂唔順的《紫禁驚雷》都變得正常了﹗
喪煲劇之餘仲可以走去睇吓日劇…自己都覺得好癲…哈，仲可以偷閒開多條一條龍…宅到呢真係…
說起電視博，UM，小的其實一路無特別為吾博定位，純粹係想講乜就講乜。但估唔到啲TBB劇文反應不錯…哈哈﹗好睇既一齊讚，唔好睇既一齊恥笑，真係幾開心的說…嚟緊應該都係電視野做主打…睇吓有無咩其他野攝…
又說起吾博，十一月起搬了來BLOGGER呢邊，初初都驚一下子會無晒讀友(也得多謝大家移玉步呢)。不過小的確係喜歡BLOGGER呢邊個LAYOUT自由度大啲，加上谷哥啲十卜，小工具數見多上很多，唔使好似以前咁吓吓要自己搵外掛工具加到BLOG裡去。UM小的最鐘意既其實有啲無聊，就係個網誌存檔可以打開收埋，又可以SHOW晒每年每個月有幾多篇文，唔以以前鮮奶咁一出就出番每年每個月，如果開博年份耐啲，個格就會長到無朋友架啦…(呢個理由係咪好無聊？)
不知看倌們又無發現啲TAG突然多咗好多？係…加了好多細分類…因為BLOGGER可以加頂頭標籤，每個大的分類之下可以再細分，方便我自己搵舊文嘛…(係…方便我自己的﹗哈哈)…實在搬BLOG之後開始慢慢搬舊文過嚟，發現只有原本的TAG都係太難搵文…於是就著手再加多啲分類了…
除了電視文其他文都懶發咗的，反而玩微博就好給力，最初只係ADD喜歡的藝人，後尾玩到係又ADD唔係又ADD，哈哈…無聊搭車時走去看一看倒真是KILL TIME一流…
除了睇電視，工餘最忙就係學野囉…嗚…N1仲未PASS呀﹗希望2012是最後啦，一月開始繼續復仇之戰，要把握時間了，11年第二回時吸取教訓，已放多時間去做聽解，今回要再加強才行了…
琴那方面是逐步向穩了，每日就算幾攰都盡量覆彈一次先去瞓，著實準備不足而走去上堂的感覺實在太差了…。UM，家陣想做多步就係先試彈一吓下一頁的歌仔…因為呢…次次試彈時都在努力搵音…好浪費時間又覺得自己好笨…哈哈。至於琴試…希望座底挑4級啦…(死啦…我真係太鐘意考試了…)
其實小的偶爾係會拎西粉書出嚟研究，反正TEXTBOOK買了下來不看白不看。仲有上年開始了書法，哈哈哈﹗琴琪書畫都齊了﹗
UM，今年的願望是少買書，多清一點屋企現在的。前陣子屋企整屋嘛…唔執都唔知啲書真係多到無朋友，而且好多係買咗返嚟都未睇過，真係勁眼冤﹗

又說是執屋，就然發現小的(當年)買了《TITANIC》的精裝影碟，想起當中的一句對白"MAKE EACH DAY COUNT"…UM，太有道理了﹗

好長氣，最後一句，來自《天與地》的：就趁我們還未變成一個不知所謂的中年人之前，去瘋吧﹗每當我望住身邊某些我覺得佢地不知所謂(但同時佢地都可能覺得我不知所謂)的中年人時…心裡就不禁納悶：我唔要變成佢地咁呀﹗UM…UM…

光一お誕生日おめでとう~(暨呃文乙篇)

2011-12-31T00:42:00.000+08:00

あ、香港の時間はまた大晦日、でも日本もう２０１２でしょう、お王子様お誕生日おめでとう！

皆さんも、明けましておめでとう！( ^_^)

ラブバージョンはこちら

せっかく今日光ちゃんの誕生日だから、もうちょっときんきのことを続けよ

シンデレラ・クリスマスー一番好きなPVなんです、寒い季節でもPVを見たら暖かくなるよ＼(^ｰ^*)

一番好きなPVのあと、一番すきなCMのよ

検索しながらこのーピンクレディー Pink Lady ~UFO見つけた、怖いよ( 本物はこちら)。。。超面白いぞ。。。

本当に聖子さんに似てるよ！びっくりした。。すごくかわいいね！聖子のお母さんまで登場だよね！

バガじゃ、ハァァァァァァァァァァァ

かわいいし、やっぱり踊りながら歌うの王子かっこいいじゃ。。。。

*********************************************************
(謎之聲：這篇文很沒營養…哈哈哈…)

突然懷舊之梅姐篇

2011-12-30T07:17:00.000+08:00

不經不覺8年了，趁今天來突然懷舊一番。《一舞傾情》是小的飛佛中飛佛，甜到漏的，um，人生係要多啲正能量~

或者人生在世真係太多野要煩要諗，聽歌我真心想避開啲失戀驚天動地我好慘你做乜唔要我的歌…嘻嘻。除了《一舞傾情》(唔知點解我會將《夢幻的擁抱》和這首歌group埋的…)，02年《with》大碟入面同蘇永康合唱的《兩粒糖》都係飛佛，甜到入心，聽完好開心~(又說，《with》真係一隻好得到不得了的碟…卡卡)

唔知點解我會將《stand by me》、《封面女郎》、《夏日戀人》group埋一堆，應該唔同碟和唔同時期的吧？哈哈。《夏日戀人》我最記得係那個巴西嘉年華裝(不過音樂特輯裡著住嚟唱的歌應該係《失落嘉年華》？) 成個果盤喺頭殼頂…真係有啲不明所以的…

雖然小的小時候鐘意聽梅姐的歌，但都係聽收音機和電視，直到有親人dub了她告別舞台時出的《The Legend of Pop Queen》，小的才第一次完整聽她的專輯…當年好迷這首《touch》，仲有《教父的女人》、《列女》、《四海一心》、《回頭已是百年身》咁。直至近先有機會睇番呢啲聽到曉背的歌既live表演，搵番舊文原來都講緊5年前了…不過有得睇總好過無得睇，真係好精彩~

又是多得你管我才有機會看到這個87-88年《夏日耀光華》的演唱會…小的勁鐘意這首《緋聞中的女人》架…又真係奇怪，得支mic stand，扭扭吓咁唱…但我又睇得好enjoy喎﹗

02年小的第一次親身到紅館看她的演唱會，這首《OH NO!OH YES》第一次聽走迷上了，後來才知原來是改編明菜姐的。個人實在大愛這個live…唔講野一味唱的音樂劇…話說本來張飛係吾娘的，佢有事唔得閒去先叫我去睇…好彩咋﹗唔係就走寶了﹗

完全唔記得李中浩係乜水，也是search出嚟先知呢首《邁向新一天》係電影主題曲喎﹗講起合唱曲飛佛仲有同許志安合唱的《笑向風雲變》，無記錯應該係無記劇啲歌嚟的…

電影主題曲最入腦當然係睇了咁多次依然心up的《胭脂扣》，另一首飛佛係《川島芳子》的《路…始終告一段》，呢套戲我淨係記得有劉華同個結局阿芳子被處決是都係幾心up吓的，但劇情…呃…小的竟然係記得開首芳子十幾歲時被養父強姦…而佢著的和服是沒著底底的…um…(我竟然記埋啲咁既野﹗哈哈哈哈…)

小的真金白銀買的第一張梅姐碟是98年的《情歌》，所以對主打歌《抱緊眼前人》特別有印象(當然仲因為當年鋼條身型的陳生…um)((也因為劇集《大鬧廣昌隆》啦﹗))…同期(定前一期？)仲有《情歸何處》也是勁好聽，不過唔鐘意mv有成虫大哥啫…

又貼多個02年《極夢幻演唱會》的片，其實數快歌小的最愛這首《艷舞台》…哈。另外有《黑夜的豹》(我一度將呢首和sk姐的《黑豹》撈亂了…)、《莫問一生》(好似係《東方三俠》的歌？)，大熱的《壞女孩》、《熟女》、《烈艷紅唇》…其實我麻麻的，side track人又發作了…

兩年前入紅館睇這個show時看到這part小的可是很感動感動得差點想哭呢…所以我亦經常懷疑小的愛聽hocc是因為愛屋及烏…哈哈…看世界到處戰火正蔓延…~~~~~

以上。

我懷念的：2003年12月30日

[日劇]《11人もいる!》、《鈴木先生》、《セカンドバージン》

2011-12-30T00:57:00.001+08:00

3套劇好似風馬牛不相及呀呵？有既有既﹗

是咁的見《家政婦のミタ》HIT嘛，咪看一吓，跟住發現另一套《11人もいる!》都唔錯喎，仲係宮藤官九郎添﹗跟住有博友推介惠一爸爸的另一套《鈴木先生》，跟住小的又一條龍龍埋《セカンドバージン》，就係咁囉，我個假期幾有建設性呢﹗嘩哈哈…

唔知係咪《虎與龍》睇得太入腦，宮藤官九郎之後的《流星の絆》呀《うぬぼれ刑事》呀唔係唔過癮，但就硬係唔夠過癮…今次抱著平常心去睇，咦，又有驚喜喎﹗啲GAG無《虎與龍》(我懶唔COP番個日文名…哈)、《木更津CATS EYE》咁癲(個人覺得最癲係電影《真夜中の弥次さん喜多さん》…小的睇到嘩嘩聲？唔係呀FA…真係好癡線架天馬行空到…，堅要睇)，反而有點《流星の絆》那種攪GAG得嚟帶點溫情的(但《流》有殺人事件襯底架喎﹗)…真係笑聲笑聲滿載溫馨…UM，我是睇得比看《うぬぼれ刑事》更開心的說…(雖然有長瀨和斗真…)

當我在期待會唔會見番啲宮藤鐵膽如阿部サダヲ、猫背椿(我一度以為後母惠美係佢…)、森下愛子咁，點知睇番個演員表得演叔叔的星野源咋喎，睇番原來後母惠美都有出現喺《うぬぼれ刑事》的，唔怪得硬係好面善…

唔好意思，係咁數添…哈哈哈…

睇番啲音樂一吓講野一吓音樂一吓、劇中劇、每集固家GAG(家庭會議和反枱)((呀﹗仲有片尾隻歌))就好開心…哈哈哈，係宮藤啲野啦﹗最攪笑係當你覺得係咁架啦時…呀，忽然又會出奇不爾唔跟FORMULA變一變架啦喎﹗我…咪笑了囉﹗

UM，其實真田家個設定跟《家政婦》阿須田家都幾似，爸爸弱勢於是長子就努力搶起頭家，唔同係真田家有兩個媽媽唔使請家政婦三田囉，真田家好爆地居然可以有8個小朋友，但屋企家餐廳生意又唔係特別好喎﹗阿爸做攝影師但又無乜生意，於是阿大仔一男(神木隆之介)就要去做兼職幫補家計，本來佢係做啲好正經既派報紙和油站，做做吓為了想要多啲錢竟然去做GAY BAR，更攪笑係佢做緊野的的時候阿爸居然來影相﹗哈哈哈﹗笑死我了﹗睇博評大家都說神木DIDI好似不太放得開，唔係喎，一男認真嘛，佢一臉認真地O住個咀更攪笑喎﹗又說，我一度將佢同《流星》入面童年功一齊藤隆成掉轉咗，仲諗緊佢幾年前都仲演緊小學生，無理由一下子變高中生架…啊…我攪錯咗，《探偵學園Q》那個(但我無睇過呢套喎﹗)又講，那一水啲小朋友…神木隆之介啦志田未來、三浦春馬呀咁都大個啦…嗚…我的青春小鳥一去不復來了…

咁個故事都係好合理六公式地每集家庭裡有一個人有問題，之後就大家去幫佢解決，再穿插那個唔知係外公定外婆的小兔、班主任等等，於是每次開家族會議是才悟數親人都唔同…哈…

講起呢位小朋友，原來維基說03年宮藤的《ぼくの魔法使い》(無睇過唔知係乜)神木有份演過，跟住當時一歲既才悟( 加藤清史郎)都有演喎﹗宮藤是特登搵番佢兩兄弟嗎？阿清史郎DIDI個樣有啲似柏林仔耶﹗CUTECUTE地少少老積但又不失童真(《家政婦》裡的4妹也不錯看…)，佢一時可以童言無忌地爆幽靈惠美的說話出來嚇大家一跳，一時又笑騎騎的伸出雙手去摸人家個胸…唉啊﹗好衰呀﹗但又好得意喎﹗睇佢同廣末涼粉的互動就好好笑…雖然說才悟係唯一一個唔係幽靈媽媽惠美生的，但睇落佢地都幾有母子相喎﹗

暫時睇到第7集，每集講吓道理得嚟又不失攪笑，感覺還真不錯，希望之後一路如是最好再有啲驚喜﹗噢耶~

BTW，報復和責任TEE之後仲會唔會有其他TEE？我諗起《虎與龍》入面龍二啲攞你命三千設計呢…哈

維基

***************************************************************
嘻嘻，我諗我有少少中了長谷川哥哥的毒(無計啦，17皇兄無劇上丫嘛…，我翻煲佢啲劇煲到連悶爆的《ID精英》都殺埋啦…我唔想睇《烈火雄心3》喎﹗)ANYWAY，就因為咁，於是就找來博友推介的《鈴木先生》來看…

當我見啲卡士除了男主角外無個識之後，竟然發現《告白》的少年A和B(哈，我UP唔出佢地個名架啦…)，上面提過的齊藤隆成都有份演﹗阿齊藤DIDI士別幾年，樣無乜點變喎﹗但大唔透的樣子會唔會阻礙發展呢？(呢個時候我諗起我最敬愛的童星馮志豐，我覺得阿齊藤DIDI有啲似馮志豐的…)…小時候主角童年大個做二打六真係幾慘既…又講，阿神木隆之介有點TACKY FEEL…不過佢喺套劇度要整個老土髮型出嚟，唔知GEL(CHOK)到行時又會點呢…

呀，講番套劇，維基說係該時段95年以來最低收視的啊(2.X%又真係幾慘)，但奇怪地DVD推出後又大受好評喎﹗哈，SIDE TRACK野啱我呀﹗(但家陣《家政婦》咁HIT會唔會令長谷川哥哥有運行呢？)UM，《鈴木老師》改編漫畫既，話鈴木抱著非一段方法去教育學生，佢又唔似《GTO》、《我MISS係大佬》(唔記得原來個劇名)咁非一段，主打係觀察留神，然後一步一步搵出解決的方法，過程中個畫面會有好多佢諗緊野的KEYWORD，加埋啲情緒起伏不定的獨白，好好笑…最攪笑係鈴木老師竟然沉迷喺學生小川的幻想之中，夢入面成日同佢親熱…現實中見到佢笑會笑騎騎…好衰呀﹗哈哈哈…

又說，有呢種老師又真係幾好，會花心機同你客觀分析，而唔係一嚟就BANBANBAN…學生一定會睇得好開心呢﹗

講開又講，阿長谷川哥哥在《家政婦》入面個髮型長啲無咁覺，呢度做老師呢…戴了眼鏡勁似陳志雲(﹗)…除眼鏡又有啲似吳建豪(﹗﹗﹗)…囧﹗點解睇《家政婦》我又會覺得佢OK令仔既呢？囧﹗

鈴木先生

***************************************************************

UM，這套是SEARCH《鈴木先生》是唔覺意見到的，不看白不看，長谷川哥哥是個攪不倫戀的金融王子…劇名SECOND VIRGIN指的是鈴木京香演的角色…話佢離婚二十年來都無跟男士走在一起咁解喎…

嘩，我想話唔戴眼鏡，仲似吳建豪﹗(XDDDDDD)((點解好似同惠一爸爸唔同樣既？仲有點解才一年，個角色會由28歲變38歲？巧京京啊﹗)

套劇呢，《BIG MONEY》+《戀人啊﹗》(咦…長瀨啊﹗)…悶悶地的說…啲金融TERMS好煩，談情戲有點悶人…於是小的不停邊睇邊打機當練聽解…哈…

反而覺得深田公主演男主角鈴木行(又係姓鈴木﹗長谷川博己)老婆個角色幾好，天真瀾漫的千金小姐，結了婚就一心相夫教子，點知竟然被熟女中村(鈴木京香)搶走自己老公，本來深田公主行出嚟CUTECUTE的外型真係唔多襯套戲的風格，但睇睇吓天真的千金小姐咪就係佢囉…後尾佢向鈴木京香宣示自己先係正印主權和告發自己老公犯罪再扮足可憐時…啲心計樣又唔係一味天真(有點重拾番《神呀﹗》時覺得佢啲戲OK的感覺﹗啊﹗)…佢竟然是讓我睇得最舒服的一個﹗

另，唔化行妝LOLITA晒的深田公主，個髮型讓我想起《TO HEART》年代既佢呢…重點是，CUTIE樣子依舊，肥大身型清減了…佢同廣末都仲KEEP得OK時…堂本剛…變大叔了…囧﹗

講開又講，深田公主有新劇《専業主婦探偵～私はシャドウ》…傳說中的日版《犀利人妻》…咦，好似可以挑挑喎﹗

官網

[日劇]《家政婦のミタ》雜談

2011-12-26T22:15:00.002+08:00

其實小的看這部是有點立心不良的…因為小的好奇點解呢套劇可以咁勁，收視節節上升之餘結局仲衝破40%喎…平時見啲劇雷聲大雨點少，或掉番轉刀仔鋸大樹拎到個好收視都有，但衝到咁癲的就少見嘛…
(謎之聲：其實看好我覺得…UM…OK咁啦…)
((我會唔會俾人打？其實我想睇既係《還有第11人》呢…宮藤官九郎耶﹗突然我好想睇番日劇…哈哈))

UM，其實個設定幾係公式家庭劇，一個問題滿載的家庭，每集輪住發生唔同問題，啲問題EITHER家人合力解決，劇中四姐弟妹個SETUP無不令我諗起《同一屋簷下》…UM。而日劇最鐘意的另一件事就係有一個人行事跟其他人完全唔同，置身喺其他人既世界入面幫人解決問題後又順手解決埋自己的心結咁…。

咁呢套劇就係兩樣野都有齊。主人翁阿須田一家問題度比柏木一家高得多，阿爸走去攪婚外情而向老婆離婚攪到佢自殺，4個子女各自面對問題之餘仲要承受阿媽過身的打擊，都仲未復元之際又發現原來阿媽唔係意外而係自殺，然後攪到家變…攪攪吓又梗係離離合合中發現世上無野比家人重要呀咁…其實都幾老掉牙的…

有趣的是插入三田到阿須田家，個化學作用確係幾正，三田真係好神，家務料理樣樣掂之餘，人家叫佢做乜佢又做，想要乜佢又拎得出，佢個袋真係拍得住叮噹(我堅持叫叮噹)個百寶袋，最攪笑的是叫佢玩拋波佢又識…叫佢打佢又打…連放火都得…好神…頭幾集真係幾好笑(第一集阿媽之死攪到我喊咗…)…喺有少少老掉牙的家庭溫情劇之餘有啲爆點，唔怪得收視係咁升啦，啲預告又話菜菜子放火爆屋除衫殺人又乜又盛咁，到睇下一集昤又…CHUR…都無料到既﹗(溫情嘛﹗)咁看點…咪就係三田的身世囉，究竟佢點解會成個機械人咁，冷冰冰咁不苟言笑…

而阿三田又被抄又被請回來…跟住冷冰冰之餘又暗地裡幫一家人走在一起…UM，是估得到的…唔知集集追的人會唔會覺得被騙？不過收視又真係被追了回來就是了。咁呢家人跟三田建立了關係，越來越依賴佢唔想佢走都言之有理，不過4姐弟玩到叫三田做自己媽媽又真係有點那個喎…佢地唔係好在意媽媽架咩？唔係都唔原諒唔到阿爸啦…其實後尾幾集又點溫情得濟了…不停地講大切的東西係咩咩咩…呃…

(我會被打了﹗)

而那些攪事的鄰居(好似日劇中的家庭妣係有個唔好相遇的鄰居？)、多事的阿妹、古肅的阿爸、欺凌人的同學…UM…實在係有啲熟口熟面，包括啲性格設定和行為…UM…

呀，講開又講，排第4的小妹好可愛，成日問呢問那樣…好CUTIE呀﹗

故事是很熟口熟面的，還好三田的身世還滿有追看性…讓小的忍不住追下去(雖然佢自爆的一幕有點ODD…之前又寧願唔撈都唔講？無啦啦講晒出嚟既？)…總算追完了…。

人腳方面…我發現除了菜菜子和相武之外全部都唔識呀﹗4姐弟唔識…阿小三風間唔識…係咪我太少睇日劇唔知家陣有乜新晉演員呢？UM，睇演員表見「長谷川博己」個名熟熟地口面，但維基一吓先知其實我應該唔識佢…(雖然佢有拍《33分探偵》和《BOSS》…不過睇番角色名都唔記得係乜…)…嘻嘻嘻…我想話呢，雖然我一路睇一路好嬲阿須田惠一成日無主見又懦弱，明知對唔住仔女攪到老婆自殺仲掛住個小三，(但佢哭住講當年老婆有咗時逼佢結婚又真係好慘喎…佢話自己根本末有做爸爸的覺悟又好合理喎﹗)…呃，扯遠了…我想話呢世博己哥哥做得好入型入格啊﹗想打佢一身但又打唔落﹗

唔，我想話呢，阿須田一家係咁逼三田講出佢既過去真係好強人所難囉，係，三田的心結係被解開了，但人家唔想講又做乜要逼人講？講咗出嚟唔一定舒服啲架喎？同埋我其實有少少討厭大女的直腸直肚，直得濟囉，吓吓要將真相爆出嚟，但攤晒出嚟又係咪最好呢？UM，個人其實最鐘意爸爸惠一條線，佢性格雖然係懦弱而且弱得好討厭，想佢出聲又硬係唔敢出聲(所以大女先要咁強勢？)，但佢係最合乎人性(現實)的一個，明明係老婆逼自己奉子成婚，咁結啦，就算未READY都頂硬上，到頂唔順時就攤牌，一下子俾老婆死咗，雖然唔想但都試吓做好爸爸，卒之唔得…佢有試喎起碼…好過媽媽睇唔開一野就死咗佢丫…

呢講開又講，之前話仔女們無啦啦叫三田做媽媽時，阿惠一O晒咀地問三田唔係呀FA時…三田竟然拎張簽咗名的結婚證明書出嚟時惠一個表情超好笑…(雖然後兩集一輪咀講啲人生大道理有啲煩)…

睇番維基先知呢個哥哥仔原來77年喎﹗(嘩﹗同安室和17皇兄同年喎﹗繼67和79年的偶像後，我又開始儲77年生的偶像了﹗仲有松隆子呀﹗)之前一路做開舞台劇，近呢幾年先去做電視劇，唔怪得完全唔知佢係乜水啦…(哈…我貼得相…我想話佢個樣奸奸地得嚟幾OK喎﹗)((乜佢之前做開賤男角色的嗎？看來我一條龍MODE有新TARGET了…哈哈))

好啦…高收視的追完，要去追吓官藤官九郎的新劇了﹗噢耶﹗~

劇集主頁 / 維基

[港劇]補追的《飛女正傳》

2011-12-24T22:02:00.001+08:00

哈哈哈，我是跟風的，仔細一點嚟講應該係一條龍效應又啟動，之前一條龍喜爺就煲番《CIB刑事情報科》和《珠光寶氣》，而家被《天與地》trigger咗，就去補元番未煲的戚劇，睇個list其實好多都煲咗…數吓數吓﹗係佢啦…當年我覺得精甩邊個造型好浮誇所以無睇《飛女正傳》的說…

如果《天與地》係用一個文藝電影式方法包裝去講人性，咁《飛女》就係用黑色喜劇去講；如果《天》係偏向靜態沉默，咁《飛》就一定係癲癲地和癡癡地，好多位都笑到我收唔到聲(之後就被娘問做乜笑到咁大聲…哈哈哈)，越誇張越睇得有幾諷刺嘛。唔怪得套劇當年風評兩極，有人說爛有人說正喎﹗um，呢個時候突然諗起我睇睇埋的宮藤官九郎，佢啲劇成日都唔依常規出奇不意嚇你一餐的(個人最愛《虎與龍》，不過前陣子有啲跌watt，蠻其待最新一套《還有第11人》的說…)…扯遠了，就是說…可能久經訓練了…我睇得好過癮喎﹗哈哈哈

um，說抄呢，無疑梁巧芝個造型係幾似ugly betty，而janet bin又幾似《東方三俠》張曼玉個郁，而佢成日自己同自己對鏡講野又幾似蛛蛛俠阿綠魔的，啲超能力又確係幾美式英雄片啲英英雄人物的力量，而失控迷失自己又幾有《spiderman 3》阿peter仔變黑色那一野。點子是似的，於是就看女超人放在劇中點樣玩個故仔囉。

梁巧芝變janet bin既心路歷程真係幾似蛛蛛俠3的，一開始自己有超能力以為可以隨心所欲，又因為自己肥頭dup耳難得變索女就鬆毛鬆翼，順手去幫吓人咁點之就出名紅咗。但慢慢自己內心深處平時唔覺眼的部份如野心呀好勝呀咁就浮出嚟出現喺janet bin度，令度梁巧芝變身後就控制唔到janet bin，好多失控的事出現咗…如跟幾個男角有情愛瓜葛咁啦…攪完一輪janet bin以為可以完全控制個肉身時又良心發現，係啦，重點就係人有慈悲之心，咁樣你就唔係人，係人妖…呀…周星星對白咗添…哈哈哈。anyway，janet bin條線都幾正路的說…

um，蔡少芬當然是做得精彩，梁巧芝好嘈…(笑)，佢幾乎場場戲都要聲嘶力竭的大叫大嚷，變janet bin後又要吊高飛嚟飛去又要打餐死…(噢)…。睇睇吓又我有少少覺得演janet變太辛苦不如睇多啲阿芝的場口…哈哈。同時也想去睇吓《棟篤神探》(係呢咁既呢個名？)，李慧慧同莫作棟都好有火花架喎據說？阿楚兒媽喺《珠光寶氣》又係成日要扯行地講野講到訪晒大氣的…辛苦了…(雖然說梁巧芝係港女又多缺點，但係佢幾可愛丫…就如janet bin自己所說，做人有時要有吓缺點先好既…)

幾個男角個人最鐘意曹永廉演的徐永暉，佢個角色本來係懦弱怕事，因為被奸人所害加上家人離世，攪到出嚟之後走上復仇之路性情大變。佢啲場口好似係要暗串港劇啲常見劇情咁，例如有錢會gel頭無錢唔gel頭(連大容生阿陳鴻烈叔叔都話鐘意佢唔gel頭多啲…XDDDD)；阿芝話佢講野好浮誇，仲要佢一路講野一路推跌啲櫈，跟住俾阿芝話完後自己執番啲櫈；又如佢一日內俾幾個人打佢一巴，佢就話使唔使吓吓都打人…佢好慘呀﹗不過又會忍唔住一路睇一路笑﹗呀，仲有每次佢在山上跟大容生邊行邊傾計，行行吓唔出聲…唔係佢唔想講野而係凍…哈哈哈…最後一次佢變奸之後一時被大容生問到口啞啞唔知點答時，大容生說你梗係好凍啦…上車先講…呀﹗好有愛呀﹗而次次佢要講對白之前總係有啲《雷雨》式登登登既配樂…好爆笑…呢套劇阿廉哥仔又忠做到奸又再忠番…實在太出色了﹗

哈，未講，我最鐘意的一場係一開始透過賣電話的阿暉賣唔同年代的電話，每次佢試機都打俾阿芝，而阿芝就唔同郁做唔同事，1999年時打俾阿芝佢竟然唔係做緊野而係被癡漢強哥纏住喎﹗笑死我了﹗而呢個開場又真係幾有心思幾搶的說…(阿暉一路都對阿芝一心一意…讓我想起《天地豪情》的家雄(*唔係家明﹗*)對diana…又或者《珠光寶氣》禾仔對阿思…咦…都係楚兒媽﹗)

而陳豪…佢做得好笑過《阿sir》好多啦…見相…golden billy(黃金比例﹗wallance成日講的﹗)…笑死我了﹗不過角色上就比較弱啦…一開始以為佢係癡情醫生，之後無啦啦迷戀janet bin，被佢飛之後為咗搵錢變咗補習天王式天王巨星咁…um…我鐘意睇佢媽媽陳曼娜姐姐多啲…佢係一個artist喎﹗

um，而黃德ben，佢繼《珠光寶氣》後又同周家怡part(都真係太熟口面啦啲人腳…少不了簡慕華﹗)…我想問做乜《飛女》的楊sir(黃德ben)叫Edmond，《天與地》何sir(鄭子誠)又係Edmond既？其實佢都幾慘，明明係警隊明日之星因為想揭穿janet bin秘密而攪到工都無埋…um…不過又真係好笑見唔係木木獨獨的黃德ben(扮女人呴﹗真係無幾可囉﹗)…原來佢都攪到笑架喎﹗

不得不提二舅父鼎爺啦，點估到佢平時同阿芝喺醫院小賣部講吓人生道理哲學呀咁啫，典知佢真係律師，仲上庭打官司添，爆笑笑點是佢同檢察官係咁objection，object到我反對你反對我反對你…哈哈哈﹗我笑了﹗好似在玩緊啲律師劇咁，就如容太出事入醫院之後，醫生說醫生個樣唔一定似吳啟華﹗哈哈哈﹗笑鬼死我…仲有阿爸子明哥，佢無時無刻都在想當年，想想吓的內容跟劇情現實的事件可能無關係架喎…哈﹗um，想說套劇的人物角色設計真係幾出，卡通得嚟有紋有路喎﹗佢地有時會無啦啦講啲人生道理(如二舅父成日自己坐喺飯枱度講哲學，巴士司機又會同你講道理…)…odd得嚟又唔係好odd…(就如阿芝成日講我即係我…但我又唔係我喎…)

久不久攝埋啲時事野如活塞男和街邊bbq煲煙人超好笑…(我太無聊了…？)仲有警察內部調查科的警察竟然叫周旭明？我笑了﹗

讚又唔係全讚既，有啲位都幾長幾chup(如阿芝毀容之後一段)，不過整體確係睇得我好開心…咁咪得囉﹗yeah!~

維基 / 大典

(轉)TVB十大老套情節

2011-12-21T07:19:00.000+08:00

今朝跟博友講起琴日的呢一篇…講到興起兼笑唔停，忍唔住轉呢篇文嚟分享吓…

1.壞人向主角開槍，途中一定會有人大叫「小心」，然後撲上去為主角擋槍，如早前播映的《法證先鋒 III》，陳茵媺為蕭正楠擋槍身亡。

呢個《烈火雄心2》阿玲(宣萱)都係咁死的，同埋好奇怪，俾車撞到甚至碌過(如《潛行狙擊》的威利哥和《真相》的大C) ，應該會骨折呀成身血咁架嘛，但通常…流血既係個口先…囧﹗

2.一男一女在山洞避雨，用火烘乾濕透的衣服時，就會發生曖昧。

哈哈哈﹗呢條橋在古裝劇屢見不鮮，而唔知點解二人總能一擊即中有BB的，我懷疑如果不孕的夫婦想有BB應該試吓呢個方法…有BB十分易…無BB也十分易…只要跌一跌或碌落樓梯(例：《再見亦是老婆》的周嘉玲)

但其實呢…我想話…N年前睇日劇(唔記得係咪《若葉時代》)，有一段係堂本剛(定光一呢？好似係剛)跟奧菜惠(女仔應該係奧菜惠)去沙灘定唔知邊度郊遊，跟住唔記得係落雨定乜總之成身濕晒，佢地竟然係匿進爛木屋乙間，起個火整乾啲衫…當然…二人是赤身露體的…囧﹗怎麼時裝劇都可以有啲咁古裝劇的橋段架？﹗﹗﹗﹗(哈…我給TBB平反了…老土野日劇都有架﹗)

講起山洞有幾個不解之謎，唔知點解無論上一場係草原、海邊定邊度好啦，俾仇家追的人下一場總係會發現一個山洞，躲入去之後用雜草、石頭(AKA發泡膠)遮住洞口仇家就會唔發覺，驚叫「咦…點解佢地會唔見咗既？」就掉頭走，就算發現對方躲進山洞，醒到用毒煙攻/毒蛇入洞對付對方，洞入面的人又總係死唔去架喎﹗典解呢？(都未講…洞入而又總係會有野方便起火… 起到火的時候又總係會落雨…咁濕JEJE點起火呢？)((同埋點解山洞度會有雞？仲好白切添個樣…雖然劇情說係燒出嚟既…(((例：95《神鵰》)))))

3.不論劇中人腹部中槍、上吊或中毒等死去，嘴角都會流血。

中槍或中毒會流血都血，上吊又真係唔知點解會流血喎…睇《烈火雄心》呢…阿佑放番落嚟條吊頸死既屍係無血亦無白泡…不過一放落嚟就會嘔番口入面啲野出嚟囉…嘩﹗好肉酸呀﹗

4.每當聽到噩耗，劇中人經常會嚇得把手上的碗掉到地上，拾起時又會割到手。

哈哈哈﹗我剛剛睇緊《飛女正傳》，梁巧芝得知阿輝家姐死咗時就係成個蛋糕跌喺地呀﹗咁《潛行》嵐姐發現阿迪2達原來係鞏sir個仔時成個蛋糕一野掉落地係咪有新意啲呢？

另外，唔知點解啲玻璃跌到成地都係，正常嚟講應該掃走佢，但硬係有人用手執，又實係整損隻手…之後不外乎係關心整到手的人或佢本人自己用口吸血(囧﹗)而唔係即刻止血架喎﹗

btw，古裝片俾毒蛇咬/中毒針的唯一解毒方法都係吸血…，而吸完血的那個講完「毒血已經吸晒出嚟，你無事架啦」之後就會暈倒…(係，我講緊95古版《神鵰》…哈哈哈)

5.無論甚麼劇種，總會發生綁架等情節，早前網民就發現宣萱從 94年開始，至少在 20多部劇集中做過人質，包括在《尋秦記》被江華脅持。

仲有《雷霆第一關》呀﹗又話時話，好似都有好多套劇係將人質收埋喺車尾箱架呵？跟住靠主角打人質電話發出的鈴聲而搵出係邊架車…

6.除了大團圓結局，近年TVB十分喜愛安排一眾演員於結局時舉行 BBQ，例如《古靈精探 B》、《烈火雄心 3》和《Click入黃金屋》等。

喂仲有《ID精英》﹗(我竟然為了欣賞17皇兄的英姿而睇呢套劇…囧)不過唔同既係終於唔係喺天台…而係喺郊野公園囉…

其實除了BBQ，打邊邊都好似好常見架喎？

7.無論古裝或時裝劇，劇中人被逼至窮途末路，都會選擇跳海或跳崖，但每次均會大難不死。

哈哈﹗有《王老虎搶親》呀﹗其實我唔明…點解啲劇無論喺祖國偉大山河既邊度，都會有沙灘和崖邊…(我地理比較差，不過京城呀咁係內陸地區…最多有河啫…邊度嚟個海邊掛？)

8.當女生幫男生包紮傷口時，男生一定會望着女生，然後產生愛意。

我又諗起《洪武三十二》明明傲笑峰傷咗前腕啫…做乜要除衫嚟包紮呢？

9.每當有人在醫院證實不治，醫生鐵定只會跟演員說一句話：「對唔住，我哋已經盡晒力。」

我可以肯定，《飛女正傳》的醫生是跟病人解釋病因最詳盡的一個﹗

10.通常看完一整部 TVB劇，就會發現全香港好像只有一間醫院，一間警署和一位律師。

係呀係呀﹗睇《法證》/《刑偵》我成日都唔明點解成個香港得一TEAM差人，一班法證和一兩個律師(律師唔可以只得一個，總要有多個((可能係律政處的))跟主角打對台架嘛﹗)

****************************************************
仲有啲好重要的文中無提到呀﹗

食飯或飲茶一定係人少少但枱大大(分分鐘大過我司會議室張枱)，一定會留一個位擺CAMERA，跟住成大堆餸…而食飯時一定唔會墊枱(either用報紙/膠枱布)，最多用膠墊而已，我娘常說食完餐飯張枱有排抹…
主角的屋大到無朋友，經典例子：《真情》那間神奇魔法屋，可以住十幾廿個人住極都有，《法證3》pro sir那間超無敵豪宅又係好爆…雲石晒喎﹗幾勁(但有博友說應該係癡上去的…)，但一間咁勁的豪宅…主人房竟然在大門口隔離呢個真係讓我百思不得奇解…
主角除了有樓又硬係有車架喎﹗就算搭車都只會搭的士(而通常上車第一句：你同我追住前面架車)，好少會搭巴士(《飛女正傳》/《女王辦公室》的巴士迷除外)，搭地車更少之有少…我印象中就只有《網中人》阿任達華哥哥和駒應鈞uncle去街時的節目竟然是去搭地車﹗囧﹗我shock倒了…(拍呢套劇時是剛通車所以好新奇吧？)
話說《爸爸閉ai》bobby和喜爺的小朋友都會到一家叫BOBO CLUB(唔係我成日講的bobo呀﹗)度上interest class，呢個club竟然在《法證3》度再出現…而且exactly係同一個場…究竟呢個場地係咪真係叫BOBO CLUB？
又話說劇中人絕少請菲菲姐姐，有…都永遠只有一個演員去演菲菲姐姐，咁家務呢通常就係 1.馬姐(如《珠光寶氣》/《壹號皇庭》…但我相信而家除了老一輩大富人家外絕少會有馬姐啦？ 2.家中長輩兼任家務助理 3.鐘點
點解啲集團成日會幾廿間分公司SHARE同一座BUILDING而且實會有CANTEEN？點解我司唔係咁同無CANTEEN既？點解呀？
點解全世界都只用SE手機？(好了…史邦沙嘛…所以說《結．婚(分？)方程式》有疑似唉瘋是進步啦)…又點解全世界都只會用同一款鈴聲？(有啲劇是會用吓第二啲啦…)睇番01、02年的劇…全世界又只用N記手機架喎﹗好好笑…

寫住咁多先…諗到再寫~噢耶~~~

邁向45周年非凡夢想成就未來~2012節目巡禮

2011-12-19T18:33:00.002+08:00

(圖片刧自網路)噢耶﹗寫到第6年了﹗噢耶﹗但平時節目巡禮係癡住台慶/頒獎禮做架嘛，而家過晒氣先做…真係…唉…anyway，今年總算無miss到…噢耶﹗(自high中…)

好，也是先回顧吓上年節目巡禮的內容先：

劇集：

回到三國~據說係林lone封帝之作，不過殺出個峰霜事件令林lone走勢大不如前…喎？不過個重點係…我的看點唔唱k變咗馬明…即刻…唔…不過有17皇兄做周瑜，同演豬腳亮的林lone大鬥一番…都係一個看點嚟既
花花世界花家姐~「廢人邊有我咁靚仔」確係一個看點…不過套劇本身不怎麼樣…
點解阿sir係阿sir~唔好意思都係要咁講：呢個阿sir比花家姐更智障囉…
拳王~未播…但有二少…不過有鄭視帝…仲睇唔睇好呢？
萬凰之王~萬傻之王…爆笑之選。講完。
真相~癡線，超好睇…唔知有無得開續集呢？(我幾偏心…哈哈哈，評心而論，最後馬明個case有點虎頭蛇尾，高潮反而不反高潮了…有點可惜囉)
福祿壽.com~變成《福祿壽探案》，只睇了少少…沒有特別評語…
洪武三十二~本來我興趣不大架…典知無啦啦中咗bobo毒喎(雖然我已移情去17皇兄度了…呀…成日up的17皇兄就嚟自呢套劇…啦啦啦~~~~)
心戰~未播，不過有興趣睇…但會唔會有人因為有秋官所以唔想播呢？
麻雀東南飛~唔覺眼拍過…
only you，只有您~拍咗但無睇，不過17皇兄有個單元…我係咪要睇呢？
大太監~據說12月會開，又據說米雪姐姐唔得閒所以改成張姐，但而家張姐又唔得閒於是又搵番米雪姐姐…um…這不重要的…重點是…本來傳說話有17皇兄但又據說無喎﹗得番二少咋﹗嗚…

綜藝節目：
荃新福祿壽~咦…係咪cut淨暑假版本咋？
腦力天王~唔覺眼有個咁既節目喎？
功夫新世代~有但無睇…
東方大食遊~有但無睇…
應用第一~係咪無架？
二萬五千里遊踨~唔覺眼…
故人故事~唔覺眼…
龍騰天下~…唔覺眼喎﹗
勁歌30周年大派對~真係好唔覺眼…
星星同學會至尊版~嘩…直頭唔覺有…

*********************************************************
好了，下年會播的東東：

劇集 (之前見到網路流傳版本所以先寫了一點點，唔使打名打得咁辛苦真好﹗)

《造王者》~黎耀祥、鄭則士、唐詩詠、田蕊妮、黎諮懿、敖嘉年 (期待度：4/5)

啊…原來係鄭則士和柴九哥各自扶自己喜歡的皇子(黎諮懿和敖嘉年，阿黎lok2喺《法證3》做賤男真係幾入型入格的說…同馬明做癡漢可能會殺出一條新血喎…話時話…)上位…似會好睇喎…

《飛虎》~馬神、宣萱、羅仲謙(期待度：2/5)

90分鐘電影式制作咁勁…喎…um…不過馬神都閃人…唔知會攝啲咩檔期la咁呢？

《當旺爸爸》~夏雨、蓮達妹、馬小生、麥包、胡定欣、SIU公子、6筒(期待度：2/5)

(((見到啲名改晒就是說我一路睇節目一路打架啦…哈哈)))…劇名的「當」字係典當個當咁解…oh…我估都係830啲時間求其播，跟住馬小生又出嚟嘈話佢唔受重視…

《酉陽雜俎》~巴士高, 陳UN微、17皇兄、大C(期待度：爆燈丫唔該﹗笑)

咩人間樂土一夜遭逢巨變喎…好似話係改武俠小說架喎？好奇幻…但最緊要係17皇兄KEEP住個SEXY得嚟有啲Johnny Depp魔盜王既造型喎﹗(不過我直覺覺得呢套野都係扮吓野唔知會唔會抽囉…)((另…個劇名鬼咁難打…))

《名媛望族》~劉松仁、陳玉蓮、馬國明、吳卓羲、朱晨麗、楊怡(期待度：3.5/5)

楊怡又要做奸嘛？仁哥和蓮姐是partner了嗎？繼《原來愛上賊》之後又嚟一套…希望唔係《胭脂水粉》、《銀樓金粉》之流扮上流社會的戲啦…

《雷霆掃毒》~三哥、阿旺、鄭視帝、除紙山、滕麗明(期待度：？/5)

毒品調查科…內鬼…黑鬼…喎…唔知今次三哥係忠定奸呢？(話時話我仲未睇《刑警》…)…另…問號係因為微博那邊有人說《大太監》無咗17皇兄係抽調佢拍呢套喎…囧﹗是真的嗎？*bling bling眼中…*

《4 IN LOVE》~陳豪、佘詩曼、江欣燕、黄德斌、金剛 (期待度：4/5)

簡慕華個律師LOOK幾有王菲FEEL喎﹗~個description話只要有愛，全世界人就會親密無間…不過其實係戚其義我都睇架啦…

《耀舞長安》~歐陽震華、胡杏兒、鍾嘉欣 、馬賽 (期待度：2/5)

耀舞揚威，爭名逐利…呃…但我唔想睇胡囧姐…

《ON CALL 36小時》~馬國明、楊怡、羅仲謙、黄智雯 (期待度：3.5/5)

實習醫生…能醫不自醫喎…應該是ok的吧？

《金枝慾孽II》~陳豪、蔡少芬、鄧萃雯、佘詩曼 (期待度：4/5)

孫大人無啦啦變咗陳豪有啲京京…如貴人…唔通係如妃前傳？(不過我有點怕會破壞了經典啫…)

《神探哥倫布》~柴九哥、麥包、李司棋、楊怡 (期待度：3/5)

嘩…真係呢個卡士呢個風格應該好笑喎？起碼應該好笑過《福祿壽探案》先啦…

《衝上雲霄II》~苗僑偉(？)、吳卓羲、黃宗澤、馬國明、胡定欣、胡杏兒、徐子珊、陳法拉

又係巴士高和除紙山？阿胡囧又無啦啦同林LONE…OH…好騎…真係咪係有0靚坤架？咁說好的三哥該如何是好呢？(其實我覺得這也是一套經典慘被破壞之作…不過第一輯我麻麻地…)

(咦…《怒火街頭2》唔係重頭劇咩？)

綜藝及資訊文教節目：

品味咖啡

千奇百趣馬來西亞

盛女愛作戰~單身港女真人SHOW

星舞動全城~港版DANCINGWITH THE STARS

曾情流露~曾志偉感性節目

爭分奪秒~一分鐘來完成睇嚟簡單的任務

TVB演藝新秀大賽

登登登對~男女配對遊戲

人間樂土~向世界出發姐妹作…竟然講葬禮？

驚世瑪雅~又嚟思考人生意義？

五覺大戰~咦…無咗哈林？

世界旅行團

街坊廚神~衣錦還台

yeah，打完…歡樂既時光過得特別快，又到時間講bye bye，明年見~~~~

******************************************************

07節目巡禮
08節目巡禮
09節目巡禮
10節目巡禮

11節目巡禮

忽然懷舊之~那些年，陪我長大的古怪基

2011-12-15T12:08:00.000+08:00

小朋友們，知唔知現在眼神凌厲的古sir曾經有綽號叫古怪基？

um，爬文時爬到這一篇，真係英雄(句子係咁用啫…我無話我係英雄呀﹗)所見略同，心酸一酸(諗起自己前陣子的某一篇)，點解會咁架…呃。忍不住，賦文乙篇。

事情是這樣的，前陣子古生開show，友人問我去唔去…無興趣喎﹗這陣子古生在馬交開show，又有朋友問我去唔去…um，友人說「你唔鐘意佢啦…」…呃…是鐘意的，不過是我回憶內的那一個古怪基囉…唔想被眼前人破壞我的美好回憶，所以唔打算去…。啫係呢，偶像更替係好平常，郭城城、古黑子我的熱愛都不及從前丫，但都無話吾不欲觀之咁誇張，看倌們說小的係咪唔可以唔感概先﹗

《藍天與白雲》和《你是我信心》都是唔開心時一聽就能加注正能量的歌啊~少年那個不是強作愁呢，總想有個人能明白自己，不過又總覺得長輩唔會明，友人又不能盡訴，聽歌時會不自覺對號入座…咦，呢個人啲歌啱feel喎﹗咪中招囉。

還記得第一隻碟《愛的解釋》沒有買，第二隻《笑說想》一出就飛仆去cd舖買，聽到店家說斷貨要訂時幾傷心呀﹗點解呀﹗吓？真架﹗﹗﹗﹗(但當時又無諗過去第二度買喎…um，當年學校方圓十里只得一家cd店就是了)… 好

雖然我常說個人至愛《愛與夢飛行》，但其實《笑說想》也相當不錯，個人極愛這cut《晨曦》，自然不造作的聲線，沒有過份賣弄假音，聲線和小提琴聲都相當配的~當年的keyword是自然，而家搵唔番的了…

(oh，無原裝的cd版添)去到《第二最愛》個勢都ok的，不過據說古生唔想拍電視劇專心唱歌而被無記雪(當時佢拍的劇都好騎呢…《包青天》走去做報仇小生…呢啲野搵古黑子做就算啦…跟住又有套同樊少皇懶攪笑的，頹到只在6點播過就算)…小的當時可真是擔心會一沉不起…典知無啦啦又爆出《歡樂今宵》，假音王子之名就起了。不過，小的其實喜歡古生用真聲唱的…(有人知道有首《阿當．夏娃》和《我和你的未來》嗎？前者有點jazz feel，後者雖然係大路，但唔知點解一聽就迷上了)…。話說回來，《歡樂今宵》一碟小的最愛《can we try》。

好聽還好聽，不過而家睇番轉頭，好似都仲未逃得出青澀小男生的路線，係咪咁攪到越做越無呢？

《天旋地戀》沒看過(另一部《熱血最強》也沒看過…不過首主題曲《最後勝利》勁好聽…)，eei第一隻碟《Be my valentine》小的最熱愛一cut《影子先生》，古生作詞的…但之後都好似無乜出品了。之後的《天氣會變》、《new pattern》求變了，不再一味小男生情懷，不過據我當時身邊朋友的反應…佢地都一致被《new pattern》個封面嚇親，被《love don't hurt》個懶懷舊又有點攪鬼的曲風嚇傻…再睇埋當年越來越高的髮線…唉呀…點算呀…

經常在吾博出現的一首《幸運鈴聲》，可以和范曉萱的《數字戀愛》作為手提對時代貢獻的見證。2001年出現隻精選後古生就無咗影，後尾先知佢去了祖國拍瓊瑤姐姐的劇，紅咗…oh﹗我可是很神心地買咗ost和因為佢紅咗而出番的精選…嘩﹗娘到無朋友…

知說古生被Paco羅致兼有得出番碟真係好開心架﹗睇見金記將楊千FA推了上女金位喎﹗點都有啲期望既，不過老實講，我唔like隻隻碟都玩concept，打機漫畫又星戰，越整越大盒，算…啲歌開始為襯個歌名而夾硬作，都算，最慘係個腔來越浮誇…怎麼了？難道千禧年代就唔可以正正常常唱的嘛…

金記出品直到《星戰》呢隻被我評為終極恐怖的出品(恐怖到之前執屋時被我狠狠地掉了那個大而無當的紙盒)，個人覺得最可聽是上面呢cut《monica》…先唔講有無以前啲歌既水準…起碼詞不為match title而夾硬嚟(因為懶係要salute to pop star嘛那隻碟…同hocc《艷光四射》撞concept的)，我記得首歌是臨近聖誕時plug的，編曲也帶點節日的浪漫，好好聽~

05年因緣際會有機會到紅館看古生第一次紅館演唱會，雖然覺得佢啲造型有啲唔知想點，不過見到佢等咗咁耐終於有機會踏上紅館舞台真係好開心，尤記得黑色西裝look拎住mic stand在台上一路轉一路唱《羅馬假期》突然好似好聽咗。不過回家再翻看vcd時…呃…都是有點作狀…竟然看不下去？﹗(那個演唱會最大的得著應該係令側田從幕後跳到幕前吧﹗)

肯定好多人都同我一樣頂唔順《星戰》帶來的震撼(而我真係好討厭《愛與誠》的…就算啲歌開始加入老拍檔張佳添，始終洗唔走啲浮誇味…令我巧京京)…06年無啦啦《human》無啦啦走番《愛與夢飛行》的路線(個封面已經如出一徹﹗)…是令人期待既。只是…《愛得太遲》我不討厭(也不特別喜歡)，只係唔鐘意佢地個strategy係當一首歌成功後就不停回帶，《愛與誠》之後plug(或做)的不就是誇張的苦情歌嘛…《愛得太遲》成功後咪就翻dup一首《愛回家》，只是，後兩首收歛了外露的情感，無咁刻意賣弄了咁解。之後…咪喺度fevers囉…(據說成個collection有4種樂器，不過因為古生過檔所以只出了兩個)

《花灑》和《一刻永恆》可算是呢個時期個人比較喜歡的，少有不是被洗腦而入腦。咁講可能好誇張，但被《星戰》嚇親之後(對，真係嚇親)，開始有信心危機了，就算後藝動/eei啲碟幾頹(連《情深深雨濛濛》我都一鼓作氣去買喎﹗)，起碼會有幾首我覺得值得一聽再聽的，《星戰》是…得首《monica》囉…。之後的碟水準是回升了，不過就覺得係食老本回舊帶，感覺始終是打折扣了。

話說某次英記新碟推出，見到博友留言講開…說呢隻碟可以一聽的原因是「有番以前的感覺」…其實都好可悲，話晒唱咗咁多年…原來最感動人心的還是舊歌…呃。得承認啲舊歌由細聽到大，每首都有回憶，當然係加分…但…新歌又真係…聽得入耳嘛？究竟啲串燒歌仲要回幾多次帶呀？下次串燒粵曲好唔好？(唔係話回帶唔得，食老本也不是罪…但都要食得好好睇睇架大佬…)

讓我再cop一次《一刻永恆》的歌詞「這一世　即使見聞沿路一直變一刻永恆　懷念永不厭　風景性情人物會改變即使故意再做一遍　情懷事後便難再現回憶可珍藏當冠冕」，實在太有意思了，人世間的事物不就是這樣吧？也就是說，眼冤就不要望，望就預咗會眼冤，所以我選擇唔望。以上~

舊文：敗家實錄vol.1 古巨基

一把年紀學琴記(八)~無厘頭合格記

2011-12-11T07:23:00.001+08:00

上篇考試後記差不多兩個月終於收到成績，總算(真係總算的)合格了﹗當小的考了幾廿次日能都仲未pass N1…接連收了n次不合格通知後…終於有次可以pass吓沖喜吓了~

話實報名之後就呻笨做乜唔報3級而捨難取2(係…就係報2級嘛…)…um，我怕死囉…天下最了解自己的人確實係自己…哈哈。考考吓我真係淆底喎…(同埋我總係出奇不意的架囉…)

um，A那首歌意外地是三首pieces最高分…老師常說我拍子感不足嘛…對呢首歌是沒有太大信心的…竟然得咗喎。B那首是柔情慢歌…每次彈都係一take攪掂的，竟然衰咗最後一句第一小節，再彈再炒，考官說要下一首了…於是評說就說未完成兩個小節…肥咗﹗囧﹗C那首平平均均，只被評後段tempo有點太小心啦彈得…我心諗…梗係啦…前一首炒咗下一首唔衰得架嘛﹗

雖然友/博友都說3級以下要肥係好難的(登時諗起日能我都成日話4級好難肥架﹗不過我又真係見過…有…人…um)…咪話…真係有少少驚我創出新歷史…自從我中化肥咗oral和listening之後我的人生就不停出現奇異的事嘛﹗還好，雖然整體分數不過不失，但偶有驚喜，失分的地方也如實反映失手的地方…um…都ok啦…只係如果唔係炒粉…座merit望丁架嘛…oh well，又有人說其實7級以下都只係證明你能力去到某個level(就如考N5/4咁？我不停拎日能做對照添…)…不過收成績單時真有點當年pass日能3級時的感覺(看倌們知道嘛，當年小的傻吓傻吓寫錯考生資料…幾驚被disqualified呀﹗)…有種莫名的高興呀…

嚟緊會唔會考老師都未有提過(佢都係今年1月先講的…)暫時繼續玩吓歌仔先囉…

***************************************************************

無聊的小的其實久不久就上網search吓「成人學琴」，睇吓人家用咩書彈咩歌對照吓咁，發現…其實都係咁上吓的…哈哈…

話說左邊Alfred's成人course那本係初初search出嚟的，咁miss說ok繼續用，啲歌其實幾難的(不過好多都好好聽同耳熟能詳)，一個星期唔多夠練好(謎之聲：於是而家唔敢慣了，幾眼瞓都會練一練先)…通常係堂上彈得似似地melody和拍子有個型都過關的了，有啲自己鐘意的就mark起佢得閒彈吓當warmup咁。

上面中間那本…彈到抽筋﹗囧﹗啲豆豉又密…成日睇錯覆琴先知一路彈錯…=P…um…苦口良藥係咁上吓掛？search番先知呢本野因為太悶…好多時老師都唔用的…但見偉大的祖國對呢本又好推崇喎﹗

anyway，見好多人都post話練手指係彈Hanon，之後就上Czerny599呀823咁…去通記揭過…睇到眼都花…呃…看來無人篤我都唔會想自學的了…

跟住"Everybody likes the piano"啲歌比起Alfred's本書啲歌簡單得多，啲歌幾工整的…44拍的歌又真係成日4個4分音符一個小節…chord又簡單…好快攪掂一首巧開心…(一難一易balance番啲成功感嘛？)

um，因為小的pick咗本成人書，於是小的有走去睇番小朋友的初級琴書為典樣啦…見好多人推左圖的小(定大？)湯…um，小的係貪得意買了本返屋企自彈，um，去到book 3就有啲疾住疾住了…不過呢個都唔係問題，睇youtube好易search到人家彈的片源出嚟參照，可以解決的…不過…um…揭過Alfred's啲小朋友書之後…um…呢本黑麻麻啲公仔又唔得意…小朋友係咪真係鐘意架？

話說呢…小的sight reading麻麻地嘛，咁就除了搵本for考試的sight reading練習來做，也走去買啲小朋友琴書(如上述的JT)練習吓…見到呢本個名…For children嘛﹗典知揭落去越後越係野…返屋企search吓先知原來可以由初級彈到好上吓的…嘩﹗

但都係個封面爆啲…20年代出品嘛？

上網search到呢個website，list咗邊級會用邊啲書，可以參照一吓的說…

以上~

[港劇](事後篇)tbb萬千蒸雞頒獎典禮2011

2011-12-06T00:00:00.000+08:00

曲終人散了~雖然《真相》無拎獎…但係you're the best~~~~~

oh well，讓我事後對照一吓我估中幾多先~(今年我睇得幾投入…哈哈哈)

最佳男主角

幻想版：真相　陳展鵬　(劉思傑)/現實競猜版：我估…laughing哥

結果：law霸喎﹗咁law霸又真係做得夠放，比起鄭視帝以前斯文有禮的樣子，law霸笑嘻嘻個樣又真係順眼好多…um…可憐laughing兩手fing fing乜都無，真係唔方唔fing了…可能都俾佢開第二部電影…個獎張就吓啦…

最佳女主角

幻想版：萬凰之王　胡杏兒　(孝慎皇后) /現實競猜版：胡囧

結果：囧囧﹗um，雖然段致謝辭你頂我我頂你係幾sweet，不過囧囧在《萬凰》入面的演出…哈哈，見人見智啦真係睇你親子王國定高登派囉，實在佢被又拉又扯的推上去個位既司馬昭之心太明顯了(可憐宣萱陪襯之餘仲要做埋殺人狂魔…)，個人其實喜歡王思苦多啲，不過又無乜演技喎？都係一貫咁啫…

最佳男配角

幻想版：潛行狙擊　黃智賢　(鄧國彬) /現實競猜版：spicy ginger哥應該走唔甩啦嘛？

結果：yeah﹗spicy ginger brother耶﹗上年係麥包今年係佢…下年會係黎芷珊姐姐定係譚玉瑛姐姐呢？兒童節目喎都係…(但呢個column係男配角…哈哈哈)

最佳女配角

幻想版：真相　馬海倫　(鄭淑娟) /現實競猜版：我估係《怒火街頭》貞貞(陳敏之)

結果：索腿天后﹗咁都好正路既呢個…

我最喜愛的電視男角色

幻想版：真相　劉思傑　(陳展鵬) / 現實競猜版：正路咁梗係laughing哥和law霸一個拎視帝，一個咪拎男喜囉…

結果：law霸again，雖然呢個角色令我無咁討厭鄭視帝(話時話，佢同胡囧06年俾人講到而家…囧)…但其實巴士高的跛co都好唔錯呀，破格度不下於law霸呀…well，佢都拎咗個豬肉獎丫…成晚一影囧就影佢…唔知仲以為佢拎獎添喎…

我最喜愛的電視女角色

幻想版：怒火街頭　何利貞　(陳敏之) /現實競猜版：法拉？俾miss cool都好丫，蓮達好真係做得幾好的，不過無人講佢之嘛…

結果：囧囧﹗估錯晒添…今次玩雙雙料視帝視后…well，王思苦係順眼過皇后好多的，我回帶…

飛躍進步男藝員

幻想版：林子善　「花花世界花家姐」、「怒火街頭」、「九江十二坊」、「怒食街頭」/現實競猜版：我可以選17皇兄嘛？哈哈…其實我覺得係mc jin，捧佢之心實在係太司馬昭了…

結果：mc jin…我阿娘係咁話佢啲rap勁擦鞋…哈，咁唔擦幾時擦呀…

飛躍進步女藝員

幻想版：樂　瞳　「點解阿Sir係阿Sir」、「九江十二坊」、「法證先鋒III」/現實競猜版：樂瞳同高海寧掛？原來樂瞳就係《少年四大名捕》個小刀…真係認佢唔出…

結果：馬賽。雖然我幾鐘意馬賽，不過6筒都唔錯丫…oh…

最佳節目主持

幻想版：華麗明星賽　草蜢 /現實競猜版：《chok chok chok》嘛？唔通真係俾馬小生？

結果：華麗明星賽﹗yeah﹗係，我確係需要啲正面既節目﹗yeah﹗

最佳劇集

幻想版：洪武三十二 / 現實競猜版：嘩卡卡…我真係亂咁選的…《潛行》掛？(《真相》唔知有無機…)

結果：哈，真係《潛行》喎﹗攪到我想睇番添(中間我無睇呀…其實我真心覺得巴士高演得搶過laughing哥的…)

最佳綜藝節目

幻想版：華麗明星賽 / 現實競猜版：我諗《大廚出馬》跟《chok chok chok》一人一個掛？但《華麗明星賽》其實都幾好睇丫…？

結果：華麗明星賽﹗yeah﹗我回帶：我確係需要啲正面既節目﹗yeah﹗

最佳資訊節目

幻想版：香港演義 /現實競猜版：《水之源》？等巴士高有獎拎吓…其實我無睇過《香港演義的》，只知道有喜爺份…

結果：咦…《水之源》拎邊個《香港演義》拎邊個呀？(《香》好似拎個專業乜乜盛咁呀嘛？)咪又俾我講中等巴士高拎吓獎…哈哈哈…同埋…其實我真係無睇過《香港演義》…好想睇番添…喜爺﹗喜爺呀﹗第二輯你唔玩架啦…oh﹗

tvb.com微博人氣大獎

幻想版：陳展鵬　/現實競猜版：哈哈哈﹗拎呢個好過拎陳豪上年個乜鬼《專業精神獎》喎﹗

結果：鄭視帝喎…

oh yeah，其實除了囧囧姐(佢升呢了…)的女主角獎外(係…我真係好頂《萬凰之王》唔順的…，呢套劇已經係我undingable list的萬凰之王了…)，其他都ok呀…yeah!~

只於17皇兄…成功拎了最佳佈景獎了…哈哈哈…

以上。聽日繼續努力追《天與地》balance番…哈哈。

[港劇]星光updup耀《萬凰》

2011-12-05T07:12:00.001+08:00

我成功用節目名嚟串起3篇《萬凰之王》的文了﹗(我也太無聊…)

um，其實我唔知原來呢套劇紅到要同觀眾一齊去睇結局，原來是全2011年8點半前播的劇集最高收視嘛？﹗oh﹗唔好提9點半喎記住﹗

但點都好，琴晚小的好神心地坐低睇完整個大結局，真係歡樂無限，弄得小的忍不住賦文一番留為紀念。

佢兩個係咪好似樣呀？哈哈哈哈

um，如果如某女歌手所說我無睇晒就唔可以評論套劇…um，咁我淨係講大結局啦咁…。首先我想問做乜無記咁鐘意王爺搶皇位？《洪武三十二》已經嚟一次﹗跟住《紫禁驚雷》又一次，最爆的係，人物關係(皇后、表妹、妹夫)的設定和《紫》完全一樣，唔同只係跟王爺生仔的是皇后唔係表妹了，跟住《洪武》被搶皇位的陳山lone今次去搶番人地…um，我明，戲劇吓吓唔係要跟歷史嘛，但唔使吓吓都爭嘛？雍正要爭餐死先做到皇帝啫，攪乜康熙俾人搶…道光又俾人搶？巧京京啊﹗

奪位雖然老作，不過《紫》都叫作了一場宮廷真相大白戲俾馬小生呢個傳說中的四阿哥ko癡漢馬明(雖然康熙在呢一幕中完全係佈景…囧)；《萬》呢…oh﹗呢頭瑞親王帶三旗旗主包圍紫禁城，阿皇上要被逼退位(仲頹到要自己讀退位書)，跟住無啦啦就有成親王帶五旗旗主嚟反包圍，好爆﹗你大我三隊，我大你五隊﹗嘩﹗話嚟就嚟﹗都好，千軍萬馬photoshop會俾人踢爆…今次都費事copy & paste了…淨係對白交代就算…高潮位呢？吓？

um，仲諗住陳山lone用洋槍指住陳錦鴻會攪出啲咩花臣(和氏璧之後有皇袍加身，乜朝代既野都俾編劇大哥玩晒了﹗)，典知係…無﹗opps，估唔到最爆既位係，陳山lone被逼自殺…開槍前仲日光白白，開槍後就天黑黑，跟住阿胡囧囧自殺埋一份，二人死前情話綿綿，眾人(包括道光皇帝喎)好似街坊睇熱鬧咁任得佢地講餐飽…opps，唔怪得劇中道光俾人昏君前昏君後的鬧了…

(佢最昏都係叫林則徐銷煙銷慶英吉利人攪出場鴉片戰爭要割地賠款，開始了清朝不平等條約和半殖民地俾洋人割據時代，但從清人眼光嚟睇，一向都自命天朝大國架嘛，人家嚟係朝拜我…我鬼使俾面洋人咩﹗而佢地又鬼知經歷工業革命，洋人船堅炮利，而清人經過康雍乾盛世後開始走入中衰，輸係自不然…只係佢地不自覺，簽南京條約割個小小魚港和開少少港口俾少少錢…無野丫…咁囉…只係唔知到就係走向滅亡的開始…而阿郭峰叔叔角色行刑前鬧陳錦鴻被女色所恰…似係鬧佢個仔咸豐多啲…)

((um，其實阿編劇有無做少少research呢？真係講開又講，咸豐奕詝應為四阿哥…唔係大阿哥囉…編劇大哥講到道光得一個仔咁…人家好歹仲有個六阿哥恭親王架嘛﹗))

(((認真就輸了.jpg)))

唔講劇情講番啲郁，阿全皇后登位後好似有著番囧囧相(左)中的衫？想話啲衫duplicate得好緊要，《金枝》和《紫禁》的衫reuse又reuse，跟住宮女和靜貴人啲衫又好似衣不稱身(特別係個衫腳…會遮咗對鞋既﹗即刻唔令…

經常俾人講的猛鬼妝，囧囧演的皇后最後幾集被打入冷宮，都仲叫慎妃…但又唔使妃子look…但(右)個郁確係舒服好多…

大結局頭一個鐘慎妃和瑞親王都瓜咗…之後那個鐘可以做乜？就係睇全皇后點樣狂性大發殺人唔眨眼…囧。um，段戲應該係想帶出全皇后入主儲秀宮後想穩定自己和個仔的地位，但真係太恐怖了…好似道光話齋，殺完人可以若無其事的抄經…係人都驚咗佢啦…跟住佢仲走去求啲4種毒物+自己血磨成粉沖成的「伊蘭花茶」(難怪那一幕終於無烈艷紅唇了…原來用咗去沖茶…)…嘩﹗唔好話皇帝，係人見到自己老婆咁恐怖仲點會同佢修好呀？至攪笑係阿皇后仲問點解皇帝要咁對自己…囧

um，段戲好似隔空向《金枝》尾段如妃唔跟孔武走，自嘆自己只有留在宮中繼續鬥的份兒咁，但鬥…同狂性大發係兩回事喎…巧京京…

anyway，段戲寫得騎呢，宣萱姐個皇貴妃郁更騎呢…個紅唇想點？勁得人驚…遠遠見到佢人未到唇先到…對照番前期啲造型…真係順眼好多呢？係咪啲筆直拎晒去買化妝品所以唔係好夠造衫和外景呢？啲衫著嚟著去都係兩幾件…仲要俾靜貴人扯走咗一忽都無人發覺呢…囧﹗

啲行行企企食飯兩味的妃子們…次次見佢地都係著那件衫(阿成妃成世都係件紅色的…)至攪笑次次見佢都係出嚟講人是非…又硬係俾人聽到…囧

網上見到呢幅圖…淡色系…即刻無咁驚…哈…

last but not least，乜劇組好驚我唔知我自己睇緊乜野劇？不停重覆「萬凰之王」4個字…好煩啊﹗

(圖片刧自微博)琴晚見到的，好爆笑…成套劇主要角色可以死剩3個…(博友說…道光皇帝有文字交代佢駕崩…囧…)巧京京啊…

um，好啦，播完啦，無得笑了…等今晚睇胡囧拎視后啦﹗以上。

舊文：
[港劇]萬千星輝《萬凰之王》
[港劇]歡樂滿《萬凰》~

[港劇]又講《天與地》~如果~命運能選擇~~

2011-11-30T14:42:00.002+08:00

講堅，強烈希望無記會出OST，出番片頭片尾兩首歌同埋劇中的配樂/樂曲，實在太正了~

看微博說黃貫PAUL係從頭到尾看過故仔(劇本/片？唔SURE)一次才寫咗主題和插曲的，主題好ROCK & ROLL…片尾就有點《十八》+《笑忘書》(林若寧填詞嘛)，淨係兩句「如果命運能選擇」和「如果活著能坦白」已經觸動得起雞皮了…

很奇怪地…今次明明係打BAND…在片尾個MV度又無乜三人打BAND的場口；反而同打BAND扯不上關係的《情越雙白線》和《真相》主題曲片尾MV卻SET埋隊BAND懶ROCK咁…TBB啲野真係估佢唔到…

雖然說今年劇集有幾部都讓小的如癡如醉，不過講餘韻和追看度還是《天與地》嬴了，幾個場口如第一集的電話少年回憶記、BALLROOM飛紙飛機和琴日DR. DYLAN講社會一式一樣都讓小的感動和感觸…。食人一段也不過是個引子，社會的大眾主觀意願SET下一堆條件，要點點點咁咁咁先算合格，吃掉少年人想不一樣的丁點夢想，不就和食人一樣恐怖嘛…登時諗起魯迅曾經說過禮教吃人，人只能跑去讀四書五經考科舉才能「成功」…而家也不見得好好多，咪就係要追嬴在起跑線，三歲就要識1000個單字(還是更多？)追到入U畢業要好工買樓結婚生仔乜乜盛咁，好攰好攰真係好攰，點解就唔可以簡單一點呢？

(因為學琴而常去睇相關科林，見好多人都係細個被送去學，到學到咁上吓想將之作為終身事業時就被家人反對於是放棄了…小小願望當不合乎主觀意願時就被打壓了…但件事本來係主觀意願同意兼大推架喎？呢個世界有啲野真係好難明的…打BAND就更加唔會俾人睇好啦…特別係香港…泣)

阿YAN哭著問自己係咪醒咗一幕真係被觸動了，不自覺對號入座了，當自己也曾有個想圓的夢卻因大人意願而放棄的時候…呀﹗我都好想永遠在夢中不會醒，在夢中反倒可以自由想點就點喎﹗

套劇啲對白真係好中但又好恐怖…怎麼篤得咁中。琴日DR. DYLAN一段：「你睇吓我地呢個世界，睇下我地呢個城市係乜野樣，除咗錢呢個字之外，我地已經分辦唔出是非黑白，我地每個人都被環境訓練到，好似倒模出嚟咁。鍾意食同一樣既嘢、鐘意同一樣電視節目、支持同一種政治立場，信奉同一種生死病死的做人方法，this city is dying, you know？」(轉微博)又係應一應(仲有人肉錄音機…哈哈)…

看830的那一套，那個王爺搶皇帝位的橋竟然可以一年出3套﹗仲要詭異地都係830播喎﹗um，所以小的真係好驚喜930這套，感覺830的一套就好似皇帝的新衣啲人民咁，930就好似篤爆原來皇帝無著衫個細路咁…(um，我試過包容830一套的風格…或者真係有其可取之處呢？但我做唔到啦﹗唔理清宮史實啲野啦…((係﹗我知我唔應該太認真﹗))，淨係啲橋一而再一用再用…救命呀﹗我頂唔順呀﹗第一次《洪武》睇馬神搭陳山lone皇位時覺得…ok啦…可以再好啲，到《紫禁驚雷》…吓？又嚟？唔係fa…而家再嚟第三套…邊有咁多王爺搶王位呀大佬﹗東施效颦已經驚…而家係效上效…強大力square呀﹗真係勁京京…)umum，那些投訴《天與地》的人…um…其實多一點不同唔好咩？我都好想投訴《紫禁》寫到康熙廢到無朋友，孝莊變成深山老妖，《萬凰》將四阿哥(即將來的咸豐)寫做大阿哥…真係眼都反埋…((我知…唔應該太認真，但人無夢想就和鹹魚一樣，飯來張口不就比一條鹹魚更衰吧…))

究竟無記係咪真係驚套劇太好會影響到親生仔女拎獎而放在而家呢個so-called炮灰位播呢？係既話…佢地都仲算有點點審美眼光喎﹗

希望這一股清泉能夠好似《金枝》咁由頭帶到尾，又一套值得一煲再煲的好劇，好，努力繼續追。以上。(5/1/12後按：是成功了﹗確實係一套值得一再回味的劇集)

上一篇：[港劇]《天與地》差天和共地
下一篇：[港劇]最後的《天與地》

[港劇]《天與地》差天和共地

2011-11-22T00:00:00.001+08:00

今年的台慶劇最後一套出爐了，之前的兩套(這個和這個)吹到天上有地下無(sorry，我真心覺得係吹的，特別係古裝那套)，卒之…um，有看點既，不過係反方向的囉。今之卒之有套wow到我，同埋覺得堅要追囉…卒之有套覺得唔係笑片了…

呢套劇呢之前小的都不敢抱太大期望，一來是人腳太重覆了，陳豪+林bowie+黃德ben+蛇視后=《金g》，then林bowie+黃德ben+邵美琪=《豬肝補氣》，林bowie+邵美琪仲有套《CIB刑事情報科》呀﹗真係太熟口熟面啦…
一開始蛇視后一個大露背，then徐榮一個疑似側身沖涼倒影…嘩…咁激…um，又幾不落俗套(得到我娘一句：乜咁文藝)，簡單幾幕就交代咗蛇視后既有老公又有情夫…跟住佢無啦啦上山再撈埋個時空交錯帶出埋陳、林、黃三人，原來佢地買人係相識既…幾新鮮喎…
雖然第一野的床上(後？)戲有點美劇feel(但我是沒怎看美劇…)，then蛇視后同小弟弟交談後時空交錯諗番以前啲野，同《CIB》第一集有啲相似，話說一開始好似無關係咁講喜爺、林bowie和伍姑娘一早做乜，攪攪吓先知原來係講緊同一日喎…真係估佢唔到架﹗(其實《CIB》除了首"chasing the truth~Yeah~~~"主題曲有啲難受，generally是好好睇的…)
呀…離咗題添﹗我想話之前講的幾套劇都係戚其義監制，有佢陣除嘛…
個didi令蛇視后諗番以前同4個夾band男仔啲野個交錯處理幾新鮮(雖然令我諗起《CIB》了…)…似BEYOND咩？之前微博吹到勁一勁話BEYOND投訴套劇影射，暫時又未太看得出啊…
反倒是覺得4個男仔加1個女仔的setting好似日影《BANDAGE》，又係個女仔陪住隊BAND練歌，跟住男的鐘意個女而個女又鐘意另一個啲青春物語咁…
食人情節被吹到似係看點…巧京京啊﹗
um，想說的是呢，比起830那套浮誇風，個人勁喜歡《天與地》的subtle，啲對白又精簡，鏡頭會唔知頭唔知路…但睇睇吓又…啊…原來係咁﹗(例如個電話線didi啦…乜得佢個樣咁似周國賢？)
真是看得太舒服了﹗雖然唔知之後會唔會跌watt，上次《豬肝補氣》個頭都開得靚架，典知後尾就變咗三姊妹換夫遊戲…悶到狂fast forward…
最舒服的是…比起《法證3》pro sir那個大過乜的屋企佈景(那些雲石真係一流﹗)，辣姜哥和蛇視后個屋企竟然係實景﹗係實景﹗自從《水滸無間道》一開始張智霖間屋之後我好少見到有實景啦﹗巧簡棟呀﹗
今年啲劇好得意，一係就c9到底(如我最敬愛的《團圓》…簡直係經典)，要不就挑戰新視野，總不能忘記law霸個law，《洪武》馬神的sm和《真相》的連環爆粗啦﹗好鬼精神分裂…但總算吸引啲頂唔順tbb劇的人去煲番港劇吧…
不過見到蛇視后拎住個年幾兩年前的索愛w系摺機…唉…露底了…真係想扮唔知佢係倉底貨都唔得了…
暫時邵美琪和三個男角都未有太大戲份，期待之後的啦…希望唔好令我失望啦~

題外一個話…講開今年啲台慶劇…

接番頭的一句，幾套台慶鉅獻，最京京都算係《萬凰》，成功將宮廷爭寵劇變成恐怖笑片(《紫禁驚雷》我覺得已經係底線…估唔到天外有天劇外有劇)，點解個個妃子除了皇上以外都仲有多個男人？(阿全妃本身就有個穆親王啦﹗)…跟住個皇宮可以自出自入…之後啲妃子成日鬧交，一啲貴格都無，然後又衣不稱身…呀…算啦…真係very undingable…
呢套《萬凰》…我覺得個難頂度係《宮心計》+《富貴門》的威力…(我講得太不留情面了？﹗﹗﹗)
現在睇嚟，我都是不要懷疑黎視后當年點樣憑《金g》拎視后了…玉螢小主點及得上而家呢個皇后強大呢…如果擠眉弄眼就可以拎視后，咁麗妃當年真係死得唔抵了…
《法證3》呢，我諗佢都想做出不落俗套而且我很強大的感覺，但扮高科技不成反而爆笑了，拎部tab嚟睇word doc，print出嚟算啦…仲有唔明做乜喺室內啲鑑證人員都要黑超晒咁…真係驚佢地行路會仆親…。但到中間17皇兄有份的那個case好似正常番，雖然除紙山和唔唱k依然是etv的小學生，等柴九哥和張姐來解答，不過好似找到平衡點了，扮高科技的成份也少了，正常咗笑點也少咗，但…無咗17皇兄…我最大的看點也沒有了？﹗﹗﹗
估唔到係最被冷落的一部反而最arouse到我興趣去看…真係有趣…

努力繼續追，以上。

天與地tbb主頁

另一篇：[港劇]又講《天與地》~如果~命運能選擇~~
最後一篇：[港劇]最後的《天與地》

[純粹貼圖]：迷人pink Barbie@Times Square

2011-11-21T07:33:00.000+08:00

繼大家去看《那些年》我走去看《奪命金》後，今次係大家都去影三眼仔/hello mimi，我走去影barbie…唏﹗我是芭比…最喜歡迷人pink barbie…(好無聊呀我…)((繼德福睇聾貓之後又一發癲之作…笑))

其實你唔話我知係臨近聖誕時影…我真係唔知係幾時的…看到有聖誕氣氛嘛…咁桃紅…又唔多覺喎…anyway，我喜歡"Little Doll, Big Dreams"這一句…小小公仔確係inspire到小朋友好多野的…啲cupcake都好令呀﹗

而那幾個剪影，右下角的是閃石，左上角是真係著上barbie腳的高跟鞋和手袋，由於真係著得上去…係見到好多都俾人拎走了…有個窿喺度的…陰公…貼得實啲丫嘛﹗

去到入面…我以為會有大型芭比和阿肯喺度添﹗典知係無的﹗上電梯吊住一舊二舊野係十分之唔搶眼和唔覺眼，上到去見到個setting係間屋咁，個門都幾華麗的…行埋一睇…這…這…這…是滿清十大酷刑嗎？吊咁多個芭比喺度…好恐怖呀﹗而家大澳曬鹹魚咩﹗

行入去除了係特別版芭比的展覽，就係吊箱放住各式桃紅衫的公仔…不過好多俾人撞跌晒…瞓低咗…oh﹗

話說啲衫係搵嚟內地設計師郭培設計，咁啱前幾日蛇果報登了一幅劉嘉玲姐姐的相…條裙無著喺芭比度咁雞批feel喎﹗哈哈哈

個人最喜歡4號那條長拖尾的晚裝，很華麗，加埋個箱有鏡喺後面，倒影中有倒影，更令…好有去舞會feel…(原來這種剪裁叫page effects…學野了)，8號那條都不差既…不過有啲娘囉個色…同埋似小鳳姐會收埋十幾廿個細喎喺裙底咁款…

9號和10號前面都是刺繡，後面就係蝴蝶…小的喜歡背後的乾坤，但9號有點似睡衣，10號又有點似孕婦裝…

2號和3號的波波摺(這是我作的個名)看起來無咁腫(著喺原版公仔咁細個無計啦)，3號條裙幾高貴的，有點像旗袍…但加埋個髮型…我諗起利孝和夫人…台慶切蛋糕的一刻…

(好細張睇唔到？)卒之阿肯只在6號出現…哈…

睇完一輪就係刺激消費時間，隔離就有個booth叫大家買野…行了入去一轉…um，無乜特別啦…望望…嘩﹗呢個開胸阿肯勁京京啊﹗

望住地上的黑白地板，如果個wet floor告不牌都變埋芭比會好好玩呢﹗呵呵…

*******************************************************
跟同事講起呢個公仔…佢問我：你點玩架？

呢個真係好問題。小時候(應該係小一…)得到第一個barbie…其實我都唔知點「玩」佢…lego就切啦，煮飯仔咪煮囉，RPG啫，但barbie？唔通我自己作個故仔出嚟跟住將個公仔扮行嚟行去rpg…呃。好快小的就發現佢唔可以咁玩…係一啲都唔好玩的…

咁呢，因為當時阿娘車得一手好衫，屋企有衣車和針線，娘久不久會車啲公仔衫俾公仔(當然係大個啲既，要手抱那一種)，試過將我的校服裙車成迷你版俾公仔著(她說是因為長高了不合身，條裙無人執，掉了浪費…就reuse佢順手等公仔有衫換)…就係咁…小的覺得barbie著嚟著去都係原裝那套衫好悶…總不成日日同佢著衫除衫，要玩rpg但套衫又唔啱feel…於是就拎布碎和針線自己動手做…。而個唉啲牙喺邊度嚟呢…哈哈哈﹗梗係睇電視啦…

芭比原廠的衫個款都幾肉酸的，而且也頗貴，動手做就好玩了，基本上那水係電視做咩小的又跟住做(睇95《神鵰》時小的係做齊白色龍女裝、紅色郭芙和黃色郭襄衫的…卡卡)，衫可以自己做，就開始對佢個頭不滿意…佢把秀髮好難梳理，時間耐咗仲會一餅野化…十分恐怖…修剪又剪咗就無得救…對住個skinhead芭比仲可以點…無啦啦靈機一觸…當時針線盒入面有款棉質的線，拎上手質地係軟軟的，各款顏色都有，就繞繞整整整成一個假髮用大頭針固定喺芭比個頭度(感覺有啲似同佢針炙…重點是唔好剪晒佢本來的頭髮，剪少少，將原有的頭髮盤起，就可以當成軟墊咁俾大頭針定位，而定唔怕將個頭"long"到好大…)…出嚟感覺好自然架~咁樣，長短髮咩髮色highlight，連古裝郁都可以玩埋…死未。髮飾唔夠的時候就去飾物店搵啲娘爆唔會戴上耳的珠珠耳環做頭飾…咪話…個效果好掂的﹗(有一水小的可以願望能入tbb做戲服…哈)

不過小的繡功麻麻，繡花鳥簡單的就可以，想華麗一點就唔得了，實在有無得去上個course學一吓呢？小的真係好鐘意清裝的…

um，環保一點就係拎舊衫自己剪自己整，唔環保的就係去玩具反嘔城/玩具街睇吓有咩衫買，芭記的出品老實講好唔掂的，有一水就勁買jenny的出品，其實個size細少少的，不過ok都著得落…襯埋本人的潮色假髮…真係ok架喎﹗哈哈哈。我想話佢啲衫仲靚過我囉…後來再有bythle…就貴啲啦…唔捨得出手…。 (睇番舊文…唉…唔怪得我儲唔到錢啦…)

Little doll, big dreams就係咁吧…創意無限就不再平凡啦~噢耶~

突然懷舊之日本玉女篇

2011-11-18T07:40:00.001+08:00

(突然思潮好洶湧…唔通搬竇有助發文？)

其實我一路以為中山美穗拍戲架咋(睇《情書》太入腦了…)，原來佢有唱過歌…囧﹗
《世界中の誰よりきっと》係睇FNS歌謠祭識的，年年都有回顧片段架嘛，一聽…咁熟口面既首歌…囧﹗《衝動點唱》喎﹗(我喜歡《衝》多過《唯獨你是不可取替》的話時話﹗)聽番舊歌發現原來係改篇係別有一番樂趣，小的總是掉轉頭先入為主呢…哈哈哈…

小泉姨姨一路只知有此人而唔知佢做過乜…久不久會將佢同藥司丸博子撈亂，以為佢就係嫁過俾玉置浩二那個…OH。well，其實真正認識佢係睇《虎與龍》(和一lum宮藤官九郎的戲)，特別係《曼克頓愛的故事》，despite姨姨已經係熟女，但可愛起上嚟還是很可愛喎﹗(謎之聲：其實最深印象都係佢同龜梨啲緋聞啦…)

呀…首《あなたに会えてよかった》其實都係睇FNS識的…

momoko聽就聽得多…後尾先知係人名…跟住好奇去搵一吓…原來菊池桃子係紅極一時偶像喎﹗仲有河合奈保子…小林明子呀咁，小時小的一度以為日本女仔一定叫咩子物子的說…哈哈

篠原涼子原來唱過歌都係後來先知…哈哈哈。原來佢呢首《恋しさとせつなさと心強さと》咁勁係賣過200萬﹗仲原來係同小室哲哉合作，仲仲原來係標誌小室時代來臨…94年…咦，安室差唔多過AVEX啦喎…遠目…

一路我以為涼子大姐係拍劇架咋喎…(上述資料是睇維基得知的…以上。)那個甚麼東京勁舞娃娃係咩嚟架？個名咁可怕既？

哈哈哈﹗又係睇FNS﹗本來我都只係識甚麼護士那套甚麼甚麼，某年睇FNS見到亞里莎姐姐以護士look出場，開始唱時竟然扯開件制服變成一條背心裙﹗囧﹗咁邪惡既個idea﹗囧﹗

anyway，從FNS回顧片睇到呢首《TOO SHY SHY BOY!》又係小室作曲…巧京京啊…莎姐個郁…

《ドリームラッシュ》…um…都係click click吓先知原來宮澤理惠姐係有唱過歌…原來佢同上面亞里莎姐姐和牧瀨里穗係風行一時的美少女，合稱「3M」…啊…

鬼咩…我知有呢個人時佢已經同貴乃花…貴花田？﹗﹗﹗﹗訂婚又離婚…睇到我頭都暈…囧﹗個相撲哥哥個名…

又是一個りえ…呢個會熟悉啲，睇開《金田一》嘛，不過佢後尾都好似減肥減過龍…OH。首《エスカレーション》在吾等友儕可算風行一時的說…

我有無講過其實我唔鐘意idol年代的涼粉？佢人氣越跌小的反而越支持佢…至熱愛《一夜夫妻要結婚》(很爛的翻譯劇名…)…難得豐哥角色唔係啲冤口冤面死人lum樓樣嘛…

anyway，雖然我唔鐘意雞仔聲…不過小的幾喜歡idol年代的呢首《マジで恋する5秒前》，輕輕鬆鬆幾分鐘咁，好開心，襯晒佢當年短髮爽朗少女型象…yeah!~

好肥呀﹗睇《上帝》時小的幾buy呢個妹妹架(《新聞女郎》架都仲有)，雖然佢好肉地，但啲苦情呀內心戲又ok喎，臨尾生女一幕喊到我死呀…好慘呀﹗卒之佢都係死咗(雖然我認真地覺得明知自己中咗招都仲要去生仔…對個小朋友嚟講都幾危險…)…嗚﹗

又無聊聊地其實我有聽佢頭幾隻碟…至愛呢首《how》…難得唔雞仔聲…

Last but not least…永遠的偶像啊~睇演唱會版…百惠姐唱完《さよならの向う側》放低支咪就走人真係好有型，而且佢勁在喺最紅一剎那退出，而之後堅決唔復出(好多女星都係結完婚生完仔就復出的嘛)，真係留住喺藝能界最美一刻，型﹗

btw，百惠姐老公三蒲友和啲戲我只睇過近年的如《流星の絆》和《薔薇のない花屋》…小的唔知點解覺得三蒲友和呢個名好鬼《足球小將》…哈哈哈﹗

以上。

[港劇]歡樂滿《萬凰》~

2011-11-17T22:18:00.002+08:00

其實我無睇《萬凰》的，但見博友談論呢個食鬼之神就忍不住去看一吓了…嘩哈哈﹗

即刻諗起《洪武》啲飛鷹花綉，咦，唔通阿王爺就係建文帝轉世，小喬轉世成福晉…咁阿映雪轉世成妃嬪…(咦，阿傲千戶就係喺山洞度自斬手架喎﹗opps﹗山洞發生的事都好可怕啊﹗)

跟住呢…原來阿皇后係福晉個表姐，跟住皇后又背住表妹同舊情人死灰復燃，咦﹗同《紫禁驚雷》一樣喎﹗不過今次阿王爺無話要搶皇位啦嘛？(因為佢前生俾人搶過所以寧願舒舒服服做王爺算？﹗嘩哈哈﹗我在作故仔呀﹗)((劇組在東拼西湊整個故仔出嚟的嘛？))

陳秀珠姐姐在《金枝》做惡毒皇后要攪到所有妃嬪無BB生，佢既技倆係收買太醫去毒啲大肚婆；今勻佢地先進呀，用磁石喎﹗BTW，唔係話太醫要隔個屏風嚟同妃嬪把脈架咩？

你有食鬼之神咩﹗我都有刀疤乙條﹗

個山洞啲雨好正…假到無朋友…

睇的時候(之前博友都有講過)，阿皇后呢頭滑胎，邊有咁快又排卵呢？佢嗰頭就去搵人借種…玩咩…定係時日如飛劇組用咗快鏡我唔知呢？皇宮去熱河唔使幾個月架？(我又太認真？)

唔知點解阿全皇貴妃咁樣畫個咀令我覺得似藝妓，又有啲似盧海鵬扮女人…

無啦，我主打係想CAP吓個食鬼之神啫…淨係一集都咁歡樂，睇晒成套真係唔知點算…哈哈哈﹗以上。

我們的青春小鳥~ICQ

2011-11-17T12:18:00.001+08:00

友人說一開番個唉斯蕉個個人的info都轉成「那些年…」呃…可唔可以唔好再那些年呀…好悶呀﹗

不過唉斯蕉又確我吾等呢一代的「那些年」…我的青春小烏已經一去不復回啦﹗

成件事同之前line都如出一徹，都係無啦啦有個通訊app，跟住有班人無啦啦喪用，之後洗fb版叫人add佢…但上次就無啦啦有堆叫人唔好用的新聞飄出嚟line就死得無影無聲。但今次出現的竟然係唉斯蕉﹗opps﹗突然大家都拎番自己個no.出嚟試login…跟住login到又出現番n年前的contact list…其實唉斯蕉係咪真係食住《那些年》條水…夾正時間，等n年前玩過的人重拾當年的情懷呢？

小的試過login了…可恨被人hack咗連email都轉埋，send過feedback去icq度問但沒有回應，看來我沒機會回味這個了…

物換星移，人非但身還可以是既，今日再開，account的數字已是6字頭9個字，n年前初玩時第一個acc 9字頭8個字(所以常被以為係手提…)，跟住再開的是1字頭9個字，隔了n年6字頭了…真係時日如飛…

初初玩時剛轉到一個新環境，剛剛識的朋友問完手提就係問icq，跟住返屋企就掛住同一chat，唔知做乜架喎，但就係覺得對住個電腦傾計好得意囉…同埋傾功課呀傳doc都快過email好多，有一水真係無咗佢會死的…。之後的msn雖然功能更強大玩意更多，但始終都唔係嗰皮，或者呢啲就係先入為主…。

um，開唔番個舊acc都有開唔番的好，讓一切隨風。一總唔可以成日掛住那些年既，家陣唉斯蕉都linkup fb啦，明日黃花可以轉眼變翻生，世事既野真係無奇不有…

umum，我都係吹吓水回憶吓啫，唔知今次唉斯蕉的風潮可以玩幾耐呢？應該耐過上次line掛？

突然懷舊之吳奇隆篇

2011-11-15T00:00:00.002+08:00

話說因為睇《步步驚心》而無啦啦忽然柿龍粉絲，於是就從lone底搵番佢啲歌出嚟聽，um，想當年台灣四小天王，小的係比較認識林志穎，四爺既數嚟數去都係那幾首…今日一click你管…好多開心大發現喎﹗巧京京呀﹗

竟然有個2010全新合體版﹗

um，真係巧京京呀﹗竟然係草蜢《滿身火燙的女人》國語版﹗實在係太可怕啦﹗時期都應該係差唔多90年上下，兩隊人當年個郁都充滿少年隊(定
苦柿隊呢？草蜢初出道應該都係走呢個路線…仲似小虎隊過香港原來那隊小虎隊…)的影子…啲舞姿呢小虎隊跟得足啲，啲轉身踢隊真係得盡J家真傳啦﹗唉呀﹗好娘呀﹗睇得我好開心忍唔住要發文嚟表達吓我對呢個開心大發現有幾開心添﹗

阿乖乖虎一個乖樣但chok啲懶型既舞姿真係好爆笑，阿陳志朋個留海那個彎度仲勁過會展呢﹗好爆﹗真係好90年代…哈哈哈…

更開心的發現是徐若瑄來自的少女隊竟然和小虎隊合唱過…台灣當年都cop得日本好足喎，不過日本的少女隊好似唔紅，甚麼小貓乜鬼隊又淨係紅咗工藤靜香，仲有隊乜鬼wink(？)好似都唔玩得耐…

後面啲dancer身穿一件魚網有袋背心襯白tee…成件事好的士司機，呢件see through背心我從來都只在的士司機身上見過…典解會有dancer拎咗嚟著架？﹗﹗﹗…啲舞姿真係好爆…跟住呢個live又要mine咀，但最攪笑係唔知點解一嚟就「追追追…」(我當年改過做「追追追我追到中環追到跑馬地…」…死囉…典解我會記得？哈哈哈)…完全無晒intro…囧﹗我忍不住笑了…

話時話，柿龍有首《追夢》，小旋風有首《戲夢》，都係好聽的…

好在我受郭城城恐怖mv訓練多年，啲大字腳、踢腿、轉身既娘極舞姿我睇慣架啦﹗有片為證…不過都係忍唔住笑既…又講，當年陳秀男和陳大力都好多產…啲歌成日都有佢地份制作既﹗

呢首又係佢兩個作的﹗我只記得有首咁既歌名既歌但唔記得首歌點唱了。話實柿龍啲歌係好似正常啲，唔似郭城城那些咁嚴重超齡少男喎﹗(如果唔信的話試吓聽《你是我最寶貝的寶貝》和《我想偷偷對你說我愛你》丫…﹗都唔講《我愛你》了…咦，我成日講郭城城添…)哈哈…都係那一水嘛…

原來知名金曲《煙火》就係《一天一天等下去》的國語版，記得當年柿龍拍完《梁祝》勁紅，仲無啦啦唱埋廣東歌，啲發音純正得嚟有啲唔純正，哈(其實是ok的啦)…。不過最爆既係…佢老哥都好鐘意裇衫入面一件背心，跟住件裇衫就在跌膊…嘩﹗仲唔令啲少女驚呼狂叫﹗

「如能愛~~~便愛出個未來」…講堅，真係好好聽，當年睇完《新同居時代》就迷上了，搵帶聽，之後搵cd dub，再聽到mp3…呀﹗真係「離不開~~~~~」…um，套戲都好睇的，話時話。

繼續發癲搵歌聽先~yeah~追追追我追過狂風追過我自己~~~~~

[港劇](誤)tbb萬千蒸雞頒獎典禮2011

2011-11-14T07:03:00.005+08:00

(圖片刧自微博)

實在太癲了﹗估唔到從前都無去勁多蝦碌投票俾我歷年偶像(對唔住呀郭城城﹗)的，今年竟然會走去投萬千蒸雞頒獎典禮喎﹗um，對住laughing哥和law霸，唉…入到5強都好丫…17皇兄加油呀﹗(癡咗線)

最佳男主角

幻想版：真相　陳展鵬　(劉思傑) <<(呢個即係我投咗的…幾近狂想，唔止幻想了…嘩哈哈)

現實競猜版：我估…laughing哥吧？套電影版都拍緊囉，仲要聖誕上，12月5號頒完獎順住做埋promotion，成件事幾完美呀，咁law霸係hit係拍緊第2輯，但拍緊唔知幾時上丫嘛﹗但話時話呀，講角色突破其實我覺得巴士高演的跛co更爆的，突破咗佢之前一路的乖乖仔路線，古惑仔之餘仲要係個食腦的喎，最衰佢死咗啫喺套劇度，唔係做《潛罪犯》再鬥智鬥力一番應該會幾好睇喎﹗

(做乜個formating係都唔俾我隔行？)

最佳女主角

幻想版：萬凰之王　胡杏兒　(孝慎皇后)

現實競猜版：楊怡竟然係《魚躍在花見》提名而唔係《真相》或者《不速之約》喎，即刻差咗啦。跟住除紙山和陳法拉…um，madam jo雖然係幾討好，不過發揮度其實又唔係好高(雖然佢臨死放開laughing手的一笑是讓我很心酸的)…我估個勢都係俾胡囧架啦，成日話要捧第二梯隊既花旦上位嘛，胡囧在當中係資歷最耐的一個，同埋都唔會要佢再好似06年咁食多次白果嘛？雖然我唔覺得《萬凰之王》好睇囉…

最佳男配角

幻想版：潛行狙擊　黃智賢　(鄧國彬)

現實競猜版：spicy ginger哥應該走唔甩啦嘛？蛇果報說岳華喎，咁羅樂林叔叔有無機呢？

最佳女配角

幻想版：真相　馬海倫　(鄭淑娟)

現實競猜版：陳un微喺《真相》個case度做援交上位姐仔係幾搶，不過咁都當女配角？咁大c真係死得好慘喎﹗其實我估係《怒火街頭》貞貞(陳敏之)，黑馬係江美儀…但海倫姐鬧仔把聲實在太搶…我不禁要拜服在佢邪惡的聲音之下…

我最喜愛的電視男角色

幻想版：真相　劉思傑　(陳展鵬)

現實競猜版：哈哈哈﹗我梗係要支持17皇兄，以tbb乜都夠膽死同埋呢個獎成日做安慰獎既成份嚟睇，17皇兄未必無機架﹗正路咁梗係laughing哥和law霸一個拎視帝，一個咪拎男喜囉…

我最喜愛的電視女角色

幻想版：怒火街頭　何利貞　(陳敏之)

現實競猜版：法拉？俾miss cool都好丫，蓮達好真係做得幾好的，不過無人講佢之嘛…

飛躍進步男藝員

幻想版：林子善　「花花世界花家姐」、「怒火街頭」、「九江十二坊」、「怒食街頭」

現實競猜版：我可以選17皇兄嘛？哈哈…其實我覺得係mc jin，捧佢之心實在係太司馬昭了…

飛躍進步女藝員

幻想版：樂　瞳　「點解阿Sir係阿Sir」、「九江十二坊」、「法證先鋒III」　

現實競猜版：樂瞳同高海寧掛？原來樂瞳就係《少年四大名捕》個小刀…真係認佢唔出…

最佳節目主持

幻想版：華麗明星賽　草蜢　

現實競猜版：《chok chok chok》嘛？唔通真係俾馬小生？

最佳劇集

幻想版：洪武三十二　　

現實競猜版：嘩卡卡…我真係亂咁選的…《潛行》掛？(《真相》唔知有無機…)

最佳綜藝節目

幻想版：華麗明星賽　

現實競猜版：我諗《大廚出馬》跟《chok chok chok》一人一個掛？但《華麗明星賽》其實都幾好睇丫…？

最佳資訊節目

幻想版：香港演義　

現實競猜版：《水之源》？等巴士高有獎拎吓…其實我無睇過《香港演義的》，只知道有喜爺份…

tvb.com微博人氣大獎

幻想版：陳展鵬　　

現實競猜版：哈哈哈﹗拎呢個好過拎陳豪上年個乜鬼《專業精神獎》喎﹗

其實我估野好差的(睇港姐就知)，通常我捧的都會輸，而我估佢輸的又會中…um…

**********************************************************
之前有好多親戚朋友們send俾我的11月26號中山之旅…full咗啦…btw…講開又講…

忽然懷舊~蘇永康《給那誰的》

2011-11-11T07:00:00.001+08:00

得承認…我在自high了，星期二看完演唱會後即刻開mp3裡蘇生的歌嚟聽，然後又找來佢老哥新碟…﹗最近仲有Kinki和草蜢出了碟…邊聽得晒呀我﹗吼﹗

新歌正，舊歌好，真係唔知典算好，不如新舊都來寫幾句丫…~

原來這次concept是翻唱+一首該人/單位作的新歌(謝睇show時友人資料提供)，我淨係知plug咗《那誰》和《別將音量收細》咋喎﹗(17/1/12後按：經過我幾個月來的喪煲，這張碟真是越聽越喜歡﹗)

1.那誰/13.那誰沒有下次

呢首很hit吧？唔知呢，我覺得呢首係一首歌詞很順口，適合大家在k房裡大合唱，又或者失戀者自傷自憐的歌囉咁…(死啦，我會唔會俾人打？)

黃韻玲：2.關不掉的收音機/3.別將音量收細 (國：12.沒玩沒了)

《別將音量收細》我以為係翻玩《請將音量收細》，um，歌詞上是有一點呼應的吧？(噢。其實我想說的是歌詞有點不明所以…(不過作為演唱會opening係幾有氣勢既…)…。《關不掉的收音機》原曲沒有聽過，第一次是在演唱會時聽，很groovy好好un的啲babala…like﹗

Rubberband：4.SIMPLE LOVE SONG/5.忘了簡單

新歌《忘了簡單》未聽入腦(淡淡然的，是雖要多點耐性去咀嚼既)，《simple love song》原曲聽到入了迷，都說RB可能係金記最正常的一隊(或許仲有梁生既…但佢張演唱會海報很可怕)，家陣蘇生整了個JAZZ版…又是一千個好聽…(咦，好似我鐘意啲翻唱版多過啲新歌喎？)

雷仲德：6.點夠喉/7.怎夠喉
《點夠喉》好似係阿Mark哥唔知組過的邊隊band既歌吧？我記得有首咁既歌呀，估唔到翻玩的了版本又ok喎(其實係我唔鐘意懶band sound既野好嘈啫)((玩到變santana咁又幾有型﹗)。今次首新歌《怎夠喉》我有印象丫﹗(個show播的片係個著住比堅尼的少女不停show body，點會唔記得丫…)輕輕快快又有點sweet的，聽落很舒服，despite個歌名有點粗俗。

鍾鎮濤：8.一段情/9.七日鮮
怎麼B哥哥個樣越整越似領導人？(佢有現身蘇生演唱會合唱了《一段情》和另一首歌呢)，呀﹗《一段情》聽聽吓又有印象細個聽過喎﹗(仲有首《信是有緣》也是好好聽的)，嘩﹗啲翻唱歌好係我杯茶喎﹗新曲未聽得熟(新歌講事物來得易去得快，比起以前一段前講一生一世…呀﹗時代進步都唔知係好係懷了…)

陳奕迅：10.落花流水/11.春去也
《落花流水》歌詞好靚，不過曲子就不太特別，如果蘇生玩《人車誌》會點呢？um，新歌也是未聽得熟…(原來歌名是來自一句「落花流水春去也」…《春去也》好好un~)

係啦，看倌們見小的不停說「新歌未聽得熟」…無錯，小的超愛幾首翻玩作品，新歌就被擺埋一邊了。不過呢水不停loop隻碟，總會有聽得熟既一日既﹗其實係咪回歸華星，所以蘇生和丁太一樣都著意玩回歸基本步呢(其實kinki新碟都搵番好多舊日hit歌的作者嚟造新歌的說)，不過點都好，好聽和鐘意就得啦~hohoho。

********************************************************
忽然懷舊一番先：

竟然會有﹗um，《失眠》係由細聽到大，不過呢隻碟就最近先喺圖書館偶然見到(其實圖書館個cd櫃真係寶庫嚟的說)，就借了回家聽啦，除了《失眠》街知巷聞，陽光lemon tea《Sol #4》又係好hit，小的最喜歡呢首《擁抱吧》，好鬼好un的說…

《燈火欄柵處》

《假使有日能忘記》

《讓我暖一些》

《從來未發生》

本人至愛的《皇庭》插曲(其實馬小生有啲都好聽的，仲有第四輯成日loop的《Dreaming of you》都係勁好聽)，以歌論歌其實幾k的，歌詞又不特別言之有物，都幾為求順口就塞啲字落去(不過又未到太過份的境界)，但聽落有感情嘛，雖然分唔清邊首係邊輯…第一粒音響起已想跟住唱，感情分大晒囉~

以歌論歌應該係《獨立宣言》hit吧？小的記得當年有個id card sponsor的節目，蘇生主持同人吹吓水咁，那水成日夜晚追劇，於是就睇埋個節目，咁個節目既主題曲就聽到入咗腦…究竟首歌係叫《秘密宣言》定《深夜宣言》呢？

我都好鐘意藍色的…卡卡…

《情來自有方》其實都幾k，歌詞係極度順口…但唔知點解小的聽得好入迷…如果當年手機有得用mp3做鈴聲的話大概會選呢首的了﹗(哈，小的選既都係好大路…)

呃？點解得國語既？其實我覺得李彩rain小的的演譯是…um，是可以更好的，不過首歌配上個咖啡廣告竟然出其地對味…

上隻碟《So I Say》的一cut，尤愛歌曲臨尾時的一句：the place I love the most, Hong Kong~好有型，但又真的，走遍大江南北，最舒服的始終都係自己屋企，唔好理佢有幾唔好幾多缺點，um，就係咁囉。其實呢隻碟真係幾ok的，不過好似沒有太受注目就是了。

yeah﹗貼完﹗以上。

快餐雜記

2011-11-10T07:08:00.000+08:00

事緣係雞記極速將「封味鍚紙烤系列」出了兩款味，弄得本人都心思思走去吃了，嘩﹗油到無晒朋友﹗

下面那個香草味是先前推出的，上面的牛油蒜蓉是琴日吃的，其實我想話呢個烤雞系列以味道來講，是好味的。肉質比平時任何一款雞都嫩滑得多，有幾何食到唔係滴油而係肉汁的雞先喺雞記？

個味是ok的，不過食完個口啲味就唔ok，刷幾次牙先洗得走陣勁味最重要的是…一打開個錫紙…嘩﹗啲油多到可以俾阿媽煮幾日餸﹗好可怕﹗好可怕真係好可怕﹗難怪好味既野都係無益的了…

加1蚊轉的古古力葡tart，古古力其實都被蛋味掩蓋了，同埋次次同店員講想加1蚊轉古古力tart時，佢地硬係以為我加多個…巧得人京囉…試過幾次囉…(唉…雞記啲service真係麻麻地的…)

Burger King啲包就食得多，早餐都算第一次，除了個鬆餅有啲硬(同埋無果JAM…我被老m縱壞了…)，舊蛋煎得好硬(呢水食得多嫩滑炒蛋嘛…)，個蕃茄有得刺身的感覺(係咪煎一煎熱啲會好啲呢)，塊豬柳有啲油(ok…這是我個人preference)，啲薯粒有茄汁的話會更好(可能店家諗住大個蕃茄喺隔離仲使乜茄汁…)…

呃，整體而言，就是可以更好的囉個餐…

n年無食過時新，趁去睇演唱會時幫襯一吓，完全唔知而家有得自選醬油，叫餐時…因為小的討厭沙律醬嘛，就問哥哥仔係咪有呢個醬同有無得走咗佢…哥哥仔一臉木然，用支筆一手篤埋收銀機前面個牌度：嘩﹗乜而家有茄汁、黑椒汁、咖哩汁等揀，小的就選了一個至9唔搭8的咖哩汁來試…喂，是相當ok的喎﹗

不過係因為舊包比較硬，於是一路咬佢一路爛，滴到我成日都係汁…卒之轉用刀叉食。個包加隻蛋都係13蚊，連埋汽水19蚊，唔係咳未清的話真係想整多隻雞翼…

燒雞翼…我鐘~~~~意食…

最近大愛的華星冰室，佢個快餐有叉燒通(或意粉)、炒蛋+火腿+多士，整多杯野像盛惠30，好飽好滿足，乃係去溫書之前常吃的。

某次友人叫了個好高貴的黑松露炒蛋…eeeee…似茶葉喎個樣？

我諗我食炒蛋食到上癮了，完全放棄了Flying Pan…咁食egg benedict講緊100蚊有找…食個快餐一次頂三次呢﹗um，都係食啲經濟實惠既好…well，同埋我鐘意呢度坐得舒服啲，唔似澳牛金鳳那些極速上枱等你極速食完走，大佬，食得咁急影響消化嘛﹗

有華星當然要有埋附近的北海道牧場餐廳，個餐包含既野係exactly一樣，不過跟華星冰室那個比，個通粉既湯底就濃味啲(係咪加咗奶呢？)，但個通粉既份量就少啲，pat蛋不分上下…哈

分別就在於…內容一樣的餐北海道(﹗)那邊要36蚊，貴華星6蚊喎﹗唔通就係個湯值呢6蚊﹗其實我想問，除了佢聲稱的使用北海道牛奶之外，成間餐廳食既野係一啲都唔北海道喎﹗至少北海道應該唔會食港式叉燒吧？﹗

無聊的我無聊大發現，北海道牧場餐廳入面個洗手間…盞燈好靚﹗嘩哈哈﹗我真係好無聊﹗哈。

3日兩場以歌會友：張敬hins和蘇永康演唱會

2011-11-09T07:49:00.002+08:00

星期日睇完敬hins《港樂x張敬軒交響樂音樂會》，轉個頭琴晚又睇so康的《給那誰的演唱會》，忍不住要留低幾隻字，真係巧開心呢…卡卡…

《港樂x張敬軒交響樂音樂會》~從My Way 走到Why Not

敬hins可以說是第一個逢開show小的都捧場(仲捧到去馬交﹗)，諗起都幾癲，數數手指今次係08年以來3年第4次了(仲有一次《柯迪夫》…囧﹗)…哈哈，想唔認係忠粉都唔得囉…

其實唔知係咪紅館魔咒，有時我唔明明做乜硬係要張生勁歌熱舞一番，真係"登"佢心驚膽跳架嘛(勞氣了…XD)，睇馬交那場《軒動心弦》，像樣了﹗不就是想聽佢唱歌嘛，勁歌熱舞都CUT走了，哈。今次直頭連dancer cut剩兩個，仲要喺一首歌度出現而已，真係純聽歌者唱歌跟HKPO的演奏，真太爽了。即係呢，我唔明點解要做齊doremefaso既演唱會先叫抵睇？有時都要睇吓個歌手強項係咪那幾瓣架，有時勉強無幸福架。(我聲明，敬hins跳舞唔係差既…哈哈)

連頭段尾段和將LIVE分拆的四部份所選的歌曲，其實應該比平常紅館SHOW歌曲少的，除了佢老哥的首本名曲(今次竟然無唱《My Way》了…要多唱嚟緊新歌的主打囉…)，仲選了幾首向前輩致敬的：《脈搏奔流》(敬hins真係好愛丹尼哥哥呢)、《蔓珠莎華》(那個丁字腳的pose真係好爆﹗)、《大熱》(fing埋頭先正架﹗)、和《明星》，同埋彈豎琴伴奏的《等了又等》，耳油是聽出了…

第一晚嘉賓是二彎娜，第二晚是hocc，第三晚是明哥(怎麼我睇草蜢時係佢…睇敬hins又係佢﹗)，二人合唱《迷失表參道》是敬hins說錄了幾個版本，覺得最像樣就是參考佢老哥個腔了…但實在明哥一唱…啲迷幻feel跟佢本人又真係好對味喎﹗但都唔及敬hins喺台上拎隻碟出嚟叫明哥簽名爆…哈哈(明哥獨唱的《預言書》又係好正囉)…

原來這是敬hins十年的project(咦…我粉絲失格了？)，10年啦咩？係喎，香港plug《My Way》時係03年了，記得我係沙士時仲走去信和買碟的(XDDD)。不經不覺，真係時日如飛…今天在我心裡…OH，離題了。當時小的遇上有生以來第一個最大的問題，收音機邊響起《My Way》，邊聽邊流淚至今仍然歷歷在目。自此佢老哥的歌一路陪住小的走過高高低低開心唔開心，聽《Deadline》時特別感受深刻。從前很單純地想創出自己新天地，但碰過壁後發現世界原來唔係想像中咁簡單，原來…世上最能改變的是自己，就從自己出發囉，可以做的都去做，就算下一刻係人生的deadline也能帶笑上路，就係咁囉。人生，其實只求開心，與其去追求普世說某某年紀要做到的doremefaso(也說，人生的頭20年，不就是努力去做到父母所追求的嗎？)，不如追求令自己高興的12345。why not呢？

《給那誰的演唱會》~都是皇庭惹的禍

先謝謝友人幫手買飛~

show裡的皇庭medley唱了《燈火欄柵處》、《假使有日能忘記》，就係無咗《讓我暖一些》﹗我最熱愛這一首呀﹗連之後《妙手仁心》的《不想獨自快樂》都唱埋，嗚，好啦，我自己post番出嚟﹗

講起蘇生第一印象就係皇庭和sexy phone(XDDD﹗超鐘意琴晚阿芝啲旁白)，又講，當年小的追呢套劇真係追得好入迷，只是入U選科時又無選LAW喎，典解呢？(那時我該知道吾校有呢科…掛？其實我無認真睇科目介紹冊子的…篤)…um，當時小小年紀既小的經常幻想第時自己著住套suit在中環返工會係乜既感覺，又hippy又有lifestyle那種喎(就係當時睇《號外》的感覺…)(所以說出嚟做野後感到電視世界和現實生活的落差何其大…嗰一刻係幾失落呀﹗)，後話是…卒之小的從來未在傳統商業區返過工，除了第一份工之外都唔使formal dressing，而友人都唔興落pub飲野的，這是後話。

呢個年代，要做到劇中人打份工，可以住大屋飲紅酒開靚車…oh，only available in those old good days.

因為當年經常夜媽媽追劇，好記得有一期深夜蘇生有個由id card sponsor的節目，那水首主題曲《秘密宣言》(個節目好似係叫《深夜宣言》？)好好聽的，之後就有另一首《獨立宣言》，從此偶然在圖書館見到蘇生的碟都會借來聽吓，聽得唔算好深入，識既其實都係皇庭幾首和啲hit歌，《有人喜歡藍》呀《沒有季節的火花》呀《山水有相逢》呀咁，琴晚有啲飛佛都沒有唱，不過每聽到頭幾粒音是自己的飛佛都覺感動的啊~每首歌都有回憶的說…

成日回舊帶好似好老套呀呵？想說其實蘇生在08年出的新碟《So I Say》其實好好聽的，琴晚唱咗當中的《紅顏知己》和《黑色禮服》(仲有幾個model出嚟行啡唇show添﹗)，如果唱埋《飛人生活》就好了，超鐘意呢啲好鬼groovy既light jazz風樂曲好好un。

另一驚喜係…原來新碟翻唱了rubberband的《Simple Love Song》﹗隻碟要買﹗(聽番隻碟發現演唱會當晚都唱了幾多碟入面的歌…yo﹗)

至於啲衫，一開始套龍袍是因為眼鏡贊助商的名字是末代皇帝所以要整件龍袍呢？個水袖即刻諗起陳醫生的那件翁倩玉裝(有無人明我講乜？﹗)…um，靚唔靚真係見人見智，不過好係黃y文和蘇生啲style囉，佢正常著套西裝出嚟先奇啦吓。另…握手位變蘇生拎機自拍，好攪笑，但佢又能無乜事地繼續唱住歌喎…勁啊﹗

Last but not least，係咪把聲未開呢？好似有啲扯住扯住上唔到咁。

Anyway，也是一個以歌會友的晚上(有錢國偉就有身材勁的少女呢…)，yeah!~

另文一篇：忽然懷舊~蘇永康《給那誰的》

[國劇]《步步驚心》VS《宮鎖心玉》說在前面

2011-11-08T07:30:00.001+08:00

自從我無啦啦中了bobo毒而跑去看《美人心計》，同時又留意到有套《宮》(點解明明叫《宮鎖心玉》又要整個簡稱《宮》？我以為同套韓劇有關係呢﹗)，小的一心等睇完《美》先看《宮》，點解《美人》我睇極都未睇完喎﹗(哈…爛尾了)

丫…當小的講咗成年都未開工睇《宮》時，今年又殺出一套《步步驚心》，驟眼看兩套都十分相似，但search了一點資料來看後，um，我宣佈(領導人於運動會致開幕辭腔)：《步》的看頭好像高一點，至少，應該是我會喜歡的類型啊~

(數一數，追吓又睇吓的劇集，包括《美人心計》(睇到22集)、《我和殭屍有個約會2》(其實係追完第3輯後就無心機追了)、《法證3》(只等17皇兄個case完結就唔使睇﹗嘩﹗)…um…仲有得10集的《煙雨斜陽》…囧﹗)((已無視《萬凰之王》了…))

繼續講吓第一印象，都係一個現代女孩穿越了回清朝，感覺梗係即刻諗番《尋秦記》那種現代人去到古代點樣格格不入從而引發笑料的，仲要係女仔，仲唔可以撈少少《還珠格格》那種9唔搭8人在規矩多多的宮廷中如何攪笑？？奇異的是仲要一齊穿越回康熙中後期，啲皇子正值盛年，就係談情說愛的好時機，咁個女仔就周旋喺四爺和八爺之間…成件事即刻《還珠》咗喎﹗

看了幾篇比較兩劇的文章，wow，有新發現了。兩套劇人腳都係sell俊男美女，不過《宮》走向竟然是《流星花園》類，而八阿哥竟然係道明寺類霸道式大哥向？oh，愛情偶像劇向的，opps﹗估你唔到喎﹗不過小的有少少期待，因為n年前睇黃曉明版的《神鵰》時幾喜歡楊冪妹妹，佢演的小東邪真係精靈聰明又可愛喎，而原來演四爺的何晟銘就係美人心計入面的周亞夫(死囉…我覺得佢唔夠靚仔架喎…點偶像劇呀？)((再睇才發現仲有《煙雨斜陽》入面的佟麗))，除了港星如湯鎮業(佢仲算唔算港星？)、郭羨妮和邵美琪外，都仲有好多識既面孔…

至於《步步驚心》，就說現代女孩張曉意外穿越進若曦身體裡，變成八爺府裡側福晉的妹妹，跟住都係見到康熙年間唔同的皇爺，周旋其中，又梗係有啲現代人在古代奇異行為一大堆的笑料，不過呢，看文章都說《步》除了有穿越和愛情外，更側重的是各位皇子們的勾心鬥角爭皇位，在康熙和皇子之間的父子/君臣情上篇幅亦比較多，個風格比《宮》會正經一點，同埋點樣將穿越和歷史溶入其中，呢吓我又有興趣多啲喎﹗

重要一點的是，比起我先前所想的小燕子式胡鬧攪事爆笑料formula，《步》入面若曦走過的路多了一份心計在裡面，但又唔係TBB一貫的「心計」--搶野呀鬥呀鬧人呀咁，而係面對姐姐在夫家的地位、宮入面複雜的人事關係，一個現代女子如何憑自己心思去小心應對，呢吓小的興趣度即刻上升了…即係呢，我唔覺得吓吓大聲講打拍枱同互打幾巴既女人戲就好睇囉…um

暫時只看了頭兩集，劉詩詩的樣子或許不及楊冪的大眼睛令人有印象，不過都夠精靈活潑，看令人看得舒服的，我想是慢慢會令人記在心中那種吧？四爺吳柿龍都幾冷傲又木口木面，又確係幾有雍正深藏不露既感覺喎，只於八爺鄭視帝，看倌們都應該知道小的有幾「熱愛」佢大爺，平時佢既演技有幾「感動」到小的。um，今次個角色完全係佢嗰瓣喎﹗細心、溫柔、觀察入微咁，行出嚟唔使太多表情的，整個溫柔的微笑就得了﹗嘩哈哈，死囉，自從law霸之後我又覺得佢ok咗﹗(其實n年前的江玉郎都係ok的…不過之後佢喺tbb的特別係《烈火》唔ok之嘛…)

除了四和八爺，仲有好多個皇子會出場…um…睇祖國出品呢，有時唔認得邊個打邊個，又覺得佢地鬼咁似樣都幾難認，不過今次各個阿哥們都性格各異，應該會ok的。睇完呢套，應該可以跳去睇《雍正皇朝》，可以當熱身呢﹗順手翻兜埋《康熙大帝》…哈。(um，得承認小的係很熱愛歷史的，跳過談情說愛的部份了…)

最吸引小的既都仲係演康熙的劉松仁哥哥啦﹗原來係佢首度剃頭演出﹗

故仔上個人偏向《步》一方，同埋被《萬凰》啲驚為天(癲)人濃妝抹艷嚇親了，睇呢套劇啲人物造型、衣服、佩飾真覺得係一股清泉啊﹗起碼睇得我舒服先啦，雖然話宮廷富貴人家啫，都唔係日日著到行架嘛？咁有大時大節要著正式宮服時再打扮一番時…咪變厲鬼look？

都唔覺，人家啲像樣啲既雪景和唔使cg的紫禁城外景…oh。

過埋個考試可以努力煲的了﹗努力﹗yeah﹗~

延伸閱讀：

紫熊大大：[大陸劇] 步步驚心

《步步驚心》再掀清穿風暴 PK《宮》:各取所需

《步步驚心》《宮》十大終極PK 楊冪完爆劉詩詩(圖) (超詳盡的有埋圖既人物比較﹗有啲角色係兩劇都duplicate的嘛﹗)

救救小(google) reader﹗

2011-11-02T10:58:00.000+08:00

不知從何時開始，每天看google reader，第一下就係click落去shared items度睇友人們些牙了甚麼和留了甚麼comment，小的不怎麼看報紙嘛，很多時甚麼大事小事都係從shared items度得知的…

琴日…得知google reader升呢了…升到無咗share呢個function…要些牙就只能些到g+…囧﹗這真是晴天pig pig啊﹗

click入reader向左下方click shared items幾乎是小的下意識反射習慣，而家…無咗﹗oh﹗十萬個唔慣，我唔習慣，博友們不習慣，原來仲有好多人都唔習慣，原來這shared items和comments的功能已深深植根在們心中，仲有人整了個save google reader出嚟俾大家聯署…我諗反應之大谷哥老哥都始料不及…

無咗呢個function，reader就和普通rss feeder沒甚麼分別，之前走去用，除了是方便唔使逐個website click之外，很大原因是因為可以add一班人互share文章，從而發現很多騎呢有趣的，之後大家互comment…(很八婆的一件事)…而家要share去g+…呃，我想話g+和reader對我來說係兩樣野，而g+…其實我開了個acc之後都沒怎樣用過囉…um，就好似whatsapp和line一樣，始果我已經有whatsapp而啲friend又多數用緊whatsapp，點解我仲要走去開多個line呢？我又唔係好得閒去操控兩樣本質上相近的東東…

um…即是說，其實我不太落力玩g+的，但基本上不抗拒，但令我抗拒的是而家google鏟走了(而且是狂風掃落式)reader的社交留言function，就好似強逼我去接受g+…感覺就如有個勁有錢的阿爸出錢力谷個仔做歌星，舖天蓋地的宣傳逼我聽佢唱歌咁，咁就算啲歌係ok，我一開始就已經有啲抗拒咁囉…

前車可鑑丫，行家macrohard出window時總係鐘意將啲icon呀function呀大兜亂懶係無咁舊調重彈咁，卒之劣評如潮下咪又要走番舊路…

即係呢，想推一個新野出嚟無可厚非，不過慢慢嚟可以嗎？我真係唔會因為無咗shared item function而走去用g+，相反呢一幾來兩邊都費事開…咁…um…其實小的一路很支持谷哥的，但呢吓我真係接受唔到囉﹗(港女mode…)

Last but not least, I want the old reader back!!!!!!!